Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

thov peb tus meb na ej internet tuaj hais kwv txhiaj

799 posts in this topic

Posted · Report post

nyobzoo os NasEj!

uacas ntev tag npaum no mam rov pom koj lub tsev hais kwv txhiaj

ua rau kuv tseem muab koj nco lub xyoo thawm lub niaj os

koj mus lawm ploj qab li ntais tsis koj ibtsab xov

koj puas tseem noj qab mus pw sov

koj nim mus lawm ploj qab loo tsis hnov koj ib tsab moo

koj puas tseem noj qab mus pw zoo os?

zoo siab/ua tsaug uas rov tuaj ntsib koj dua os..

Share this post


Link to post
Share on other sites

Posted (edited) · Report post

nyobzoo os NasEj!

uacas ntev tag npaum no mam rov pom koj lub tsev hais kwv txhiaj

ua rau kuv tseem muab koj nco lub xyoo thawm lub niaj os

koj mus lawm ploj qab li ntais tsis koj ibtsab xov

koj puas tseem noj qab mus pw sov

koj nim mus lawm ploj qab loo tsis hnov koj ib tsab moo

koj puas tseem noj qab mus pw zoo os?

zoo siab/ua tsaug uas rov tuaj ntsib koj dua os..

kuv nyob zoo thiab 1 ntus i kuv bz zog tsis khoom li tiam sis ntu no kuv khoom zog lawm es ho muaj 2-3 tug nyob v chat lawv xav kom peb rov qab sau kwv txhiaj vim lawv xav kawm no es kuv thiaj li rov tuaj sau dua. koj khoom no ces tuaj peb sau dua os nawb...

Edited by *☆ N@s Σj Internet ☆*

Share this post


Link to post
Share on other sites

Posted · Report post

Nib ye… Txiv leej tub vim yog nyob ntuj txoog txoj kev deb es koj nim nyob dhau plhawv suav nrig nraj vaum lub hav pas dej NTSHIAB. Yog tsis muaj siab txob dag tsam kuv niam ntxhais nco nco lawv tej neeg hmoob tej tub li koj ces yuav laj laj tos koj lub ntuj tsaug tawm ntuj TSHIAB.

Nib ye….. Lawv tej neeg, cas nim nyob ntuj txoog lias txoj kev deb es koj nim nyob dhau plhawv suav nrig nraj vaum lub hav pas dej NRO es yog tsis muaj siab txob dag tsam kuv niam leej ntxhais yuav nco nco lawv tej neeg li koj lub ntuj nag tawm ntuj NO nis hmoob.

Nib ye….Cas koj nim ntoj taws tuaj txog rab teb no es muaj siab tiag ces cia wb tuav tes ruj rawv tawm rooj sib plaws mus ntuav txuj nthuav ci luaj li liaj dav tuaj lub mi ZES es koj muaj siab tiag ces cia wb yuj lias tuaj sib tuav TES, cia muab kuv lub npe nkauj xwb hu puas lawm koj NPE es ciaj tuag los tshuav koj thiab kuv wb tau mus ua ib KE.

Nib ye….Daj dee nyob ntuj kev deb es yog muaj siab tiag ces cia wb tuav tes ruj rawv mus nthuav txuj thiab nthua ci luaj li liaj dav tuaj lub chaws TSAWS. Koj muaj siab tiag ces cia wb yuj lias tuaj sib tuav TAW es muab kuv lub npe nkauj xwb hu puas hmoob leej tub li koj leej niam leej txiv tus me tub NTXAWG es ciaj tuag los tsuav wb tau mus nyob ua ib lub CHAW nis lawv tej neeg tus daisiab.

Nib ye…Qaib cog npuaj qaib sis mos yuav npuaj li zog tuaj sis lis NTAB es koj tsis muaj siab los tseg muaj siab tuj tiag ces cia wb dam kom tau kuv niam ntxhais no mus ciaj lawm koj ib zaug NYAB es wb mam mus ua yij neej sau seev yuj yees tsis pub kom poob luag QAB nis txiv leej tub.

