TXIV PLIG NYIAJ POV - HmongZa.com

(9 Pages)
1
2
3
→
Last »

TXIV PLIG NYIAJ POV Ib lub moo ploj

#1 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 28 May 2007 - 03:35 AM

Txiv plig Nyiaj Pov,

Tus tsim cov ntawv hmoob Latine thiab tshawb fawb txuj ci hmoob ntau yam,
tau tas sim neej rau hnub chiv Leej Tswv yim Ntsiab nqes los 5/27/2007
Nyob rau lub nroo Nantes, Fab Kis teb. Yuav ua kab ke Fabkis tag rau Nantes,
yuav coj los ua kab ke hmoob rau OrlÃ©ans ib lub week-end tab sis tsis tau paub hnub twg,
yog paub lawm mam hais rau s d paub tseeb.

Txiv plig Nyiaj Pov thaum tuaj Nplog teb

Txiv plig Nyiaj Pov 2006

Muaj kev sau nyiaj pab nws lub ntees yog xav paub nug tau nyob:

Hmong.dynalias.net

Hmongrpa.org

TXIAJ NTSIM

Yog koj xav tau kev pab, tuaj xyuas kuv lub Txhab.
Yog koj xav tau kev nyab xeeb, tuaj xyuas tswv Ntuj lub Tsev Thaj Yeeb !

http://scoler927.fre...thiabkevntseeg/

http://hmongcatholiq...s.com/forum.htm

#2 MotherNature

V.I.P. Professional Degree

Group:: Senior Consultant
Posts:: 7,939
Joined:: 06-November 06

Reputation: 2

Neutral

Posted 28 May 2007 - 06:42 AM

Tus siab ntau tias Txiv plig nyiaj pov tau tas sim neej, zoo siab tias nws mus rau txoj kev kaj kev dawb hu lawm nws yuav nyob kajsiab lug....

Nws muaj tsawg xyoo lawm?

http://ppl.blastoffn...k.com/yerlxiong

take a look at it if you like what you see come in and join with me...

~*~ @,'--,'-- ~*~

Dab tsis los yeej pauv tsis tau leej Niam txoj kev HLUB

#3 Koobpheej

Neeg Nruab Nrab

Group:: Senior Consultant
Posts:: 8,214
Joined:: 13-November 06

Reputation: 1

Neutral

Posted 28 May 2007 - 09:35 AM

Yog li peb txhua tus neeg uas siv tus ntawv Hmoob Thoob Teb no yuav nrog tu siab heev li.

Thiab cov uas tau muaj kev pab los ntawm Txiv Plig Nyiaj Pov lub neej yav tag los.

Txiv Plig Nyiaj Pov yog ib tug neeg tseem ceeb heev rau peb haiv Hmoob. Yog li peb yuav tau nco nws tus tsiaj ntsim thiab nco nws ua keeb kwm.

Thov kom Txiv Plig Nyiaj Pov mus zoo, txawm tias nws tsis muaj neej nyob lawm los. Nws lub neej nyob sab yeeb yuav ntsib kev noj qab nyob zoo thiab tau zoo li nws txoj kev hlub rau peb tib neeg.

Yog tias lwm tiam muaj tiag, thov kom koj rov qab yug los ua Hmoob li koj cov lus koj tau ntshaw tseg.

Keebkwm Ntuj Tsim Teb Raug

Keebkwm Sooblwj Yaj

#4 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 28 May 2007 - 09:10 PM

Nyob zoo cov phooj ywg

Txiv plig Nyiaj Pov lub ntees ntawm Hmoob ntiag tug yuav ua rau 6/9-11/2007 no.
Muaj coob tus neeg tseem ceeb yuav tuaj ntau lub teb chaws tuaj koom thiab.

#5 Guest_Me nyuam thwj tim hmoob_*

Group:: Guests

Reputation: 0

Posted 29 May 2007 - 07:56 AM

Tu siab tau hnov tej lub moo txias txias li no. Tus neeg muaj txiaj ntsim thiab muab koob hmoov rau peb haiv hmoob xav kom nws nyob mus li.
Ntseeg tias nws yuav tau mus nyob ua lub neej kab siab lug nyob pem ntuj ceeb tsheej npaj dua ib lub teb chaws tos me nyuam hmoob ntsuag nos.

Mus zoo nawb mog txiv plig nyiaj pov.

#6 phoojywgUSA

Advanced Member

Group:: Members
Posts:: 97
Joined:: 06-May 07

Reputation: 0

Neutral

Posted 29 May 2007 - 02:32 PM

I am sadden to hear the news of his passing. He was a great man working for God and a great man working with the Hmong ppl. He will truely be missed. As he enter the gate of Heaven, I can see Jesus' arms wide open and say, "My son, welcome home." and he will be welcome by many Hmong who has passed on. May he rest in peace.

#7 Guest_HmooUSA_*

Group:: Guests

Reputation: 0

Posted 30 May 2007 - 11:32 AM

Thov ua tsaug rau nej cov tso lub moo Ploj pub rau peb tau hnov.

Kuv muaj lus tusiab ntau txog nws vim nws yog ib tug zoo tam li peb Hmoob ib tsev neeg thiab ib leeg coj.

Tsis tas li nws tseem tsim tau ntau yam muaj nujnqis rau peb Hmoob coj los siv txog niaj hnub nimno thiab rau lub neej yav pemsuab.

Thov Vajtswj coj nws mus nyob kaj siab lug raws li nws yog ib tug neeg zoo uas cawm peb haiv neeg txom nyem. Peb yuav nco nws tus txiaj tus ntsig mus tas ib sim.

Thov caw peb tsoom Hmoob s/d uas yog cov nyob ze thiab cov nyob deb yog mus tau pab mus nta dab nta qhua rau TXIV PLIG kom tsim nyog li nws tau pab peb Hmoob yav tas dhau los.

Nyob zoo.

#8 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 30 May 2007 - 12:01 PM

Nyob zoo Peb Tsoom hmoob thoob teb chaws

Kuv rov muab ib qho uas kuv tau sau nyob hauv Ntsuj Huab Xyw lub topic hais txog Txiv plig Nyiaj Pov tuaj txog peb hmoob lub neej.
Yog leej twg hos tsis tau nyeem los ho nyeem hnub no. Yog tus ho tau nyeem los lawm los yog ib qho nco txog txiv plig.

Posted Image

Txiv plig Nyiaj Pov muaj txiaj ntsim ntau heev rau 3haiv hmoob nyob Los Tsuas teb. Nws muab nws sim neej los rub 3Haiv Hmoob tes peb thiaj nrog luag lwm haiv neeg muaj koob nto npe. Kuv thov sawv 3 Tsoom Hmoob chaws : "Hais Ib los lus Ua Tsaug rau txiv plig Nyiaj Pov"

Txiv plig Nyiaj Pov xub tuaj nrog hmoob nyob Roob Nyuj Qus, xeev Luang Phrabang. Tom qab ntawd nws los rau Vees Cam ces mus nyob rau Samneua. Nws thov tau ib qho nyiaj ntawm Koom Txoos Kev Ntseeg nyob Vatican tuaj mus pab hmoob. Nws npaj ua ib lub Farm nyob rau Samneua, nws nyuam qhuav yuav tau tractor tej xwb ces Samneua tawg ces nws muab tso tseg thiaj khiav los nyob rau Vees Cam.

Nyob Vees Cam nws yuav ib qho av ua 20 xyoo them coj los ua ib cov tsev rau cov tuaj kawm xib hwb thiab cov tub hluas hmoob uas tuaj pem toj siab xeem tau tuaj kawm ntawv Vees Cam es niam txiv txom nyem, nyob rau Simouang. Nws khais ob lub tsev loj nyob Nong Bonne rau cov ntxhais nyob nrog phauj Xis Thiab phauj Yeeb (Canadiennes).

Tsis tag li ntawd Txiv plig Nyiaj Pov tseem yuav ib qho av nyob Thagnone rau cov xib hwb ua ib lub farm yug nyuj tso kua mis, qaib nteg qe thiab npua kom tau nyiaj hli rau lawv. Yog thawj lub Farm nyob Los Tsuas teb.

Ob xyoos ua ntej teb chaws yuav tawg txiv plig Nyiaj Pov tab tom mus npaj ua ib lub Farm loj nyob rau Kasy, qaum Vangvieng tab sis kuj zoo ib yam li pem samneua lawm thiab xwb.

Teb chaws tawg tag ces txiv plig thiaj xav tias Peb Hmoob nyiam ua noj ua haus nrog nroj tsuag ces nws thiaj xav tias tsuav teb chaws Guyane tseem muaj hav zoov ces nws thiaj thov tseem hwv Fabkis kom pub Hmoob mus nyob rau Guyane.

Thaum Hmoob yuav mus mas cov neeg nyob tid tsis kam txais tos hmoob. Vim lawv hnov tias hmoob yog ib cov Noj Neeg. Ces thaum hmoob mus txog tub rog thiaj kav rawv ua daj teg thiab muab pam los thaiv ob sab cia hmoob tawm nyoob hoom hauv nruab nrab mus nce tsheb thab ham lawm xwb.

Lawv coj hmoob mus pov puag tom plawv zoov, coj mus nyob ib qho av tsis zoo ua noj. Thaum cov pej xeem Guyane yuav tuaj xyuas hmoob mas yuav tsum thov ntawv ntawm Prefecture tib si thiab yog tub rog nrog nraim lawv tuaj xwb ntsai tsam hmoob noj lawv , heheheeee...

Ua ntej xyoo 1977 ua hmoob mus nyob lub teb chaws Guyane muab listed rau ib lub teb chaws ua tsis tau noj. Cov neeg nyob tid ces yog noj nom tswv nyiaj xwb. Thiab thaum ntawd tag nrho teb chaws Guyane muaj 60.000 leej neeg nyob rau 91.000 kmÂ². Txij hmoob mus nyob hmoob ua tau noj lawm ces thiaj muaj neeg mus nyob coob zuj zus. Tam sim no yog ze ntawm 200.000 leej neeg nyob lawm.

Yog muaj Txiv plig Nyiaj Pov ua lub hauv paus 3hmoob thiaj muaj ntawv nrog luag paub.
Li no txiv plig Nyiaj Pov yog ib tug neeg pom deb tshaj peb hmoob txom nyem , nws thiaj tuaj ua peb niam peb txiv yam peb twb tsis nco txog.
Txiv plig kuj tau tshawb fawb hmoob tej keeb kwm ntau yam thiab sauv tau ntau phau tawv txoj hmoob tej kab lis kev cai tej txuj ci.

