Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.
Sign in to follow this  
Followers 0

koj yog lub paj tawg tshiab

62 posts in this topic

Posted · Report post

nyob zoo xyoo tshiab os me nplooj siab

hais qhia koj paub hais tias

paub koj los tau ib xyoos no

nim zoo kuv siab tam li cov firework tawg no tiag

9lub 10lub los yeej tawg Ntsawv nyob tuaj mus twg tshiab

koj lub npe ces nim zwm rau kuv me nplooj siab

zoo tam li cov tatoo yog muab tshem tawm los kawg yuav ua caws pliav

hais rau koj paub tias

koj ib leeg thiaj li yog kuv tus cawm seej nyob tuaj mus cawm siav

es paub koj tau ib xyoos no yeej tsis xav nrug koj ib tsam los ib pliag no tiag.

NYOB ZOO XYOO TSHIAB OS

1 person likes this

Share this post


Link to post
Share on other sites

Posted · Report post

tau ntev lawm tsis tau tuaj txog thaj chaw no

yuav tuaj sau ib zaj txog wb txoj me kev nco

kom lub tsev ho sov lub vaj txhob ntxhov

kom luag mus dhau luag xauj

luag tuaj txog luag so no mog

es thov tsis txhob rawm mus noj zaub mos

cas tag kis no yuav kaj ntug li yi

qab ntuj hauv ntuj tshiab li si

noog liaj noog luv rag li rhi

cas zaum no kuv nco koj mas nco txawv tshaj li yav puag thaum ib

tsis hais ib tsam los ib pliag li

yeej nco ntsoov koj lub me suab qab zib luaj li ntxhi

qab zib tshaj txhua yam

tab suav thaj twb qab tsis npaum

txiv puaj kaum twb tsu tsis cuag

koj lub me suab luag yog suab deeb siab

zoo tam li thaum nyob tojsiab

cua fiv lug puag qab ntuj tuaj

no txias zias tej me nruab siab

es nim zoo tam li lub ntuj tsaug tawm plaws rau lub mus ntuj tshaib

es yog qhov twg muaj koj ces yuav thov muaj kuv thiab

vim tias koj ib leeg thiaj li yog tus ntxim kuv siab

cas paj thawg muv li quaj

xyoo no vim muaj koj tej me hmongza no kuv thiaj li tuaj

tuaj txog ntua tim toj, saib zoj rov tim roob

yuav pom tau nkauj hmoob cuab xeem lauj tus nto moo

es nim ntsia sab twg tuaj los yeej zoo

es nim zoo tag los zoo txhu

zoo puav tam li ntxwj nyug lub hnub qub txhu

es nim ua rau kuv nplooj siab nyob tsis tsheej

nplooj ntsws nyob tsis tus

es nim xav muab rub kiag coj los hlub los plws

seb puas cheem tau kuv nplooj me siab uas nco nco koj es twb tshuav vwm

yog muaj siab tiag no sim txav zog tuaj lawm peb dag

seb xav niaj lwm xyoo wb puas nrog luag muaj ib tug me ab

paj tawg muv li nyiav

xyoo no vim muaj koj

tej me hmongza no kuv thiaj li khiav

tuaj txog ntua tim toj

saib zoj tuaj nram tiaj

yuav pom tau nkauj hmoob cuab xeem lauj tus neeg nyob tuaj mus txim txiaj

cas nim saib sab twg tuaj los yeej tshiab

es nim zoo tag los zoo thiab

zoo puav tam li ntxwj nyug lub hnub qub ntsiab

es nim ua rau kuv nplooj plawv tshuav tawg

nplooj siab tsis nco dhia

es nim xav muaj rub kiag coj los hlub los hnia

seb puas yuav cheem tau kuv lub me siab dhia

yog muaj siab tiag no sim txav zog tuaj lawm peb fiab

