HmongZa.com: Replying To TXIV PLIG NYIAJ POV - HmongZa.com

Guest, on 25 February 2010 - 04:44 AM, said:

Nyob eoo phooj ywg,

Ua tsaug koj cov lus tham rau hauv nov, tej zaud koj yuav paub tsis meej txog kev Ntseeg Yes Xus, koj thiaj hais li koj paub nov. Cov ntseeg txog Yes Xus, Txiav Dab ua Ntuj Kev Cai muaj ob peb hom. Tsob faj khaum ncau mus ua ntau ceg, tej ceg kuj loj, tej ceg kuj ncau mus ntev ces me. Ntawm Hmoob Catholic, yog lub hauv paus chiv keeb puam kwm ntawm Ntuj Kev Cai, peb LAWB DAB XWB PEB TSIS LAWB NEEJ, peb tseem paub cev cai Hmoob tshaj cov tseem coj Dab lawm. Peb yog cov sau tseg, peb muaj ntaub ntawv, peb khaws tau ntau heev. Yog kawg, peb tej txuj ci, keeb kwm nyob ntawm peb cov Kev Cai, yog peb tso tsge tag nrho ces peb yuav poob peb qhov Identity.
Ua tshoob kos, peb tseem ua tib yam nkaus li qub, ntshe yog ho nrhiav tsis tau laj meej txhiaj com xwb...Tseem hais zaj tshoob, pe, yeej tsis txawv qhov qub kiag li, TSUAS TSIS LAIG DAB, YAM TXI RAU DAB PEB TSIS UA.
Kab ke pam tuag, peb muaj Qhuab ke ( kho tshiab raws Ntuj Kev Cai), Xa Plig, Txiv Xaiv Foom Kom, Rub Rooj, nkauj plig ( hloov tshiab), ua tsaug, hauv qhua (nqa tshav ntuj xwb tsis muaj laig dab)....thc...
Tsis caiv tej nqaij ua neeb ua yaig, noj xab tau, tsuav yog yus txhob mus thov luag ua neeb rau yus, yus txhob ua neeb hauv tsev thiab teeb dab, txhob mus pab luag saib neeb, ua tej kev cai ua dab qhuas xwb.

Koj hais cov Lawb Dab muaj ntsis lawb NEEJ nrog mas yog cov lawv hu ua Christian, cov nov lawv nyiam hais lo lus Vaj Tswv heev thiab lawv cai tag puas tsav yam, lawv muab Hmoob txuj ci puas tsav yam tso tseg tag nrho.

Txoj kev Ntseeg nyob ntawm nyias xaiv nyias, Ntuj lub ceeb tsheej yog kev tawg paj txi txiv ntawm tsob ntoo peb niaj hnub ywg. Thaum yus cog ib tsob ntoo lawm ces nyias yeej vam vam nyias, thiaj cog...Tab sis muaj ib txhia kuj paub tseeb ces nws xaiv tsob ntoo zoo noob los tus, tej tug ces lam tau lam yuav tsuav yog yub ntoo ib yam, thaum cog hlob mas mos nyoos xwb, tab sis txog thaum tawg paj txi txiv mas txiv me me thiab txi sib sib...NOv yog nyias txoj kev xaiv ntawm nyias lub siab nyiam.

Maiv tooj aw...............ua cas peb cov tsis ntseeg es nej pheej yuav kom peb los nrog nej ntseeg tswv ntuj na...........peb cov tsis ntseeg no twb tsis tau kom nej los ua kev cais qub ne................. ne.