Txiv plig Nyiaj Pov cov kwv tij thiab nws niam nws txiv

PEB UA KOJ TSAUG TXIV PLIG NYIAJ POV

This post has been edited by koojziagkabzaug: 27 September 2008 - 12:57 PM

#9 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 31 May 2007 - 09:38 AM

Txiv plig Nyiaj Pov lub Tsev Nyob Guyane

Thaum txiv plig Nyiaj Pov coj hmoob mus txog Guyane ces nws cia txiv plig Neej Vaj nyob thawj lub zos hmoob, lub zos Cacao.
Hos txiv plig Nyiaj Pov mus nyob lub zos thib ob, Javouhey nyob Guyane qaum teb.
Thaum 1977 txog ntuas thaum nws mus tsim lub xov tooj cua "Tswv zov Yaj" nyob Philippines teb.
Tom qab ntawd nws thiaj mus nyob Thaib teb ua cov phau ntawv hmoob.
Vim luam ntawv thiab ua nyob tid mas pheej yig dua.
Txog hnub nws muaj mob nyhav li peb s d tau hnob hauv dai vidÃ©o ua Txawj nrhiav tau rau peb saib saud.

Txiv plig Nyiaj Pov lub tsev nyob Javouhey ( Guyane)

Tsev khaws txuj ci hmoob Javouhey

Zos hmoob Javouhey

Map qaum Guyane

Txawj

Ua tsaug ntau koj tseem mus tshawb tau txiv plig daim vidÃ©o kawg rau peb saib.
Daim VidÃ©o no yog thaum lawv muab txiv plig hloov mus rau Nates ces yog nyuam qhuav thaij tau li ob hlis no xwb.

Kuv txhais me ntsis txog ob peb los lus uas txiv plig hais ua lus Fabkis:

Txiv plig hais tias nws tseem tshuav ib cov ntawv npaj tau cov txheej txheem lawm tab sis ua tsis tau tiav,
yuav siv li 5xyoo thiaj ua tiav. Thiab tshuav 2000 lo lus yuav ntxiv rau phau ntawv dictionary hmoob Fabkis.

#10 Koobpheej

Neeg Nruab Nrab

Group:: Senior Consultant
Posts:: 8,214
Joined:: 13-November 06

Reputation: 1

Neutral

Posted 01 June 2007 - 09:16 AM

Nyob zoo Txawj, thiab Koojziagkabzaug,

Ua neb ob leeg tsaug ntau ntau uas neb tau mus ua kev tshawb nrhiav txog Txiv Plig Nyiaj Pov tej txuj ci thiab txoj kev zoo los rau peb suav daws paub thiab kawm.

Keebkwm Ntuj Tsim Teb Raug

Keebkwm Sooblwj Yaj

#11 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 01 June 2007 - 10:38 AM

Nyob zoo Tsoom phooj ywg

Ntsuj Huab Xyw

Tsis muaj dab tsi ua tsaug
Yog ntuj tsim teb sau
Cuaj zaj yim lwm los peb pab tsis tau
Txiv plig Nyiaj Pov rov los nrog peb nyob ntxiv ib zaug.

TXHEEJ TXHEEM TXIV PLIG LUB NTEES

Lub sij hawm yuav txais TP Nyiaj Pov los ua kab ke yog :

Salle de St-Marc
1, rue du Pressoir Neuf
45 000 ORLEANS

Vendredi 8 juin 2007 :
- 20h00 : Ua kab ke xa plig

Samedi 9 juin 2007 :
- Cov Xib Hwb coj kev teev Ntuj rau Txiv Plig Nyiaj Pov txhua txhua ob xooj moos
- Tos txais qhua nom qhua tswv, niam txiv kwv tij neej tsa
- Txheej txeem nco Txiv Plig txiaj ntsim

Dimanche 10 juin 2007 :
- 10h00 : Kab ke cob txiaj ntsim
- 11h00 : Ua lub Txoos
- 12h00 : Pluas mov ua tsaug
- Hais xim thiab Foom Kom

Lundi 11 juin 2007 :
- Thauj Txiv Plig mus rau Prinqiau (nyob ze Nantes)
- 15h00 : Thaj txiv ntuj kawg nrog Txiv Plig
- Sam sab

Leej twg xav tuaj koom los puav leej tos txais tib si.
Txiv Plig tsis txiav tsis cais ib tug li nawd.

Muaj dab tsi, noog tau rau :

LIS Ntxoov Yeej
YAJ Xaiv-Tsom TÃ©l: 02 38 86 62 19
TÃ©l: 01 43 76 56 80 GSM: 06 23 61 14 36
GSM: 06 62 59 24 67

TP Nyiaj Pov cov lus

Txiv Plig Nyiaj Pov thov hais cov lus nram no rau sawv daws :

1/ Tas Tsoom hmoob tib si yog kuv cov me tub ki,
cov ntseeg thiab tsis tau los ntseeg tib si.
Thaum kuv puv 120 xyoo kuv vam tias sawv daws
yuav tuaj nta kuv lub ntees zoo li hmoob ua rau ib leej txiv los ib tug laus.

KUV VAM TIAS NEJ SAWV DAWS YUAV THOV NTUJ TSIS TSEG RAU KUV.

Posted Image

2/ Kuv kuj tais hais ob peb los lus rau sawv daws,
muab tso rau tim As Mes Liv Kas teb, txog caij txog nyoog mas
lawv yuav muab qheb rau nej sawv daws hnov.

Hais nyob Pontmain, hnub tim 15lub 8hli xyoo 2006.
Cov lus Txhiaj Vwj Yaj ua tus kaw

COV MUAJ ZAM HMOOB THOV HNAV TUAJ TXIV PLIG LUB NTEES
HNUB TIM 10 LUB 6HLI XYOO 2007 NO.
VIM TIAS PEB YOG HMOOB THIAB TXIV PLIG YEEJ NYIAM HMOOB;
TXIV PLIG TUAJ NROG HMOOB NYOB TAU 60 XYOO CES NWS YOG PEB HMOOB IB LEEJ TXIV.

#12 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Post icon Posted 02 June 2007 - 07:57 AM

Nyob zoo cov phooj ywg

Yog nej cov nyob deb tuaj tsis tau Txiv plig Nyiaj Pov lub ntees
los nej sau tau ntawv rau nws " Phau ntawv kub" nyob lub forum no.

Hmong Dynalias Daim Forum Nyob Nov

Posted Image

#13 kabnpauj

Bachelor Degree 2

Group:: Members
Posts:: 292
Joined:: 19-January 07

Reputation: 0

Neutral

Posted 02 June 2007 - 09:11 PM

Nyob zoo tsoom phooj ywg

LUB ROOJ SAB LAJ HNUB SAMEDI 17/03/2007 NYOB ORLEANS ST-MARC
COV LUS UAS TAU SIB THAM HAUM RAWS KEV POM ZOO NTAWM

TP Neej Vaj tau tsa lub rooj sab laj loj nyob OrlÃ©ans hnub Samedi tim 17 Mars 2007.Thiab tau caw tas nrho cov coj, tas nrho cov qub xib hwb, cov txwj laus tseem ceeb. Thiab coob tus cov qub tub ntxhais uas thaum ub tau ua hauj lwm nrog TP Nyiaj Pov nyob Vientiane. Kom sawv daws tuaj koom sab laj loj, uas muaj 2 nqi lus tseem ceeb yuav sib tham xws li :

1. Yog tham txog kev npaj faj seeb rau TP Nyiaj Pov lub neej lwm hnub thaum nws puv 120 xyoo. Saib peb tsoom ntseeg Hmoob fab Kis teb yuav npaj zoo li cas rau nws.
2. Yog npaj xaiv tsa tus yuav los hloov TP Neej Vaj chaw, tuav lub hauv paus AumÃ´nerie Hmong catholiquede France. (Vim TP Neej Vaj laus lawm, xav tso hauj lwm rau cov uas tsim nyog yuav pab tau tsoom ntseeg Hmoob los ua tus tuav ntxiv mus). Lub rooj sab laj tau pib thaum 13h00 tav su thiab txhua tus kuj tuaj ncav sij hawm raws li tau teem tseg.

Tas nrho cov uas tuaj koom rooj sab laj hnub ntawd muaj 54 leeg. Thiab xaus rooj sab laj yog 19h.00. Tom qab rooj sab laj, sawv daw koom noj ib pluas mov ua ke ua ntej nyias rov mus nyias vaj nyias tsev.
Nyob hauv lub rooj sab laj hnub ntawd muaj :

Txiv Plig Neej Vaj (RenÃ© Charrier), AumÃ´nier Hmong Catholique de France.
Txiv Plig Yvon L'HÃ©noret, Adjoint AumÃ´nier Hmong Catholique de France.
Leej Tij Yaj Chiv Antoine, tuaj ntawm lub tsev npaj ua Leej Choj nyob Lyon.
Diacre Hawj Nyiaj Nkaub, tuaj ntawm Javouhey Guyane.
Yaj Xaiv Tsom. Tus khiav hauj lwm pab lub AumÃ´nerie thiab tuav kev tshaj xwm ntawm tsoom ntseeg Hmoob Fab Kis teb lub tsev vas http://hmong.dynalias.net kuj yog ib tug nyob rau hauv lub rooj Tswj Xwm TP Nyiaj Pov kev faj seeb.

Lis Ntxoov Yeej, yog tus sawv cev ntawm Rooj Tswj Xwm TP Nyiaj Pov kev faj seeb. Thiab yog tus tuav lub rooj sab laj hnub ntawd txog kev sib tham ntawm TP Nyiaj Pov kev faj seeb, pab rau Txhiaj Vwj & TP Neej Vaj.

TP P. FranÃ§ois Roulleau, yog tus txiv Plig pab tsoom ntseeg Hmoob nyob OrlÃ©ans thiab yog tus Tswj ntawm Pastoral des Migrants, rau Fab Kis teb phab nruab nrab.
Muaj coob tus yog cov qub Xib Hwb thaum ub, uas yog TP Nyiaj Pov thawj pab xib hwb kawm tiav thiab ua hauj lwm qhia kev ntseeg nyob Los Tsuas teb dhau los.
Muaj coob tus yog cov Tim hwb uas nyob hauv tsev hauv paus Vientiane, thiab npaj kawm ua Xib Hwb.
Muaj coob tus yog cov Poj Niam tseem ceeb, uas thaum ub yog cov ntxhais, cov phauj, ua hauj lwm leg ntaub ntawv txhua yam nyob hauv TP Nyiaj Pov lub tsev hauv paus nyob Vientiane.
Muaj coob tus yog cov qub XH uas nyob phab Luang Prabang, uas yog cov Leej Choj Italy pab Xib Hwb thaum ub.
Muaj Coob tus yog cov Coj tsoom ntseeg Hmoob nyob Fab Kis teb no, uas tuaj txhua qhov ntawm Fab Kis teb tuaj.
Muaj coob tus yog cov Txwj Laus ntseeg, uas tseem ceeb thiab ib txwm coj kev ntseeg zoo thiab paub TP Nyiaj Pov zoo. Thiab kub siab pab rau kev txhim kho tsoom ntseeg Hmoob nyob Fab kis teb.