Nib ye….Cas niag qaib cog ntxuaj qaib sis mos yuav ntxuaj lis zog tuaj sis lis NTEV. Yog koj muaj siab tuj tiag ces cia wb daj kom sib tau mus ciaj koj ib zaug SEV es mam mus ua yim neej kom muaj koob los nto NPE ces zoo siab ua luaj no.

Share this post


Link to post
Share on other sites

Posted · Report post

Nib ye….. Ntuj yuas lawv tej neeg, cas nim daj dee hais kho siab ua luaj no es niam ntxhais hais seev yuj yees tias yog muaj siab npaum li koj hais rau kuv tiag ces cia wb tuav tes ruj rawv mus nce hlo suav moj puam tej pes nrab KIAB. Yog muaj siab tiag ces cia koj ua kuv ib leeg li es cia kuv yog koj ib leeg me nplooj SIAB nis txiv leej tub.

Nib ye….. Txiv leej tub, yog muaj siab tiag ces cia wb tuav tes ruj rawv mus nce hlo suav moj puam tuaj pes nrab KHW. Yog muaj siab tej sib tiag ces cia kuv yog koj me nplooj siab es cia koj ua kuv me nplooj NTSWS nis lawv tej neeg tus dai siab.

Nib ye…. Lawv tej neeg tus lus zoo, cas txoj kev nkauj kev nraug ces tsis vim kuv los yog vim koj, vim tag leej niam leej txiv tus ntoo maj ntoo mos nyob ua nkhaus ZOJ. Daj dee hais kho siab ua luaj no tsis muaj siab txhob dag tsam kuv niam ntxhais nco nco lawv tej neeg li koj ces yuav qaug lub zog luj luas tsis xav mus ua NOJ.

Nib ye…. Hmoob tej tub tuaj tus dai siab, cas kev nkauj kev nraug ces twb tsis vim koj los yog vim kuv es nim yog vim tag leej niam leej txiv tus nyoo maj ntoo mos nyob ua nkhaus NTSHUV. Daj dee hais zoo ua luaj no los nyob ntuj deb kev ncua ntev ces ntshe niam leej ntxhais yuav qaug lub zog luj luas tsis xav mus nrog luag THUV nis hmoob.

Nib ye….. Txiv leej tub cas yaj yuam puag yaj yig es yaj yig tuaj kwv kaus LIAB. Plees nkauj nraug nyob ntuj deb kev ncuav ntev tsis muaj siab hlub tiag ces txhob muab kev nkauj kev nraug coj los hais kom koj thiab kuv wb no nyob mus lwj SIAB.

Nib ye….. Txiv tub es cas niag yaj yuam puag yaj yig ces yaj yig tuaj kwv kaus NTAWV. Plees nkauj nraug nyob ntuj deb kev ncua ntev tsis muaj siab hlub tiag tsis txhob muab wb kev nkauj kev nraug no hais nyob mus lwj PLAWV ces zoo siab ua luaj no……

Share this post


Link to post
Share on other sites

Posted · Report post

Nib ye……Lawv tej neeg tus daisiab, cas koj tsis muaj siab tsis txhob dag tsam nyob ntuj txoog lias txoj kev deb ces muaj ib hnub koj yuam roj sua hneev rov es koj yuav mus nce hlo roob pem toj nto ces yuav tsa zaj muag lis yeev rov los saib tsis pom tag tsav yam nuj tus dabtsi, yuav pom tag paj huab los iab oo yuav auv tag tej sib NIAB. Koj mus nkauj hmoob nyob ces lub ncauj lam hais tias tsis nco no los ntshe nplooj siab me ntsws yuav nco nco lawv tej neeg hmoob tej tub li koj tus ntsuj plhu sawv nruj nraim rau nruab SIAB.