npawg raws li kuv pawb mas cov hmong ua ntseeg tswv ntuj mas ua tshoob ua kos mas tsis ua li hmong kev cais lawv na, cia li rau mov ces noj thov vaj tsw lawm xwb na, tsis muaj txeej txeem txog tus dej tus cawv lawm na,raws li kuv pawb mas tsua yog hmong lam ntseeg xwb,yeej tsis yog li poj rhawv kab yawm rhawv kev li ho,thiab nej cov ntseeg tswv ntuj mas tuaj txog tom cov uas hmong ua neeb mas tsis kam noj lawv tej zaub mo na, peb cov tsis ntseeg mas peb mus txog twg los peb yeej noj tau tas nros, mas muab hais los ces cov neeg ntseeg tswv ntuj tseem caiv loj tsaj peb cov tsis ntseeg lawm thiab, mas kuv kuj xav pawb hais tias yog vim li cas es zaub mov xwb es ho caiv thiab na nej cov ntseeg tswv ntuj na,kuv hais rau koj tias yog koj yuav khaws hmong li kev cais thawm ub no mas koj yuav tau txhob mus ntseeg tswv ntuj ho, koj thiab li pawb txog kab tshoob kev kos thiab kab mob kev tuag nawb, koj puas pawb hais tias nyob rau St paul muaj ib cov twb lau li 45 to 50 lawm ces twb tsis pawb ua tsaug txog kab mob kev tuag thiab na, yog zoo li no ces nej kuj yog txia mus ua daj haus lawm ho, mas peb hmong thaum ub yeej tsis muaj yuav ntseeg txog tswv ntuj li na, tsua yog thawm cov daj hauv no tuaj nplog teb es hmong cia li mus ntseeg lawm xwb,kuv mas li qhia rau koj pawb hais tias qhov ntseeg thiab tsis ntseeg no yog li ces ho, nyob rau thawm 1967 ntawv muaj ib tug xib fwb hu ua jonsha tuaj nyob rau xamnyabnpumlis,tuaj ua xib fwb, tab tsi kuv muaj ib tug niam ntxawm hu ua niam koob pheej no ces xib fwb txawm nyiaj hnub tuaj qhia txog paj lug kub rau kuv tug niam ntxawm ntawv ces muaj ib hnub ua cas tus niam ntxawm ntawv txawm nyiaj hnub mus rau tom xib fwb tsev, ces tau muaj 3 lub hli ces, tus niam ntxawm ntawv cia li muaj ib tug me nyuam lawm,ces kuv tus txiv ntxawm ntawv kuj tsis pawb zoo li thiab,ces txawm cia mus txog 6 lub hli saib zoo li cas, ua ciav tus niam ntxawm ntawv txawm yug tau ib tug me nyuam daj haus, ces peb thiaj li noog hais tias nws puas tau deev tus xib fwb ntawv, nws thiaj li teb hais tias xib fwb thiab nws yeej tau sib deev lawm tiag, thiaj li muaj tus me nyuam no,ces peb thiab li hais rau koos luam kom mus muab xib fwb pav no, tab tsis nyiag xib fwb ntawv cia li khiav lawm, tsis kam tuaj peb teb chaw li lawm na,mas kuv yuav tsis tau ntseeg tsw ntuj sai sai , vim kuv twb pom ntawm qhov muag lawm nawb.

TP. Nyiaj Pov,

Kuv sau koj teg dej num tsis thoob qab nto ntsis, koj zam lub txim rau kuv.

Koj thov Ntuj pab kuv nawb mog.

Koob Pheej,

Ua tsaug rau nws daim video, txawm yog tau tso ua ntej lawm los yog ib qho zoo heev uas nws rov coj tuaj tso kom cov tsis tau pom ho tau saib. Vim ntau ntau ces sib chab sib chaws tag li lawm. Yog kawg, cov Txiv Plig uas lawv tau mus txhawb, pab Hmoob. Lawv muab tag nrho lawv lub neej thiab lub siab los txi rau Huab Tais Ntuj ( Vaj Leej Txiv), ces yog lawv lawv txiv tag nrho raui Peb Haiv Hmoob. Peb ua tsaug ntau rau lawv lub siab hlub neeg.

Lus tshaj tawm

Thov tshaj tawm raus kwv tij Hmoob thoob ntiaj teb paub hais tias Vatican tau muab Xib Hwb Xyooj Thoj cov ntawv thov ua Leej Ntshiab khaws cia rau theem yuav tsa ua Leej Ntshiab lawm. Tos saib hnub tag lawv yuav TSA (Canoniser) lawm xwb. Li ntawd zoo siab tias Peb Hmoob Xov tshoj tau muaj ib tug raug xav tsa ua Leej Ntshiab ib hnub tom ntej no.

Chant pour le Père Borzaga et le catéchiste Xyooj, sur l'air de : Sur le seuil de sa maison Nkauj rau Txiv Plig TxhiajTshaj thiab Xib Hwb Xyooj 1 - Txiv Plig Txhiaj Tshaj xib Hwb Xyooj neb mus tshaj Yes Xus lub moo rau lub zos Phuai Xuab. Tau plaub caug xya xyoo. Txiv Plig Txhiaj Tshaj xib Hwb Xyooj tsis pom neb rov qab los. 2 - Tsis tau kiag yuav cia xaus li no Yes Xus yuav tshoj tsoom ntseeg. Kom lawv lees paub tias neb npe rov yug los tshiab Tsis tau kiag yuav cia xaus li no vim tuag ua Yes Xus tim khawv. 3 - Thaum tig rov tau ntsib xwv txheej txo neb txoj sia ntawm kev. Cia ntaj phom ntxus cev vim Yes Xus lub npe. Thaum tig rov tau ntsib xwv txheej cev ntaj ntsug tuag txhub kwj deg. 4 - Niam thiab txiv hnov poob siab loj cuag txoj sia yuav luag tu. Muam, tij, kwv tos ntsoov saib puas pom rov los. Niam thiab txiv hnov poob siab loj cuag txoj sia yuav luag tu. 5 - Leej tub tuag tsis tau lub hleb tsoos tsho tsis muaj los hnav. Yeem cia av ntse cev kom Yes Xus nto npe. « Yam lub noob nplej poob hauv av - Mas Tais 13 : 23 nws nrhau kaus tuaj txi txiv ntau. » 6 - Neeg lub neej qhov muaj nqes tshaj « tsis muaj dab tsi yuav loj dua. Uas tau siv nws txoj sia cawm nws tus phooj ywg. - Zam 15 : 13 Tsis muaj dab tsi yuav loj tshaj tus uas tau siv nws txoj sia. » 7 - Yes Xus hais tias «yog leej twg plam nws txoj sia vim yog kuv. Ces nws yuav rov tau nws txoj sia tshiab dua. - Mas Tais 16 : 25 Thaum kuv rov los muaj hwj chim * 16 : 27 kuv yuav faib nyias tug rau nyias. » Ecrit par madame Le Blanc Sia Neng Marie, en 2007. Vérifié par Madame Thoj Tswv Tuam et Monsieur et Madame Thoj Vaj Thaiv.