Cov ntsiab lus tau sab laj txog kev npaj faj seeb rau TP Nyiaj Pov, muaj raws li ntawm no :
- 1. Kev thov nyiaj pab tshav ntuj ntawm tej pab pawg ntseeg los npaj faj seeb ua ntej.

Sawv daws pom zoo xws li no:

a. Cov ntseeg uas nyob ua pab ua pawg thiab muaj tus (XH) coj. Lawv mam sib sau nyiaj ua ke, thiab khaws cia ntawm lawv raws li tus coj nrog nws pawg ntseeg pom zoo. Thiab tsis txiav ib tug nqi, nyob ntawm nyias siab. Thaum twg txog sij hawm siv, lub rooj Tswj xwm hu txog mam li nqa tuaj xwb.

b. Cov uas nyob nrug deb, thiab nyob tsis muaj pab pawg ntseeg. Yog nws pom zoo pab, ces xa nyiaj ncaj qha tuaj rau lub hauv paus ntawm TP Neej Vaj "AumÃ´nerie Catholique Hmong de France" - P. RenÃ© CHARRIER. 52. Avenue Arnaud de VogÂe - 18000 BOURGES.

c. Tej tus uas pom zoo cia txog lub sij hawm ntawd, nws mam tuaj pab ncaj qha ntawm lub ntees raws li kev pab tshav ntuj los kuj tau kawg li. Yog tus twg tsis pom zoo pab los tsis ua cas.

- 2. Lub chaw thiab lub sij hawm yuav coj los ua kab ke yog pes tsawg hnub pes tsawg hmo ?
Lub chaw uas tau npaj tseg yog nyob Chilleurs aux Bois, ze ntawm OrlÃ©ans.
Yuav siv sij hawm ua kab ke kwv yees li 3 hnub 3 hmos. (Vendredi yav tsaus ntuj txog rau Dimanche Tsaus Ntuj). Thiab yuav ncua sij hawm tos kom cov nyob deb tuaj txog raws li hais haum tseg mam li coj tus qauv los ua kab ke.

- 3. Hais Txog Lwm hnub TP NYiaj Pov Lub ntees yuav npaj zoo li cas ? Ua loj los ua me ?
Yuav ua raws li peb mauj nyiaj xwb, saib cov nyiaj sawv daws pab tuaj, tau ntau los tsawg. Peb muaj li cas, tsuas ua li ntawd xwb. Tiam sis yuav ua kom txhua yam zoo thiab kom tsim nyog.

- 4. Kev tuav nyiaj kuv phem thiab kev siv ntawm lub ntees.
Yuav xaiv 4 tug los ua cov tuav thiab tshuaj nyiaj kuv phem :

- 1 tug yog cov nyob USA.
- 1 tug yog cov nyob Guyane.
- 1 tug yog cov nyob OrlÃ©ans.
- 1 tug yog cov nyob Fab Kis teb.

Tus tuav nyiaj ntawm Fab Kis teb yog, xaiv tau rau Yaj Tshuas Rwg.

Hais txog li ntawm cov uas tsis tau muaj npe, nyias pab mam li xaiv nyias tus tuaj thaum txog sij hawm siv.

- 5. Kev npaj noj haus yuav npaj zoo li cas ?
Yuav tau ua zoo npaj kom zoo, kom qab, kom txhua tus tau noj thiab txhua tus noj tau.
Vim yuav muaj ntau haiv neeg tuaj ntau lub teb chaws tuaj.

- 6. Kev txais qhua, qhua tuaj lwm teb chaws tuaj. Khiav kev mus los thiab chaw nyob chaw pw.
Cov nyob hauv teb chaws no, nyias tuaj nyias raws li nyias tseev tuaj ntawm ib lub ntees xwb.
Cov nyob lwm teb chaws tuaj, peb pab xauj tsev Hotel rau lawv, thaum lawv tuaj txog lawv mam rho lawv nyiaj them xwb.

- 7. Kev sib pab khiav hauj lwm ntawm cov Xib Hwb thiab cov Coj yog hauj lwm dab tsi ?
Thiab leej twg tuaj yeem pab tau pes tsawg hnub ?
Txhua tus Xib Hwb, txhua tus coj thiab coob tus paub leg hauj lwm mam los sib pab rau txhua yam ntawm tej kab ke. Tiam sis sawv daws tsuas yog ua raws nkaus li daim Txheej txheem uas lub Rooj Tswj Xwm npaj rau sawv daws xwb, tsis pub nyias ua ywj nyias siab thiab ua sib txawv thiaj yuav sib haum.

- 8. Cov tuaj yeem pab khiav hauj lwm txhua yam ntawm lub ntees, Tshwj Kab, Kav Xwm, Niam ua Mov thiab txhua yam ntxiv...
Yog lub Rooj Tswj Xwm nrog rau cov coj pawg ntseeg nyob OrlÃ©ans, lawv mam ua cov sib pab thov cov neeg uas muaj sij hawm thiab zoo siab tuaj yeem pab.

- 9. Tej Cuab yeej siv ua noj ua haus thiab txhua yam yuav siv rau lub ntees yog leej twg npaj ?
Yog lub Rooj Tswj Xwm mam li ua tus npaj thiab ua tus thov qiv txais ntawm cov uas muaj coj los siv xwb.

- 10. Tej txheej txheem kab ke yuav npaj zoo li cas ? Leej twg ua yam twg ?
Txhua yam txheej txheem thiab kab ke yog lub Rooj Tswj Xwm ua tus npaj, thiab nws mam li faib hauj lwm rau txhua tus uas yuav los sib pab ua tej kab ke, kom sawv daws thiaj li muaj kev sib haum xeeb.

- 11. Zaj Xa Plig thawj nqes thiab nqe 2 yog cia leej twg ua tus ua ?
Zaj xa Plig thawj nqes thiab nqe 2 yog cia rau cov XH nyob OrlÃ©ans thiab (cov coj) cov Xib Hwb nyob Fab Kis teb no ua tas nrho.

- 12. Nyob hauv lub ntees, peb pom zoo siv xyab ntawv, ntshua ntawv ua hauv qhua tib si, los yog peb tsuas siv tswm ciab paj ntoos nkaus xwb ?
Siv tau 2 yam tib si, xws li tswm ciab paj ntoos thiab xyab ntaw. Lub Rooj Tswj Xwm mam ua tus saib xyuas txog, saib yam twg tsim nyog ua tau thiab yam twg yuav tau tshem tawm.

- 13. Hmo Foom Kom puas muaj rub rooj txheeb qhua... Muam Phauj Txiv Dab laug kom txhij txhua raws li peb Hmoob kev cai uas peb cov ntseeg Fab Kis teb no txeev siv ?
Rooj Tswj Xwm thiab cov XH mam li npaj kom muaj txhua yam raws li ib lub rooj hais txiv xaiv Hmoob Kav Tos Liv. Thiab mam li thov coob tus los sib pab ua.
XH Npuag Neeb yog tus Foom Kom.

- 14. Tus hais txiv xaiv, puas pom zoo muab nyiaj nqi txiv xaiv foom kom rau ? Thiab cov tub qa tub num uas thov tuaj pab lis hauj lwm. Rooj tswj Xwm puas ntxiv nqi tsheb, nqi nyuj hoom rau lawv ?
Txhua txhua tus cov uas lub Rooj Tswj xwm thov tuaj pab ua hauj lwm rau TP Nyiaj Pov lub ntees. Yog thov tuaj pab yam siab dawb paug yuav koob yuav hmoov xwb. Yuav tsis muab nyiaj thiab tsis ntxiv nqi nyuj hoom, nqi tsheb, rau leej twg li. Hnub 3 thaum yuav xaus lub ntees. Rooj Tswj Xwm mam li npaj ib pluas mov kom zoo tsim nyog thiab rub tag nrho cov uas tau tuaj pab leg hauj lwm txhua yam, los noj ib pluas mov ua ke.
Rooj Tswj Xwm yuav muaj ib lo lus ua tsaug thiab nco sawv daws txiaj ntsim.

- 15. Cov nyiaj tshav ntuj uas siv tsis tas seem ntawd, yuav muab rau leej twg los yuav muab ua dab tsi ?
Yog tshuav nyiaj seem pes tsawg, ces muab tso rau hauv TP Nyiaj Pov lub "Fondation Bertrais" nyob tim USA. Raws li sawv daws pom zoo.
Tseem tshuav ntau yam uas rooj sab laj kuj tau tham ntxiv thiab pom zoo, tiam sis yog Rooj Tswj Xwm li hauj lwm thiab kev saib xyuas lawm xwb.

Nqi lus 2 ntawm rooj sab laj : Yog hais txog npaj nrhiav kev xaiv tsa tus yuav los sawv cev hloov TP Neej Vaj. Los tuav lub AumÃ´nerie national des Hmong de France.

Rooj saj laj tau pib tom qab ntawm kev sab laj rau TP nyiaj pov kev faj seeb tiav lawm.
Yog TP. Neej Vaj ua tus los sawv cev hais thiab qhia kom sawv daws paub txog hais tias, nws muaj hnub nyoog laus lawm, txhua yam hauj lwm ntawm AumÃ´nerie Hmoob Fab Kis teb, nws xav muab tso rau ib tug Hmoob ua tus los tuav thiab Tswj pab peb tsoom ntseeg Hmoob mus ntxiv lawm yav tom ntej.

Nws piav txog hais tias, ib tug uas yuav los tuav lub AumÃ´nerie no nws yuav tsum yog ib tug neeg zoo li cas.
Thiab tom qab ntawd, sawv daws thiaj li pib npaj daim ntawv sau npe pov ntawv saib pom zoo tus twg los hloov TP Neej Vaj.
Cov neeg tuaj xaiv no, nws tsuas yog tuaj muab suab pom zoo raws li tsoom ntseeg kev pom zoo xwb (Bulletin de consultation).
Qhov yuav xaiv tsa kom yog tiag tiag, yog Tswv Qhia ua tus txiav siab thiab tsa (Nomination officiel) raws txoj cai tuaj ntawm lub Koom Txoos, thiaj yog tsa tau tiag.