Nib ye…..Txiv leej tub, cas nyob ntuj deb kev ncua ntev es muaj ib hnub twg koj yuam roj suav hneev rov ces yuav mus nce hlo roob pem toj nto es tsa zaj muag lis yeev rov los saib tsis pom tag tsav yam nuj tus dabtsi, yuav pom tag paj huab los iab oo yuav auv tag tej niag sib ZAWV. Nkauj hmoob nyob ces nkauj hmoob lub ncauj lam tias tsis nco los ntshe nplooj siab me ntsws yuav nco nco lawv tej tub li ntawm koj tus me ntsuj plhu sawv nruj nraim rau nkauj hmoob no tej niag nruab PLAWV nis txiv leej tub.

Nib ye….. Txiv leej tub, wb nim nyob ntuj txoog lias txoj kev dav es yog koj rov ntsuj mus txog tsev ces kom nim muaj tag koj tus swm nkauj uas nyob koom zem nrog koj koom ZOS, niaj hnub hais lus ntxhi coj nrog lus MOS. Neb nim niaj hnub sib tuav tes ruj rawv mus saib mi noog ntxais paj POS. Ntshe koj yuav muab nkauj hmoob nyob ntuj deb kev ncua ntev li kuv no nrauj lis ncua rau peb tej niag qub ZOS. Koj yuav mus ua yim neej saub seev yuj yees tuaj nco tsis TXOG nis txiv leej tub.

Nib ye…. Txiv leej tub, cas koj rov ntsuj mus txog tsev es koj nim muaj koj tus me nkauj koom ze nrog koj nyob ua KE es nim niaj hnub hais mus qab zib tuaj nyob sib DE. Neb nim tuav tes ruj rawv mus saib mi noog ntxais paj NPLEG. Ntxhe koj yuav nrauj ncua tsis nco qab kuv niam ntxhais no rau peb leej niam leej txiv tej niag qub TSEV es koj yuav mus ua yim neej saub seev yuj yees tsis nco peb NPE ces nim tu plees nkauj nraug siab ua luaj li no…..

Share this post


Link to post
Share on other sites

Posted · Report post

Na Ej koj muab tus neeg tuaj ua phem lino ban tawm.

Nws no yog Niag Xaab Vwm siab phem lim hiam heev.

Mub tshem tawm.. us tshaug NEI

Share this post


Link to post
Share on other sites

Posted · Report post

Nib ye….. txiv leej tub es cas tus nplooj xyoob nplooj ntoos ces yuav sib tw hlav es yuav hlav mos nyuj nyoos tuaj nyob sib MUAB. Plees nkauj nraug nyob ntuj deb kev ncua ntev koj tsis muaj siab los tseg uas yog muaj siab tib tiag ces cia wb daj kom ciaj yig hais kom ciaj CUAB nis me hmoob.

Nib ye….. Cas tus nplooj xyoob nplooj ntoos ces yuav hlav tuaj tis ua hlav es yuav hlav zoj zim tuaj nyob sib RIG. Plees nkauj nraug nyob ntuj deb kev ncua ntev tsis muaj siab los tseg os yog muaj siab tuj tiag ces cia wb daj kom ciaj cuab hais kom ciaj YIG nis txiv leej tub.

Nib ye….. Ntuj nis lawv tej neeg tus dai siab, yog muaj siab tiag es muaj txoj hmo daj los sib tau ces cia kuv niam leej ntxhais li sau siab zuj zos mus tab koj lub teej yig es tuav koj tus ncej DAB. Yuav mus nrog koj ua yij neej saub seev yuj yees tsis muaj hnub tig rov QAB nis txiv leej tub.

Nib ye….. Lawv tej neeg tus zoo lus, yog daj dee los sib tau ces kuv niam leej ntxhais yuav sau siab zuj zog mus nrog koj ua yij neej los sib hlub es yuav mus tuav koj tus ncej dab nrog ncej QHUA. Yuav mus ua yij neej kaj siab lug tsis nco qab nco txog kuv xab me yeeb phooj ywg tuaj tus swm HLUAS nis lawv tej neeg.