[strike]

Lus sam (Introduction):

Kev xeem zaum no yog yuav coj los soj ntsuam txog peb li kev kawm ntawv thiab lus Hmoob. Peb yuav siv tus niam ntawv Hmoob Las Tees (Hmong Latin Script) los yog Romanized Popular Alphabet (RPA) ua tau muab daws lub npe tshiab hu ua Ntawv Hmoob Thoob Teb no rau thaum lub Xya (7) Hli Ntuj, Xyoo 1997 rau hauv pluas mov ua tsaug rau peb tug thawj kws tsim tsa tus ntawv no hauv lub nroog Milwaukee, xeev Wisconsin, teb chaws America. Peb tug ntaus thawj ntawv yog muaj Txiv Plig Nyiaj Pov Yaj (Father Yves Bertrais), Dr. Linwood Barney, Dr. William Smalley nrog rau coob tus kwv tij neej tsa Hmoob nyob teb chaws Nplog uas tsim tsa tau kiag rau xyoo 1953 coj los rau sawv daws xyaum sau thiab nyeem ntawv Hmoob. Kev xeem zaum no yuav hais khaub zig ncig txog tej Tsiaj Ntawv thiab cov ntsiab lus uas tus kws qhia los yog tus lees kais twb yeej tau muab nthuav los cob rau peb sawv daws sib cog kawm tag los lawm ntawm tsev kawm ntawv Achieve Language Academy (ALA) no txij li thaum lub Cuaj (9)Hlis Ntuj, Xyoo 2007 los mus txog rau niaj hnub niam no. Kev xeem zaum no peb yuav soj ntsuam txog tej peb 1.) Sau tau, hab 2.) nyeem tau uas muab nees nkaum rau (26) tus Tuam Tsiaj Ntawv (Leading Alphabets) sib dhos ntxiv mus tsim tau cov Lwm Tsiaj Ntawv. Cov Lwm Tsiaj Ntawv muab Tuam Tsiaj Ntawv faib mus tsim tau yog kaum xya (17) tus Tsiaj Ntawv Txiv Tab (Singular Consonants), nees nkaum peb (23) tug Tsiaj Ntawv Txiv Txooj: Cov Ob (2) Tug (Double Consonants), kaum tsib (15) tug cov Tsiaj Ntawv Txiv Txooj: Cov Peb (3) Tug (Triple Consonants), peb (3) tug Tsiaj Ntawv Txiv Txooj: Cov Plaub (4) Tug (Quadruple Consonants), kaum plaub (14) tug Tsiaj Ntawv Niam (Vowels): rau (6) tus tab (singular) hos yim (8) tus txooj (double) thiab yim (8) tus Tsiaj Ntawv Cim (Tone Markers); tag nrho muaj yim caum (80) tus tsiaj ntawv faib coj los ntau kev kawm sau hab nyeem ntawv Hmoob.

Cov lus teb yog muab tso ua ob hom: Cov lus xaiv thiab lo tias “Yog” los “Tsis Yog” uas hais raug rau lo lus nug (The answers are divided into two type: multiple choices and the “True” or “False” that best answered the question posted).

Thaum xeem tag yuav muaj ib daim ntawv pov thawj luam tawm los qhia tias yus xeem tau zoo heev, zoo yuav, txaus yuav los yog tias tseem xeem tsis tau zoo kiag.

Yog li thaum teb cov lus nyob hauv nov no ces thov nco tias kev xeem zaum no tsuas yog xeem txog kev kawm hauv tsev kawm ntawv Achieve Language Academy no xwb.