Thaum sawv daws los pov ntawv muab kev pom zoo thiaj li pov ntawv tau rau :

Yaj Xaiv Tsom, tau 36 suab.
Thoj Qhua Xab, tau 10 suab.
Lwm tus tsis muaj 10 suab tsis hais txog.
Qhov kawg tus tau suab ntau tshaj plaws yog Yaj Xaiv Tsom.
Thiab lub rooj sab laj thiaj li pom zoo tsa raws suab pom zoo rau Yaj Xaiv Tsom.
Tom qab uas xaiv tsa raws suab pom zoo tiav lawm. Lub Rooj sab laj thiaj li tso rau TP neej Vaj thiab TP. Yvon nkawd, coj cov suab pom zoo no xa mus rau tus Tswv Qhia tuav kev xaiv tsa tus Tswj tshiab ntawm lub AumÃ´nerie Hmong.
Lwm hnub txog sij hawm, Tswv Qhia mam muab npe thiab tsa raws li txoj cai lub Koom Txoos.

Tseem tshuav ntau yam uas rooj sab laj tsis muaj sij hawm tham, thaum twg xaiv tau tus thawj Tswj hloov TP Neej Vaj tuaj ntawm Tswv Qhia lawv kom tiav hlo, peb mam rov rub rooj sab laj thiab mam rov caw sawv daws cov XH, thiab cov coj rov tuaj sab laj dua txog lwm yam ntxiv.

Peb rooj sab laj twb yog siv sij hawm txij thaum 13h00 txog 19h00. Xam hais tias rooj sab laj siv sij hawm 6.00 teev. Peb lub rooj sab laj thiaj los xaus li no.
Tom qab xaus rooj sab laj, sawv daws thiaj los sib koom noj ib pluas hmo ua ke raws li tau npaj tseg.
Cov Coj ntawm lub rooj sab laj thov ua tsaug rau txhua tus, uas tau qee lub sij hawm tuaj koom kom tau rooj sab laj hnub no. Vim sawv daws xam pom tias yog ib yam tseem ceeb kawg li.

Ua tsaug rau cov poj niam uas pab npaj zaub mov thiab tuaj pab tu vaj tu tsev rau sawv daws tuaj sab laj thiab noj hmo ua ke ntawm rooj sab laj. Tom qab uas sawv daws noj hmo ua ke tag lawm, nyias thiaj rov mus nyias vaj nyias tsev yam tuaj zoo, rov zoo txhua tus raws siab xav.

Thov kom Tswv Ntuj pov hwm sawv daws thiab kom Leej Tswv Yim Ntshiab nqes los nyob hauv txhua tus lub siab, kom sawv daws txawj sib hlub, sib pab thiab ua yam twg los ua kom muaj kev ncaj ncees raws li peb txoj kev ntseeg. Kom sawv daws noj qab nyob zoo, ua lub neej nyob kaj siab lug.

Lwm zaus peb mam sib ntsib dua.

TP Neej Vaj / Lis Ntxoov Yeej / lub Rooj Tswj Xwm.

(tus sau yog Lis Ntxoov Yeej )

CrÃ©Ã© par xtsom
ActualitÃ©s

Nyiaj npaj faj seeb rau TP Nyiaj Pov
Rooj sab laj lub 3 hlis ntuj 2007
Tsab ntawv thov pab nyiaj (USA)
Tsab ntawv thov pab nyiaj (France)
Txiv Plig Tshaj Xwm

Voir aussi
Ntawv Hmoob thoob teb
Oblate Communications
Xov tooj cua Zoo Tswv Zov Yaj
Suab Hmoob Sheboygan
Xov Tooj Cua Hmoob LosTsuas
Xov Tooj Cua Hmoob KQEQ

--------------------------------------------------------------------------------

Directeurs de publication : Txiv Plig Neej Vaj / Xaiv-Tsom Yaj
Le site est rÃ©alisÃ© par l'Ã©quipe Web. Pour nous contacter : hmong.france@gmail.com

zaub qab muag ncauj
lus zoo muag siab
lub neej kaj siab nyob ntawm yus xub ntiag

#14 Guest_Leej Tub Hmoob_*

Group:: Guests

Reputation: 0

Posted 03 June 2007 - 02:46 AM

Ib tsoom Hmoob,

Thaum kuv hnov tias peb Txiv Plig Nyiaj Pov tau puv 120 xyoo mus nrog Tswv Ntuj nyob lawm, kuv kuj tusiab thiab nco txog TP Nyiaj Pov.

Kuv tuskheej kiag tau ntsib peb Txiv Plig Nyiaj Pov 2-3 zaug thaum nyob Tebchaws Thaib. Kuv yog nws ib leeg tub Hmoob li nej s/d thiab. Thaum TP tseem ua neej nyob, kuv zoo siab kawg uas kuv tau ntsib thiab nrog nws tham lawm. Hnub no TP tau tso peb tseg mus nrog Tswv Ntuj nyob lawm los kuv nco ntsoov TP tej txiajntsim xws li nram qab no.
(1) Txiv Plig Nyiaj Pov tau pab Hmoob ntau txhiab leej los ua Neeg Ntseeg Ntuj(ntseeg Tswv Yesxus). Raws li kuv yawg tau hais tseg rau kuv thaum kuv tseem yau, TP tau coj ntau caum tsev neeg Hmoob uas nyob sab Roob Kubtwm, Lostsuas Teb, los ua neeg Ntseeg Ntuj. Lub sijhawm ntawd, Hmoob nyob tau qhov chaw hauv Tebchaws Lostsuas tabtom ntsib teebmeem nrog dabtsov uas hu-ua "Tswv Xyas lossis puv Phimnpab' puv vwm'". Lub sijhawm ntawd, cov Hmoob kuv niam thiab kuv txiv lawv txheej tau tag sim neej coob kawg uas feem coob yog cov pojniam, vim dabtsov hlob hlob. Lub sijhawm ntawd, kuv yawg thiaj mus ntsib TP nyob Veescam(Vientiane) kom mus pab Hmoob rau Roob Kubtwm. Suav txij li TP Nyiaj Pov ua Kev Cai Ntxuav Plig(kev cai raus dej) rau kuv niam thiab kuv txiv lawv txheej ntawd los ua neeg Ntseeg Ntuj lawm, sawvdaws nyob nyabxeeb tagnrho los ntawm Tswv Ntuj lub hwjchim thiab TP txoj kev pab.
(2) Txiv Plig Nyiaj Pov tau pab Hmoob tshawbfawb peb Hmoob tej txujci thiab khaws Hmoob tej txujci cia tseg. TP tau muab peb Hmoob tej txujci no sau ua peb Ntawv Hmoob(Ntawv Hmoob Latin) uas nws ua tus tsim cia tau ntau caum phau ntawv. Kuv los kuj tau pom TP tej dejnum uas nws siv zog los pab khaws thiab tshawbfawb Hmoob tej txujci cia ntawm kuv tuskheej thaum kuv nyob Thaib Teb.

Txiv Plig Nyiaj Pov,
Kuv ua koj tsaug ntau ntau uas koj tau pab thiab txhawb peb Hmoob. Koj yog tus Tswv Zov Yaj uas koj saib thiab zov koj pab yaj zoo zoo. Koj yog peb Hmoob Leejniam Ntawv uas koj tsim peb cov Ntawv Hmoob Latin no rau peb Hmoob. Koj ceev peb tej txujci uas peb Hmoob Txwvtxoob tseg rau peb cia. Hnub no, koj so koj tes dejnum Hmoob thiab tes dejnum uas Tswv Ntuj txib tseg es mus nrog Tswv Ntuj nyob lawm los kuv nco ntsoov koj tus txiajntsim tseg. Koj mus nrog Tswv Ntuj nyob los koj nrog Tswv Ntuj saib thiab pab koj cov me nyuam Hmoob nrog cov nyob kaum roob kaum hav huv tibsi thiab. Es kawg no, thov koj mus zoo thiab Leej Ntuj Plig nrog koj nyob.

#15 Guest_Hmoob Simuang_*

Group:: Guests

Reputation: 0

Post icon Posted 03 June 2007 - 10:12 PM

Txiv plig Nyaij Pov,

Koj muaj txiaj ntsim ntau rau PebHmoob.
Kuv ua koj tsaug ntau.
Koj muab tag koj sim neej los rub peb hmoob tes, los tsa Peb Hmoob kom sawv nrog luag muaj ntaub ntawv.
Koj tuaj ua tsev txais tos peb cov tub kawm ntawv uas nyob pem hauv sab, xeem tau tuaj kawm ntawv Vees Cam. Peb niam peb txiv txom nyem, khwv tsis tau nyiaj txaus peb nyob noj nyob Vees Cam, koj ua txiv hlo pab peb; yam tsis txiab cais leej twg.Koj lub hwj chim roos peb, peb cov hmoob thiaj muaj lub ntsej lub muag tuaj fim tau cov neeg Los Tsuas nyob nroog.

Kuv thov koj mus zoo.
Thov Tswv Ntuj txais koj mus nrog nws nyob.
Koj tej tshav ntuj yuav nyob tsis muaj caij kawg.

#16 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 04 June 2007 - 01:19 PM

NYOB ZOO COV PHOOJ YWG

Hnub no kuv muab cov kwv tij Ntseeg Ntuj Baptist tsab ntawv tu siab
thiab pab tshav ntuj rau Txiv Plig Nyiaj Pov rau peb nyeem:

#17 maypaj

V.I.P. Professional Degree

Group:: Senior Consultant
Posts:: 6,064
Joined:: 05-November 06

Reputation: -13

Poor

Posted 04 June 2007 - 02:43 PM

koojziagkabzaug, on Jun 4 2007, 08:19 PM, said:

NYOB ZOO COV PHOOJ YWG
Hnub no kuv muab cov kwv tij Ntsheeg Ntuj Baptist tsab ntawv tu siab thiab pab tshav ntuj rau Txiv Plig Nyiaj Pov rau peb nyeem:

thov kom Tswv Ntuj pab peb txhua leej txhua tus nyob kaj siab lug li txiv nplig NP tau ib txwm coj hmoob lub moo zoo los rau sawv daws, thov ua koomziagkabzaug thiab txawj tsaug ua tseem muaj lub siab dawb paug los dhiav cov duab thiab ntawv zoo zoo tuaj tso rau peb thxua leej thxua tus tau paub thiab tau thaug xyuas ntxiv mus , ua tsag ntau.

#18 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 06 June 2007 - 10:47 AM

Nyob zoo cov phooj ywg

Maiv Paj, ua tsaug rau koj cov lus zoo.
Peb yuav nco Txiv plig Nyiaj Pov lub txiaj ntsim rau PebHmoob mus ib sid.