kom xav niaj lwm xyoo wb nrog luag muaj kiag ib tug me ab mos liab no tiag

1 person likes this

Share this post


Link to post
Share on other sites

Posted · Report post

tus me neeg uas kuv hlub thiab nco

txhob hais tutu siab li ko

txawm li cas los yeej nco

nco ntsoov tias muaj koj

twb yog vim muaj koj

es kuv tsis nco noj los nim nco ro.g

kuv lub plawv thiaj li tseem ntoj

txawm txias zias ib tog los

los hauv lub siab haj tseem sov so

vim yog muaj koj

kuv txoj siab txoj pa thiaj li tsis ploj

txawm ib leeg nyob ib tog

los kuv tseem tsis tau hnov qab koj

vim tsis muaj koj lub ntsej lub plu lam luag li nyav

nplooj siab nplooj ntsws ces twb quaj tshuav los ntshav

hais rau koj tias txhob tso kuv tom qab

tsam tag kis kuv tsis nrog luag muaj lub ntuj tshav

es ntshe yuav ntsia saum ntuj yog ntuj yog ntuj, hauv av yog av

es ntshe yuav los ua lub me neej siab ntsws khis qas das no na.

1 person likes this

Share this post


Link to post
Share on other sites

Posted · Report post

ntawm no ces yuav hais txog txoj kev nco koj

kuv nco koj ua hnub ua hmo

mus ua noj mas tseem nco dua

vim twb xav xav tau koj coj los noj ntxuag

chim yuav tuag thaum tawm rooj plaws

pom luaj muaj khub muaj nakwm

lub ncauj tsis hais lub siab mas yws tuj taws

tias yuav yog taum li twg tav li twg li txog lub sij hawm

yuav tau koj los daws kuv thaj me neeb tso muas caum

neeb nqes hiav yog kab tsis dub mas yeej tsis txaus

hlub txaus nkaus nws thiaj tsim nyob

qhov kuv nco koj ua hnub ua hmo

me ab mos cia yog wb li

ntxhais tsim nuj hos tub tsim nqi

thiaj tsim nyog wb txoj kev nco yav puag thaum ib

uas nco nco lub siab quaj qas dhi

kom lub neej thiaj li nyob kaj nrig

1 person likes this

Share this post


Link to post
Share on other sites

Posted · Report post

Luag nim tsuas cav paj dab tsi nyob tuaj mus tawg tshiab.

Luag nim tsuas cav paj txiv duaj nyob tuaj mus tawg tshiab.

Cas nkauj nim muaj npaum nplooj nraug muaj npaum ntoo

los nim tsuas muaj koj ib leeg thiaj li zoo ntxim kuv siab.

Koj thiaj li ua pa tsw qab npaum li ib tsum mov mus nplej tshiab.

Kuv thiaj li xav nwj los xav hnia, yuav tsis pub nrug ntawd kuv lub me sub ntiag.

Yog muaj txoj hmoov tau koj lawm tiag.

Yuav tsis hlub koj ib tsam los ib pliag.

Yuav thov hlub koj mus kom tag kuv lub neej txoj sia.

Luag nim tsuas cav paj dab tsi nyob tuaj mus tawg ntsawv.

Luag nim tsuas cav paj huab ncua nyob tuaj mus tawg ntsawv.

Cas nkauj nim muaj npaum nplooj nraug muaj npaum ntoo,

los nim tsuas muaj koj ib leeg thiab li zoo ntxim kuv plawv.

Koj thiaj li ua pa tsu ha laws li ib hub cawv xaws.

Kuv thiaj li xav nwj los xav tawb.

Yog daj deeg los sib tau.

Kuv tsis txawj ntaub los txawj ntawv.

Koj puas kam hlub kuv mus kom txog hnub kawg.

Cov nyuag paj ntawd, chob los chob, khaus los khaus. Tejzaum tim qhov khaus sub nav?