TP120 TSOS KOB
TP NYOB LI CAS LAWM

Tseem muaj zog & nco neeg zoo 12-2006
Tsis paub neeg lawm, pw ntau xwb 3-2007
Mob hnyav thiab tsis paub dab tsi lawm
TP puv 120 xyoo - 8:00 am
5-27-2007 Local Time

COV SAIB XYUAS HAUJ LWM NYOB ORLEANS, FAB KIS TEB:

1. Txiv Plig Neej Vaj Tel. 02-48 70 62 16 Cell. 06 08 73 20 52
2. Ntxoov Yeej Lis 02 38 86 62 19 Cell. 06 62 59 24 67
3. Xyooj Tsav Vam 02 38 61 05 44
4. Thoj Qhua Xab 05 63 62 79 37
5. XH Yaj Tswv Nkaub 02 38 84 20 01

"Vim tias kuv tshaib plab, nej pub rau kuv noj;
Kuv nqhis dej, nej pub rau kuv haus;
Kuv yog ib tug pej kum neeg, nej txais kuv;
Kuv liab qab, nej muab rau kuv hnav;
Kuv mob nej tuaj xyuas kuv;
Kuv nyob hauv tsev loj faj nej tuaj tsham kuv;
"Kuv hais tseeb rau nej. Nej ua tau npaum li cas rau cov me tshaj hauv kuv tsoom kwv, mas yog nej ua rau kuv"

(MT25: 35-36, 40)

#19 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 06 June 2007 - 11:22 AM

COV PHOOJ YWG

HNUB NO KUV MUAB TSAB NTAWV THOV NYIAJ PAB TXIV PLIG NYIAJ POV LUB NTEES RAU PEB NYEEM

TP NYIAJ POV FOUNDATION
1744 Greenfield Avenue
Sheboygan, WI 53081
Tel. (920) 457-7066
Fax. (920) 457-4188
Website: www.hmongrpa.org

NOVEMBER 20, 2006

TSAB NTAWV THOV KEV PAB NYIAJ TXIAG NPAJ FAJ SEEB RAU
TXIV PLIG NYIAJ POV THAUM NWS PUV 120 XYOO

Tsab ntawv no yog sau tuaj ntawm Txiv Plig Neej Vaj (P. RenÃ© Charrier) nyob Bourges, France thiab ntawm
Txhiaj Vwj Yaj nyob Sheboygan, Wisconsin, USA tuaj rau koj. Nkawd yog ob tug tswj xyuas txog Txiv Plig
Nyiaj Pov (P.Yves Bertrais) lub neej kev faj seeb rau thaum nws puv 120 xyoo.
Nyob zoo:
Vim Txiv Plig Nyiaj Pov tau muab tas nrho nws lub neej los pab peb tsoom Hmoob txhua
leej txhua tus, xws li nws tau tsim tawm cov ntawv Hmoob Thoob Teb uas koj tab tom nyeem no,
thiab nws tseem yog thawj tug Txiv Plig uas tau tuaj qhia txoj kev ntseeg Tswv Ntuj nyob Los
Tsuas teb txij puag xyoo 1950 los txog niaj hnub no.
Zaum no, Txiv Plig lub hnub nyoog laus zuj zus lawm, nws muaj 85 xyoos rau xyoo 2006
no. Thiab nws kuj muaj mob ntsuj ntsuav tuaj nruab cev, txawm nws tseem niaj hnub nyob xws li
sawv daws los, nws yeej zoo li lub hnub qaij nroos tim npoo ntuj, tsis paub xyov hnub twg, hmo
twg, hli twg los sis xyoo twg zoo li lub teeb yuav faus ntais mus.
Tam sim no, nyob hauv Txiv Plig Nyiaj Pov lub neej, nws yeej tseg tsis muaj ib pob nyiaj
txiag los sis ib lub cuab tam npaj rau thaum txog nws caij nyoog nws yuav nce hauv toj. Tiam sis
nws yeej vam tseg thiab cia siab ntsoov hais tias txhua yam uas nws tau tsim tseg thiab pab rau peb
haiv Hmoob dhau los, yog ib yam muaj txiaj ntsig loj kawg thiab tseem ceeb, uas tsim nyog peb
yuav nco txog thiab txawj pauj txiaj ntsim, xws li yog yuav los sam fwm pab nta nws lub ntees tam
ntua li nws yog peb ib leeg txiv ntag no.
Wb uas yog ob tug nyob ze nws, thiaj li txhawj xeeb txog thiab txiav siab sau tsab ntawv no
tuaj thov txog kev pab nyiaj txiag coj los npaj faj seeb tseg rau thaum txog caij txog nyoog siv,
thiaj yuav muaj txawm peem ncav tau sij hawm los nta nws lub ntees kom tsim nyog raws li nws
tau pab peb dhau los lawm.
Wb xam pom Koj, uas koj yog ib tug neeg tseem ceeb, paub tab thiab txawj xav, muaj lub
siab zoo siab dav, txawj nco txiaj ntsig, tej zaum yav dhau los koj twb tau txais kev pab txiaj ntsig
ncaj qha ntawm Txiv Plig Nyiaj Pov, los sis koj yeej tau txais txiaj ntsig ntawm Txiv Plig tej ntaub
ntawv Hmoob thoob teb, los yog lwm yam kev pab, ua rau koj muaj kev txawj ntse thiab hais tau
hais tias peb Hmoob muaj ntaub ntawv nyeem thiab sau ua lus Hmoob, siv tau thoob qab ntuj xws li
luag lwm haiv neeg. Cov ntawv Hmoob Thoob Teb no yog peb tus Niam Ntawv Txiv Plig Nyiaj
Pov ua tus tsim xyoo 1953.
Hnub no, wb ob tug tswj xwm sau tsab ntawv no tuaj rau koj, yog yuav vam thiab thov
txog koj lub siab zoo, thov kev pab nyiaj txiag los faj seeb npaj rau Txiv Plig Nyiaj Pov lub ntees
thaum txog nws caij nws nyoog puv 120 xyoo los txog. Txawm yog koj yuav pab tau npaum li cas

TP NYIAJ POV FOUNDATION
1744 Greenfield Avenue
Sheboygan, WI 53081
Tel. (920) 457-7066
Fax. (920) 457-4188
Website: www.hmongrpa.org

los wb yeej tsuas thov tsa tes ua koj tsaug ua ntej, koj tej txiaj ntsim tej kev pab, peb tsoom Hmoob
yuav ris yuav nqa. Thiab yuav muab sau kom muaj ntaub muaj ntawv khaws cia ua pov thawj tseg.
yuav muab ua ib daim qauv luam rau txhua txhua tus uas tau pab nyiaj npaj faj seeb rau txiv plig
Nyiaj Pov lub ntees, xa rov rau nws khaws tseg ua pov thawj rau nws txoj kev pab, thiab peb yuav
muab sau tseg rau hauv Txiv Plig Nyiaj Pov lub tsev vas www.hmongrpa.org phab ntawv nco txiaj
ntsim kev pab nyiaj tshav ntuj. Yog koj txaus siab pab, txawm yog ntau tsawg los, peb yeej zoo siab
txais tas nrho. Koj xa ua nyiaj ntsuab, uaâ€œcheckâ€ los tau tib si.
Yog koj nyob teb chaws USA, los yog lwm lub teb chaws: Thov koj xa ncaj qha mus rau Txhiaj
Vwj Yaj qhov chaw nyob li nram qab no. Yog koj sau â€œcheckâ€ no ces sau hais tias:
â€œPay to: HMONGRPAâ€.
Yog koj nyob Fab Kis teb los yog Guyane: Thov koj xa ncaj qha rau Txiv Plig Neej Vaj (P. RenÃ©
Charrier) qhov chaw nyob li nram qab no. Yog koj xa ua â€œChÃ¨queâ€ no ces sau hais tias:
Â« payable Ã : AumÃ´nerie Hmong Â».
Thaum koj cov nyiaj tuaj txog lawm, Txiv plig Neej Vaj thiab Txhiaj Vwj wb yuav sau ib
tsab ntawv tuaj ua koj tsaug thiab qhia rau koj hais tias txais tau lawm no. Thiab wb yuav muab
khaws tshwj xeeb zoo tseg, tsuas yog coj los npaj siv rau thaum sij hawm los txog xwb. Yuav tsis
muab rho siv rau lwm yam li. Thov kom koj ntseeg thiab tso siab tau.
Vam thiab cia siab hais tias koj yuav muaj lub siab zoo siab dav thiab yuav txaus siab pab raws li
koj pab tau. Peb sawv daws yuav nco ntsoov koj txoj kev pab thiab koj tej txiaj ntsim.
Thov kom Tswv Ntuj pub txiaj ntsim koob hmoov rau koj, raws li koj lub siab zoo siab dav, kom
koj nyob kaj siab lug.
Ua koj tsaug ntau.
Txiv Plig Nyiaj Pov (P.Yves Bertrais) keeb kwm yog neeg Fab Kis. Niaj hnub no nws rov los so laus nyob rau Fab Kis
teb uas yog nws lub teb chaws. Hais txog qhov chaw uas lwm hnub yuav npaj rau Txiv Plig Nyiaj Pov lub ntees thaum
nws puv 120 xyoo, yog yuav npaj ua nyob Fab kis teb, vim yog nws lub teb chaws, thiab nyob ze nws cov kwv tij thiab
nws tsev neeg.
Yog nej leej twg xav paub ntau tshaj no, nug mus rau Txiv Plig Neej Vaj thiab Txhiaj Vwj Yaj wb ib leej twg los tau.
__________________________________________________________

Txhiaj Vwj YAJ T.P. Neej Vaj â€“ P. RenÃ© CHARRIER
1744 Greenfield Avenue 52. Avenue Arnaud de VogÃ¼e
Sheboygan, WI 53081, USA. 18000 BOURGES. FRANCE
Tel. (920) 457-7066 Home Tel : 02.48.70.62.16
(920) 457-0779 Work Port : 06.08.73.20.52
(920) 946-0467 Cell Email: renecharrier@free.fr
Fax. (920) 457-4188
Email: xiavue@hmongunionmarket.com
Nco ntsoov : Sau tus/cov pab nyiaj npe thiab chaw nyob kom meej nrog cov nyiaj xa rov qab rau wb. Ua tsaug

[color="#990000"]Pab nyiaj faj seeb pov fwm TP Nyiaj Pov

#20 Guest_Ntxhais Hmoob Vaj_*

Group:: Guests

Reputation: 0

Posted 10 June 2007 - 02:16 AM

kuv zoosiab uas tau hnov hais tias xib fwb txiv plig nyiaj pov tau tag sim neej lawm kuv nrog tu siab. txawm li cas los thov kom nws tsuas tau mus nyob kaj siab lug. Kuv muaj lus zoo siab hais tias nws tau yug los ua ib tug tib neeg muaj txiaj ntsim los tau pab peb haiv hmoob los mus tsim peb cov niam ntawv hmoob. Kuv thov vaj tswv fuab tais ntuj tso kw thiab foom koob hmoov rau nws kom rov los yug dua ib zaug rov los pab peb haiv hmoob dua ib zaugntxiv. Kuv thov pab xa cov lus nov nrog huab nrog cua mus rau xib fwb txiv plig nyiaj pov hais tias kvu zoo siab uas kuv tsev neeg, kuv niam kuv txiv lawm cov laus tau los mus sib raug zoo nrog rau xib fwb los lawm ntau lub xyoos. Tiamsis kuv tsis tau pom dua nws hnov nws lub npe los lawm ntev, tiamsis hnub nov kuv tau pom nws daim duab uas nej tau posted nws lub neej thaum hluas los txog rau hnub nws laus kvu tau zoo siab heev kvu thov ua vaj tswv ntuj tsaug.