Share this post


Link to post
Share on other sites

Posted · Report post

nyob zoo os tij laug Vajhuamsibluag

ham tsis los ma twb yog tim tej me no es lawv thiaj li hais tias

tsis yog tim koj los tim kuv

tsis tim lub voj los yeej yog tim yav hnyuv

tsis yog tim kuv los tim koj

tsis yog tim yav hnyuv ces kawg tim lub voj

twb yog vim ntiaj teb no txiv neej ua tus coj

nyias khav nyias zoj loj

es thiaj li yuav ua tsov puv loj kom lub ntiaj teb no tawg ploj

los twb yog vim poj niam lub niag voj

vim ntiaj teb no poj niam xav txeeb ua tus tswj

es ntiaj teb thiab li ua tsov puv nyob tsis tus

los twb yog vim txiv neej yav me hnyuv los mas

Share this post


Link to post
Share on other sites

Posted (edited) · Report post

hoyo tau ntev kawg li tsis tau tuaj thaj chaw no lawm

los kuj tseem nco ruj rawm rau tej me nruab plawm

vim yog qee tsis tau lub sij hawm es hnub no yuav tuaj sau ib zag los zov lub chaw

 

hnub no nrog lawv tuaj mus camping saum roob nto ntuj

es hmo no peb yuav los zaum puv ntug cub

txhua leej txhua tus ces zaum muaj khub

tsis zoo li kuv es zaum tau yam li tus ntxim ntxim ntxub

 

lub ncauj tsis hais lub siab ces twb huhu koj

yeej paub zoo lawm tias koj yuav tsis hnov

tiam sis thaum xav txog koj ua rau kuv lub siab sov

tsheej tag hmo txias qas to ntshe yuav pw tsis tsaug zog

kuv thov ua vaj tswv yawm saub tsaug uas kuv muaj koj

txawm txias zias ib tog los

vim kuv muaj koj

koj lub npe thiaj li ua kuv kub thoob plaws kuv lub nruab nrog

 

zaum no kuv mam li paub tias kuv txav tsis tau ib taws los ib ru.am ntawm koj

vim muaj koj thiaj ua kuv lub zog loj

ntiaj teb no kuv tsuas hlub koj ib leeg xwb no mog.

 

Edited by TxawjMos

Share this post


Link to post
Share on other sites

Posted · Report post

vuag...cas wb txoj kev sib paub zoo li ib ntsais muag

cas txawm siv yog 3zaug 12lub hlis los mus dua

los ua cas kuv tseem nco nco koj tsis txawj dhuav

es ua li koj puas yuav paub nas yuam?

tiam sim me nee no koj thiaj li yog tus kuv hmov thiab tshua

tshua ua luaj los twb yog tim koj lub me suab luag

thaum chim siab xav npo pa tua.g

hnov koj lub me suab luag ces ua rau kuv lub siab muag

lub suab quaj tig ua suab luag

los twb vim yog kuv muaj koj tus zoo leej muam

tsis yog lam qhuas

vim cov neeg zoo zoo li koj tsis tshuam muaj

twb yog vim li no kuv thiaj li tuav koj ruaj ruaj

tsis xav pub koj nrug ntawm kuv ob lub qhov muag

tias tsam muaj neeg txeeb tau koj mus yuav lawm no tiag yuam....

es xyoo laus ces twb yuav xyaus

xyoo tshiab twb yuav tuaj

thov kom wb txoj kev hlub nyob ruaj ntua yam lub tsua

ruaj nreg yam lub zeb

es txawm koj nyob qaum teb

kuv nyob qab teb los wb ob lub siab yeej nyob ua ke

no nas tus me neeg tsis loj tsis me

nyob zoo xyoo tshiab rau koj os nawd.

muahzzzzzzzzzzzz

 

 

 

 