Ua tsaug rau tus uas muaj lub siab dawb paug tau posted nws lub moo tag sim neej qhia rau peb haiv hmoob tau paub, ua nej tsaug rau txhua txhua yam.

#21 TSAVPIBPIB

Professional Degree 1

Group:: Members
Posts:: 1,929
Joined:: 09-November 06

Reputation: 0

Neutral

Post icon Posted 10 June 2007 - 02:52 PM

MUS ZOO KOJ MOG TXIV PLIG NYIAJ POV.THOV KOM KOJ TUG NTSUJ PLIG UAS DAWB HUV MUS NROG TSWV NTUJ NYOB YAM KAJ SIAB LUG MUS TSIS TAG TSIS KAWG MOG.
THOV KOJ PAB QHIA RAU TSWV NTUJ TIAS PEB TSEEM TSHUAV COOB HEEV YUAV LAWV KOJ QAB LOS MUS CUAG TSWV NTUJ THIAB NO MOG.

#22 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 11 June 2007 - 10:04 AM

Nyob zoo Ntxhaishmoobvaj, Hlub tiag thiab cov phooj ywg,
Hlub tiag thiab Ntxhaishmoob Vaj ua tsaug rau neb cov lus zoo.
Hlub tiag, yog koj yog yawg Txiaj Tswb Yaj xeeb ntxwv no kuv muaj koj pog thiab yawg li duab thiab;
lwm hnub kuv mam tso rau koj saib.

HNUB NO PEB MUS SAIB TXIV PLIG NYIAJ POV LUB NTEES

Lub txoos hnub chiv muaj 9 tug qub xib hwb ( ob tug yog tub Tswb hwb) ib tug txiv plig hmoob, ib tug tab tom yuav txais lub cim Tiag tes lwm xyoo, ib tug txiv plig meskas txawj hais lus hmoob, ib tug txiv plig Nplog, ib tug txiv plig Fabkis txawj hais luv Nplog, ob tug txiv plig Fabkis txawj hais lus nplog, lus hmoob, ob tug txiv plig Fabkis (ib tug yog tus saib xyuas txiv plig Nyiaj Pov thaum nws sau tsis tau ntawv lawm, es tus txiv plig ntawd tuav nws txhais tes sau nws cov lus kawg).

Ua tsaug

Ua hauv qhua

Cob txiaj ntsim
Ib lub teb chaws 1 tau paj thiab ib ntshuas ntawv
Muaj 12 tau paj thiab 12 ntshuas ntawv

Txiaj ntsim ntawm tsoom hmoob nyob:

Usa, Fabkis, Nkws Yas teb, Los Tsuas teb, Thaib teb, Australie teb, Suav teb, Nyab Laj teb, Canada teb, Tsoom hmoob thoob ntiaj teb, cov qub xib hwb, cov ntxhais Nong Bone

Sau phau ntawv txiaj ntsim

#23 Guest_Guest_*

Group:: Guests

Reputation: 0

Post icon Posted 12 June 2007 - 03:57 AM

Txiv plig Nyiaj Pov !!! nws yog hmoob ib tug Niam Ntawv !!!! qhov no yog qhov tseeb tshaj plaws !!!

#24 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 12 June 2007 - 11:07 AM

NYOB ZOO COV PHOOJ YWG

GUEST

Ua tsaug koj cov lus zoo.

Hauv txiv plig lub ntees, muaj teev ntuj 2h ib zaug, faib ib pawg coj nteev ntuj ib zaug, nyias xaiv seb nyias yuav nyiam teev li cas.

Cov hmoob nyob Lyon, lawv tsis nyeem ntawv Ntshiab, hu nkauj thiab xaiv 7 leej los hais qhov uas lawv nco tau nyob hauv ntawv Moo Zoo.
Muaj ib tug nws kuj sau tau ib cov lus paj huam rau txiv plig Nyiaj Pov, nws muab nyeem rau s d mloog:

TXIV PLIG NYIAJ POV TXOJ KEV CAWM SEEJ

Ntawm no mus ________ yog kuv suab lus
Thov xa rau___________ txiv plig Nyiaj Pov
Raws li hnov___________ Tswv Ntuj leej tub
Koj muaj lub___________ zoo txiaj zoo ntsim
Lub hwj chim___________ nyob rau tsev neeg twj lij
Niam thiab txiv_________ tau tu koj hlob
Yug los nyob___________ Tswv Ntuj xub ntiag
Muaj tseeb tiag_________ thaum koj 12 lub xyoos
Ua koom txoos_________ nrog rau Tswv Ntuj
Koj npaj txuj___________ tuaj qhia peb Hmoob
Me nyuam hmoob_______ muaj coob muaj ntau
Koj hais rau____________ txhuaj leej txhua tus
Yuav tsum mus_________ kawm txawj kawm ntse
Nyob ua ke____________ tsis cem tsis khib
Leej tub txib___________ siab loj siab dav
Txaj chaw lav__________ sib faib rau pw
Raws txoj lw___________ ntawm tswv Yes Xus
Tau los mus___________ txhiv peb lub txim
Thiaj khiav dim_________ tus me ntsuj plig
Ho los tig______________ thaum koj tuaj mus
Roob nyuj qus__________ xyoo 19 5 ntxaiv
Huab tais xaiv__________ txiv plig Nyiaj Pov
4 hlis rov______________ hnub tim 17
hnov moov ncha________ Tswv Ntuj hlub peb
txawm nyob deb________ txhob poob kua muag
kev sib cuag___________ pem ntuj ceeb tsheej
muab xam txheej_______ xyoo 1 9 4 8
txiv plig fim____________ tuam ceeb Vees Cas
Hmoob txuj ncha_______ los yog muaj koj
Yuav tau soj___________ koj lub zim txwv
Tus neeg khwv_________ kev muaj txiaj ntsim
Yuav los fim___________ koj txoj kev ncaj
Vaj Tswv txhab________ leej me tub txib
Koj npaj pib___________ los yug dua tshiab
Kua muag iab_________ kom Hmoob txhob muaj
Txoj kev quaj_________ kom Hmoob txhob ntsib
Yam tsob dib__________ luag cab puv toj
Yuav nco koj__________ tej me txiaj ntsim
Mus ib sim ___________ tsis muaj hnub ploj
Thov kom koj_________ mus nyob ze ze
Zaum ua ke__________ nrog Huab Tais Ntuj
Koj tej txuj___________ kom nws nthuav loj
Rov los coj___________ peb ib tsoom ntseeg
Tus zoo neeg_________ mus zoo koj mog
Thov nco txog_________ peb ib tsoom Hmoob
Pem toj roob__________ hauv hav nyob txhua
Peb yij tshua__________ txiv plig Nyiaj Pov
Peb yuav thov_________ Vaj Tswv rau koj
Txiaj ntsim loj_________ kom koj tau txais mog â€¦ txiv plig

Txiv plig Nyiaj Pov 1954

Txiv plig tsev neeg

Txiv plig mus kawm ntawv xyoo 2

#25 Koobpheej

Neeg Nruab Nrab

Group:: Senior Consultant
Posts:: 8,214
Joined:: 13-November 06

Reputation: 1

Neutral

Posted 12 June 2007 - 11:19 AM

Nyob zoo tus muam koojziagkabzaug,

Zoo siab ntau koj mus koom lawv lub nteem, thiab tseem coj lawv tej lus zoo los qhia rau peb suav daws paub.

Muaj lus ua koj tsaug ntau.

Vam tias Txiv Plig Nyiaj Pov yuav ntsib txoj nws txoj hmoo zoo rau lub neej nyob sab yeeb. Thiab kom Tswv Ntuj foom koob hmoov rau nws txoj kev ua zoo rau txhua leej.

Nyob zoo koj koojziagkabzaug.

Keebkwm Ntuj Tsim Teb Raug

Keebkwm Sooblwj Yaj

#26 Guest_td txhib_*

Group:: Guests

Reputation: 0

Posted 13 June 2007 - 12:14 AM

NYOB ZOO KOOJZIAGKABZAUG

zoo siab tau pom cov duab thiab txiv plig nyiaj pov lus ntees ua koj tsaug uas koj tseem muab tso rau
peb suav daws saib.
kuv thov qhuas thiab ua nws nws tsaug

#27 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 13 June 2007 - 10:11 AM

Nyob zoo cov phooj ywg

Ntsuj Huab Xyw thiab td Txhib, ua tsaug rau neb cov lus zoo .
Xyov yuav tsawg tiam mam rov muaj dua ib tug rov los rub peb hmoob dua ntxiv...li txiv plig Nyiaj Pov tau ua zaum no rau Pebhmoob.

Thaum yog cov Hmoob Nkws Yas thib coj peb teev Ntuj, lawv tau tshaj txiv plig lub neej ib ntus dhau ib ntus rau peb tau paub txog. Hauv txiv plig lub neej tau pab Pebhmoob zaum no muaj zaum puav kuj yooj yim kawg. Muaj ntau zaus kuj nraug plaub raug ntug, tshuav nqes txog tsheej 10 tawm millions de francs, yog txiv plig lub taub hau mus tam kom tau daws Pebhmoob lub neej txom nyem xwb.

*Xib Hwb Nyiaj Nkaub tham txog Txiv plig lub neej:

-Thaum nyob Roob Nyuj qus yawg Zam Nob hais ib zaj dab neeg rau txiv plig sau ntau ib phau ntawv, ces nplog tsis txaus siab rau cov ntawv hmoob ntawd lawv yuav muab txiv plig ntes ces txiv plig thiaj khiav mus nyob Vees Cam tsis rov qab li lawm.