Share this post


Link to post
Share on other sites

Posted (edited) · Report post

cas sib paub los tav li no

es tsam no hais txawv ua luaj

tus yuav quaj ces nws yog kuv ntag

vim tias koj yog tus tseem mos ab

dag kuv nco nco koj ua kuv yu.ag tag

kuv tej tav mas twb suav tsis txheeb

tseem yu.ag tshaj tus neeg quav yeeb

muaj tej tsam twb feeb tsis meej

los twb vim yog koj lub niag siab plees

dag kuv seev yuj yees rau txhia txoj kev

koj lub npe kuv hu tsis tu

los twb yog tim koj txoj me kev khib dwb

dag ua si nrog kuv lub hlwb

es tsam no ces yuav hais txawv tag

vim ntshai tsam tau los nrog kuv koom pam

hloob siab ntag thiaj hais li no

muab xav los mob siab cuag li pos chob

zoo li no los twb yog tim koj

tus me nkauj hmoob tsis me thiab tsis loj

es thov kom tsis txhob yog yuav mus noj zaub mos os mog

Edited by TxawjMos

Share this post


Link to post
Share on other sites

Posted (edited) · Report post

lub roob raug tshav ces me nplooj hmab nplooj ntoos hlav

me paj xyoob paj ntoos ces yuav tawg mus lawm tsheej plag

yuav ua rau me ntab me nuv me nas me noog ya tuaj mus lawm tsheej pab

es sab ntuj twg muaj koj ces sab ntuj ntawd yeej zoo tshiab tshaj

tej me hauv hav uas tsis raug tshav, ces nim tuaj ntxhuab taws

me nas me noog los twb tsis tsaws

es kaj ntug tagkes no

nyob kuv sab ntuj ces yuav los los nag txais qas tawv

tawm rooj plaws tsis muaj lub chaw tauv

nco txog koj es yuav sau zaj me no tuaj qhia rau koj paub no nawd

tias tau peb niaj plaub xyoos tav li no los nplooj siab nplooj ntsws tseem tsis tau pauv

vim koj tseem yog tus kuv ib txwm ntshaw

nyob hauv kuv lub siab koj yeej nyob muaj ib qhov chaw

es ntshe tag tiam no yuav muab tshem tsis tau tawm

kawg ua txij ua nkawm mas thiaj li yuav tag no nawd

 

Edited by TxawjMos

Share this post


Link to post
Share on other sites

Posted · Report post

tus dej hlob los vim yog muaj nag los

kuv ua neeg nyob muaj txoj kev sov siab sov plawv los vim yog kuv muaj koj

nplooj xyoob nplooj ntoos txawj laim los nim yog muaj cua

kuv muaj txoj kev sov siab nrog lub suab luag

los vim yog kuv muaj koj txoj me kev hlub kev tshua

paj hmab paj ntoos txawj tawg los vim yog muaj me ntab me muv tos

kuv tsis nkees tos hnub dhau hmo

vim kuv paub lawm hais tias muaj ib hnub yeej yuav tau nrog koj

npau suav ces tsis tsaug zog ces yeej tsis ua

yog koj tus ntxhiasb tus pa tsw tsis xis kuv ces kuv yeej tsis hmov tsis tshua

es txaum wb tsis sib tau thaum hluas los cia kuv mam li hlub koj rau yam laus los pauj

yuav ua dab tsis los kam txaus siab ua nees rau koj thauj

txawm yuav ua qhev los tau

vim kuv no hlub koj dhau

es yog muab niam mos ab los pauv los yuav tsis kam

vim koj xwb thiaj li yog tus kuv tsis xav plam

Share this post


Link to post
Share on other sites

Posted · Report post

cas txij li hnub koj ncaim kiag rov qab

yuav tseg tau kuv nyob vwm ntsuav li tus neeg npab

es yuav los nyob de tes nruj nrhawv tsis paub nyob

es yuav xav tsa ncauj hu koj nrov nrov los ntshe yuav tsis xws nyuj nqov

yuav tsa ncauj nqee los ntshe yuav tsis xws nees hee

es ntshe yuav ua rau me nas me noog ntshai khiav mus lawm see roob lees

es nstshe yuav los nyob de tes nrhuj nrhawv zoo li ru.am piav tes

yuav los nyob mob siab ruj rawv zoo li leej twg xuas tes de

es nim xav hais tias txhob nyob de es cia kuv txav zog ze

es seb puas yog koj ob txhais me tes ne

es ntshe yuav muab koj rub zog rau tej me kaum tsev

es ntshe yuav xuas zog nrav rau pev

es ntshe yuav ua rau kuv ib ce tshee qas nyho

vim txhuas zaus kuv nrog koj yeej zoo li no

tsis ntaus nruas los yeej tshee cuag ua neeb tso muas caum

es yog kuv tuaj sab hauv ces zoo siab cia koj tuaj sab sau

ntshe txhiab pua zaus los yeej tsis txaus li no tiag

 

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0