-Txiv plig raug xwm ib zaug thaum Samneua tawg, lawv ntes tau txiv plig, yuav coj nws mus tua ces coj nws los taug ib lub caj qaum roob, cov peeb kav txiv plig lawv qab deb zog ces txiv plig thiaj cia li tso cev dov toj rau ram kwj ha nws thiaj dim. Lawv taug kev tau 2 hlis mam los txog rau Muas Loob Phuas Npas.

Ces txiv plig thiaj los nyob Vees Cam txog xyoo 1975, thaum ntawd twb yog Latthamontri-beppasome lawm ( Ob tog tseem hwv kav Nplog teb), ces muaj ib hnub lawv kho kev ze tom tshav yoob hoom Sikhay, khawb tau ib qhov ces txiv plig Nyiaj Pov hla dhau ntawd nws txawm mus xauj lub qhov ntawd naj cas nws cia li poob rau hauv, ces muaj ob tug tub rog nplog liab nyob ze ntawd nkawd txawm los pab muab txiv plig tawm. Muaj ib tug txawm hais tias: " Cas niag no zoo li niag thaum i peb ntes pem Samneua es nws khias dim lawm nab yom " ( Nkaws tsis paub tias txiv plig paub nkaws hais lus).
Ces txiv plig rov los txog ntuas tom Simuang xwb nws thiaj li ncaj qha mus rau Thaib teb, npaj mus nyob Tseej Maim...

-Mus txog Nkws Yas Tseem hwv cov nyiaj tuaj pab hmoob ua teb tsis txaus ces txiv plig thiaj mus txais ib co nyiaj los nrau 300 Ha teb thiab ua kev rau cov hmoob. Thaum kawg tsis muaj neeg kam them ces lawv yuav muab txiv plig mus kaw...Ib tug nom Fabkis thiaj tuaj pab tau txiv plig dim.

-Tom qab no mus tshawb Hmoob txuj Suav teb, cov nom tswv Suav kuj ntes txiv plig ib zaug muab nws cov Passport lws tag, nws thiaj tau mus nrog cov nom tswv Suav tham tag ces tau caij tsheb ib hnub ke mus nqa tau cov ntawv los ces txiv plig mus tsis tau Suav teb ntxiv lawm.

* Nkaj Mas Yaj uas yog Yawg Zam Nob tus tub, yog Yawj Txawj Tswb Yaj tus xeeb ntxwv piav txog Txiv plig mus txog Hmoob zos thiab tuaj pib lub neej nrog Hmoob nyob roob Nyuj Qus.

Pog thiab Yawg Txawj Tswb Yaj, yim hmoob uas xub txais TP. Nyiaj Pov nyob Roob Nyuj Qus 1950
thiab thawj yim hmoob txais lub cim Ntxuav nyob Los Tsuas teb
Nws yog tus hais tias kom tis npe hmoob rau TP.

Yaj Zam Nob 1950

Txiv plig Nyiaj Pov qhia hmoob kaw ntoo ua tsev, Txiv plig thiab Yaj Txoov Yeeb

Txiv plig thiab PhouthÃ¨ne Tswb Tsab

Ob tug nyob tom qab:
TP. Jean Drouart, TP. Nyiaj Pov

Pem hauv ntej sab lauj rau sab xiv:
Thaoj Tsav Ntxaij, Yaj Zam Nob, Thoj Tshu Hwj, Thoj Qhua Xab, Thoj Nom Neeb, Yaj Txoov Yeeb

Yaj Tsuj Xyooj tsev neeg

#28 Guest_td txhib_*

Group:: Guests

Reputation: 0

Posted 13 June 2007 - 11:26 PM

zoo siab uas koj tseem muaj caij muab txiv plig nyiaj pov cov dad neeg los piav qhia rau peb paub
tu siab nyob deb tsis tau tauj nrog nej koom xwb.

koojziag yog muaj caij no ho tuaj koom kuv thiab ib tug qub phooj ywg uas koj paub zoo thiab nws paub
koj zoo. vim nyob rau ntawd tsis muaj neeg nrog wb hais lus rov es thiaj xa caw koj tuaj thiab.

koj mus rau ntawm ( GENERAL DISCUSSION LUB NPE PIVLUS) es koj tuaj pom kuv thiab tus phooj ywg
ntawd peb sib qhia hais lus paj lug thiab lus rov ua ke os

#29 Davdub

Master Degree 3

Group:: Members
Posts:: 1,561
Joined:: 02-February 07

Reputation: 0

Neutral

Posted 14 June 2007 - 05:42 AM

Nyob zoo cov phooj ywg aw! Koojziagkab zaug thiab cov phooj ywg sawv dawd. Nrog nej zoosiab ntau nej sawv daws ua Txiv plig lub ntees tau zoo heev lawm thov kom cov koob hmoov los rau nej nplua mia los rau nej cov tau pab thiab hlub txog txiv plig.

Koojziagkabzaug! koj nyem ntawm daim duab koj yuav ntsib TD-TXHIB nej mus hai lus rov

Hmoob Thoob Ntiaj Teb Lub Zos, mus nov mus

#30 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 14 June 2007 - 10:34 AM

Nyob zoo, cov phooj ywg

Davdub thiab td Txhib, zoo siab neb tuaj xyuas Txiv plig Nyiaj Pov lub neej .

PEB MUS SAIB COV DUAB TXIV PLIG NYIAJ POV LUB NTEES

MUS SAIB DUAB TXIV PLIG LUB NTEES NIAS QHOV NO

#31 Davdub

Master Degree 3

Group:: Members
Posts:: 1,561
Joined:: 02-February 07

Reputation: 0

Neutral

Posted 15 June 2007 - 06:50 AM

Nyob zoo os kooj aw, ua koj tsaug ntau nawb,koj tseem muab txiv plig nyiaj pov lub ntee rau peb tau saib.

Hmoob Thoob Ntiaj Teb Lub Zos, mus nov mus

#32 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 15 June 2007 - 10:45 PM

Txiv plig Nyiaj Pov,

Peb, me nyuam hmoob thov kom koj mus zoo, koj txhob nco lub ntiaj teb no lawm mog.
Koj tej hauj lwm koj twb ua tiav tag lawm. Yam tshuav tej tw me ntsis peb cov ua me nyuam nyob tom qab peb mam khee ua kom tiav li koj lub siab xav.

Mus zoo koj, peb nyob peb mam nco ntsoov thov Ntuj rau koj.
Peb yuav nco koj txiaj koj ntsig mus ib txhid.
Thaum twg tseem muaj lub npe HMOOB nyob hauv lub ntiaj teb no, koj lub npe yuav npe yuav tsis ploj.

http://www.hmongrpa....TP120MEMORY.mp3 MLOOG ZAJ NKAUJ NCO TXIV PLIG TXIAJ NTSIM, Yij Kaus Xyooj.

#33 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 17 June 2007 - 10:48 AM

Nyob zoo cov phooj ywg,

Hnub no peb mus saib txiv plig Nyiaj Pov cov qub xib hwb thiab cov tub kawm ntawv nyob Simuang, Vees Cam.

Txiv plig Nyiaj Pov Thawj cov xib Hwb Vees Cam.

Cov tub kawm ntawv, xeem tau tuaj kawm nyob Vees Cam, tuaj nyob hauv txiv plig tsev Simuang mus kawm ntawv.

Tom txiv plig daim teb Thaj Nkoj, yug nyuj tso kua mis , yug qaib nteg qe thiab yug npua.
Yog thawj lub tsev tu tsiaj nyob Los Tsuas teb

Attached thumbnail(s)

#34 Koobpheej

Neeg Nruab Nrab

Group:: Senior Consultant
Posts:: 8,214
Joined:: 13-November 06

Reputation: 1

Neutral

Posted 17 June 2007 - 11:52 AM

Nyob zoo koojziagkabzaug,

Ua koj tsaug ntau ntau rau koj tej duab. Muaj nuj nqis heev thiab zoo qhia kev kawm kawg os.

Ua tsaug ib zaug ntxiv thiab os.

Keebkwm Ntuj Tsim Teb Raug

Keebkwm Sooblwj Yaj

#35 maypaj

V.I.P. Professional Degree

Group:: Senior Consultant
Posts:: 6,064
Joined:: 05-November 06

Reputation: -13

Poor

Posted 17 June 2007 - 12:27 PM

nyob zoo koomziagkabzaug, ua nej sawv daws tsaug tuaj tso duab txiv plig thiab cov qub tub kawm thaum ub rau peb saib, wow zoo siab tau pom cov tub kawm puag thaum ub peb tsis tau yug los li

#36 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 19 June 2007 - 09:16 AM

Nyob zoo Txawj, Ntsuj Huab Xyw thiab Maiv Paj

Kuv zoo siab nej tuaj xyuas kuv lub tsev me me tham txog txiv plig Nyiaj Pov lub neej.
Ua tsaug rau nej cov lus zoo.

Kuv yuav muab txiv plig Nyiaj Pov cov lus hais rau Txhiaj Vwj Yaj txog lus hmoob rau peb nyeem.

LUS HMOOB CIAJ SIA

2022 S. 17th Street, Sheboygan, WI 53081
Tel. (920) 457-0779 Fax. (920) 457-4188

E-mail: xiavue@hmongunionmarket.com
Webpage: www.hmongrpa.org

Lo lus "Lus Hmoob Ciaj Sia" yog Txiv Plig Nyiaj Pov ua tus xub hais tawm kom peb Hmoob yuav tsum tig rov los tsim peb cov lus Hmoob, thiab rov los hais lus Hmoob ib tsam ploj lawm. Txiv Plig hais tias: Lwm haiv neeg, luag tuaj nyob teb chaws no, luag txawm tsis kawm, txawm poob lus lawm los, luag muaj ib lub teb chaws, muaj cov neeg hais luag hom lus. Muaj ib hnub twg, cov poob lus lawm mam rov mus kawm dua los tau. Peb cov Hmoob mas tsis muaj teb chaws. Cov nyob teb chaws vam meej yog cov yuav muaj peev xwm, muaj txuj, lawv yog cov yuav tuav lus Hmoob mus yav tom ntej".

Yog koj tus uas tseem nyeem phab ntawv no ras txog, koj yuav tau npaj ib txoj kev saib koj yuav khaws koj cov lus Hmoob li cas thiaj li yuav tsis ploj. Koj yuav tsim li cas koj thiaj muaj lus Hmoob hais raws tau cov txuj tshwm sim.

Muaj tus puav, kawm txuj siab hauj sim, xav hais tias nws loj txaus, nws tib leeg thiaj muaj peev xwm, nws muaj cai muab cov ntawv Hmoob kho lwj kho liam, ntxiv ntau tus ntawv, ntau lub cim, cia li yuav kom sawv daws siv. Txiv plig Nyiaj Pov hais tias, nws yuav tsum siv cov txuj ci tsim ntawv (linguistic/phonetic) los kho kom haum raws neeg vam meej nyob ntiaj teb no los kho pev cov ntawv Hmoob. Peb tsis txhob kho raws li peb tus kheej xav tau xwb. Peb nyuam qhuav kawm neeg toob fab ntawv, paub neeg toob fab lus, peb twb paub tsis meej, txawj tsis txaus, Pev yuav kho lwj liam mas, luag yuav thuam thiab luag peb xwb.

MLOOG TP. NYIAJ POV COV LUS, HAIS TXOG KHAWS TXUJ HMOOB

#37 Guest_Vamntxawg_*

Group:: Guests

Reputation: 0

Posted 19 June 2007 - 09:41 PM

koojziagkabzaug, on Jun 19 2007, 04:16 PM, said:

attachment

[center][color=#3333FF][b]LUS HMOOB CIAJ SIA

[size=3]2022 S. 17th Street, Sheboygan, WI 53081
Tel. (920) 457-0779 Fax. (920) 457-4188

E-mail: xiavue@hmongunionmarket.com
Webpage: www.hmongrpa.org

Lo lus "Lus Hmoob Ciaj Sia" yog Txiv Plig Nyiaj Pov ua tus xub hais tawm kom peb Hmoob yuav tsum tig rov los tsim peb cov lus Hmoob, thiab rov los hais lus Hmoob ib tsam ploj lawm. Txiv Plig hais tias: Lwm haiv neeg, luag tuaj nyob teb chaws no, luag txawm tsis kawm, txawm poob lus lawm los, luag muaj ib lub teb chaws, muaj cov neeg hais luag hom lus. Muaj ib hnub twg, cov poob lus lawm mam rov mus kawm dua los tau. Peb cov Hmoob mas tsis muaj teb chaws. Cov nyob teb chaws vam meej yog cov yuav muaj peev xwm, muaj txuj, lawv yog cov yuav tuav lus Hmoob mus yav tom ntej".

Yog koj tus uas tseem nyeem phab ntawv no ras txog, koj yuav tau npaj ib txoj kev saib koj yuav khaws koj cov lus Hmoob li cas thiaj li yuav tsis ploj. Koj yuav tsim li cas koj thiaj muaj lus Hmoob hais raws tau cov txuj tshwm sim.

Muaj tus puav, kawm txuj siab hauj sim, xav hais tias nws loj txaus, nws tib leeg thiaj muaj peev xwm, nws muaj cai muab cov ntawv Hmoob kho lwj kho liam, ntxiv ntau tus ntawv, ntau lub cim, cia li yuav kom sawv daws siv. Txiv plig Nyiaj Pov hais tias, nws yuav tsum siv cov txuj ci tsim ntawv (linguistic/phonetic) los kho kom haum raws neeg vam meej nyob ntiaj teb no los kho pev cov ntawv Hmoob. Peb tsis txhob kho raws li peb tus kheej xav tau xwb. Peb nyuam qhuav kawm neeg toob fab ntawv, paub neeg toob fab lus, peb twb paub tsis meej, txawj tsis txaus, Pev yuav kho lwj liam mas, luag yuav thuam thiab luag peb xwb.

Thaum ub kuv tseem nrog txiv plig nyiaj pov nyob hauv veescam, nws tau hais rau peb cov me nyuam hmoob hais tias kom peb txhob tso peb cov txuj ci pov tseg, xws li qeej, thiab kev ua tshoob ua kos los rau qee yam uas yog hmoob ntiag tug, yog peb tso kev ua tshoob thiab qeej pov tseg lawm ces txhais tau hais tias peb tsis yog hmoob lawm, lub sij hawm ntawd kuv tseem hluas kuv kuj tsis ntseeg txiv plig, kuv xav hais tias yus yog hmoob ces txawm yus tsis txawj cov ntawd los yus yeej yog hmoob, tom qab no teb chaws tawg kuv mam mus rau pem suav mus kawm kev cai, kuv pom ib haiv neeg lawv tsis paub lawv cov lus lawm, lawv tsis paub lawv cov txuj, tseem yog lwm haiv neeg khaws tau es hais qhia lawv hais tias cov no yog nej ntiag tug, kuv xav hais tias ntsej yog muaj ib haiv kuv pom ntawd thiaj tsis khaws lawv ntiag tug xwb, muaj ib tug professor hais rau peb hais tias muaj tau ntau haiv neeg uas lawv tseem tuav lawv lub npe tab si lawv tsis nco qab lawv cov lus thiab lawv tej txuj ci tag lawm, cov suav haiv neeg coob khaws tseg ua puav pheej rau lawv lawm xwb, txij ntawd los kuv thiaj mam ntseeg txiv plig hais tias txiv plig tsis dag peb cov me nyuam hmoob muaj tseeb tiag tiag.

Kuv kuj tau nrog xibfwb npuag neeb yaj tham kiag lawm thiab txiv plig tau kom lawv tuav rawv hmoob rab qeej, tab si txhob muab tshuab rau neeg tuag lawm xwb, kab tshoob kev ko thiab lwm yam uas yog hmoob li ntiag tug, kev foom kom, kom hmoob khaws tseeg, qhov lawb dab yog lawb tus xwm kab, lawb kev ua neeb ua yaig tua qaib tua npua theej txhoj xwb. Yog li xib fwb npuag neeb lawv muaj noj muaj hau loj lawv tseem hu lawv niam lawv txiv los noj tsuas yog tsis laig lawm xwb.

Kuv tus kheej xav tau lawm hais tias tom ntej no kuv yuav los rau hauv thiab, vim kuv kuj hlub cov laus uas tu kuv hlob.

#38 Meej

V.I.P. Professional Degree

Group:: Members
Posts:: 3,341
Joined:: 01-February 07

Reputation: 0

Neutral

Posted 20 June 2007 - 07:17 AM

'Vamntxawg'

Tsis tas li ntawd, txiv Plig kuj tseem nqa phom tuaj faib rau hmoob ua puv thiab... Txiv Plig Nyiaj Pov txawj ntau yam heev. Muaj ibyam uas kuv nco tau me me ces yog thaum nws tuaj nyob sab Sayaboury es nws nyiam nyiam tso movies rau peb cov menyuam yaus mus saib. Kuv nyiam nws qhov no heev ... peb saib naam cow boy thiab chalrie chaplan xwb los yeej zoo saib heev li.

Thaum ub kuv tseem nrog txiv plig nyiaj pov nyob hauv veescam, nws tau hais rau peb cov me nyuam hmoob hais tias kom peb txhob tso peb cov txuj ci pov tseg, xws li qeej, thiab kev ua tshoob ua kos los rau qee yam uas yog hmoob ntiag tug, yog peb tso kev ua tshoob thiab qeej pov tseg lawm ces txhais tau hais tias peb tsis yog hmoob lawm, lub sij hawm ntawd kuv tseem hluas kuv kuj tsis ntseeg txiv plig, kuv xav hais tias yus yog hmoob ces txawm yus tsis txawj cov ntawd los yus yeej yog hmoob, tom qab no teb chaws tawg kuv mam mus rau pem suav mus kawm kev cai, kuv pom ib haiv neeg lawv tsis paub lawv cov lus lawm, lawv tsis paub lawv cov txuj, tseem yog lwm haiv neeg khaws tau es hais qhia lawv hais tias cov no yog nej ntiag tug, kuv xav hais tias ntsej yog muaj ib haiv kuv pom ntawd thiaj tsis khaws lawv ntiag tug xwb, muaj ib tug professor hais rau peb hais tias muaj tau ntau haiv neeg uas lawv tseem tuav lawv lub npe tab si lawv tsis nco qab lawv cov lus thiab lawv tej txuj ci tag lawm, cov suav haiv neeg coob khaws tseg ua puav pheej rau lawv lawm xwb, txij ntawd los kuv thiaj mam ntseeg txiv plig hais tias txiv plig tsis dag peb cov me nyuam hmoob muaj tseeb tiag tiag.

Kuv kuj tau nrog xibfwb npuag neeb yaj tham kiag lawm thiab txiv plig tau kom lawv tuav rawv hmoob rab qeej, tab si txhob muab tshuab rau neeg tuag lawm xwb, kab tshoob kev ko thiab lwm yam uas yog hmoob li ntiag tug, kev foom kom, kom hmoob khaws tseeg, qhov lawb dab yog lawb tus xwm kab, lawb kev ua neeb ua yaig tua qaib tua npua theej txhoj xwb. Yog li xib fwb npuag neeb lawv muaj noj muaj hau loj lawv tseem hu lawv niam lawv txiv los noj tsuas yog tsis laig lawm xwb.

Kuv tus kheej xav tau lawm hais tias tom ntej no kuv yuav los rau hauv thiab, vim kuv kuj hlub cov laus uas tu kuv hlob.
[/quote]

***Zog Loj Tsis Cuag Tswvyim Loj***

#39 koojziagkabzaug

V.I.P. Professional Degree

Group:: Senior Consultant
Posts:: 4,910
Joined:: 19-January 07

Reputation: -8

Neutral

Posted 20 June 2007 - 08:25 AM

Nyob zoo Txawj, Maiv Paj, Vamntxawg, meejthiab Ntsuj Huab Xyw,

Meej thiab Vamntxawg zoo siab neb tuaj xyuas txiv plig lub tsev.

Vamntxawg,

Es koj tau nyob Simuang thiab lov?

Koj puas nyob hauv cov duab no ib tug nab?
Koj yog phaum hlob xub tawm lawm los koj yog phaum thaum teb chaws tawg?

#40 MotherNature

V.I.P. Professional Degree

Group:: Senior Consultant
Posts:: 7,939
Joined:: 06-November 06

Reputation: 2

Neutral

Posted 20 June 2007 - 10:02 AM

Cov me duab haib kawg li tiam si kuv tsis paub tib tug neeg li sub nas....ntshai yog yus nyob puag Bannor lawm es tsis paub cov tub ntxhais kawm ntawv nais moos hos. Ua tsaug nawb tus vivncaus KoojZiagKabZaug ua koj tseem muab tso rau hauv no rau neeg tau saib thiab.

http://ppl.blastoffn...k.com/yerlxiong

take a look at it if you like what you see come in and join with me...

~*~ @,'--,'-- ~*~

Dab tsis los yeej pauv tsis tau leej Niam txoj kev HLUB