Nib ye…. Txiv leej tub, yog daj dee los sib tau ces cia kuv los ua koj sev niam tab CUAB, cia koj teej qag tsav num kuv ua niam ib teg TUAV es koj lub twj lub tais cia kuv ua tus NTXUAV es wb li sib hlub laus qas nkoos ua neej sib hlub nyob tsis txawj DHUAV nis txiv leej tub.

Nib ye…. Txiv leej tub, yog daj dee los sib tau ces cia kuv los ua koj sev niam siab DAWB es koj teej qag tsav num cia kuv ua niam ib teg TSAWS, koj lub twj lub tais cia kuv ua niaj ib zaug KHAWS es kom wb lub neej ces tsuas muaj yog zoo tshaj PLAWS ces zoo wb siab ua luaj no… lolz.

Share this post


Link to post
Share on other sites

Posted (edited) · Report post

cas tus me noog paj oo sawv haus dej zoo yuav nti nthav los rau ntiaj TEB.. tos daj dee tsis tau los yog thaum wb los peb ntuj los wb los hlab tag ntxwj sib nyoog txhij tob kab xyuam es yuav tseg tau ntxwj sib nyoog lub rooj vag ZEB

cas tus me noog paj oo sawv haus dej zoo yuav nti nthav los rau ntiaj NRAG es plees nkauj nraug tos daj dee tsis tau los thaum wb los pem ntuj los wb los hlab ntxwj sib nyoog txhij tob kab xyuam es yuav tseg tau ntxwj sib nyoog lub rooj VAG

sim neej no ces yuav los thawj xeeb li zias ua ntiaj teb ib tsa neeg es yuav daj dee tsis tau ces muaj ib hnub wb cev ntaj tuag tag nrho ces wb li mus dag ntxwj sib nyoo tias kom ntxwj sib nyoog cia niam vab mus tuaj zig me vab es me vab zig tau NPLEJ.. wb li mus kom ntxwj sib nyoog cia wb mus ua ntxwj sib nyoo nkawm sab xeeb ntxhais nkauj ntxawm mus zaum ntxuaj tes kha pem ntxwj sib nyoog lub rooj faib ntawv nyob mus tev QEJ

sij neej no daj dee tsis tau ces cia wb cev ntaj tuag tag wb lis mus dag ntxwj sib nyoog tias cia niam vab mus tuaj zig me vab es me vab mus tuaj khaub zig MOS.. cia wb mus txia ua ntxwj sib nyoog nkawm sab xeeb ntxhais nkauj ntxawm mus zaum ntxuaj teg kha peb ntxwj sib nyoog lub rooj faib ntawv tuaj nyob tev DOS

cas cia 7 hli lub ntuj nag ces wb li mus tev qej zoo teb dos teeb es tawm li plaws rau xab yij ceeb lub ntuj qhua ces wb li fab ntaub mus yuj khw, es fab ntawv mus thawm XEEB

cas cia 7 hli lub ntuj nag ces wb li mus tev qej zoo tev dos ziab, es tawm plaws rau xab yij ceeb lub niag ntuj qhua ces wb li fab ntaub mus yuj khw es fab ntawv mus thawj THIAB.

cas daj dee plees nkauj nraug zoo luaj no tsis tau los tseg es cia fab seeb rau lwm sim es paj hmab ces tawg cab sab es yuav tawg paj los ua lub DAJ txi txiv mus tuaj ua lub NCAB.. plees nkauj nraug daj dee tsis tau saum yaj no los tseg es nco ntsoov rau fab seem rov lwm sim es wb mus tos ntua pem nkauj hnub kev uas txiv nraug qaimhli 48 txoj nyuag hauv KAB.

cas daj dee plees nkauj nraug zoo luaj no tsis tau los tseg uas cia fab xeeb rau lwm sim es paj hmab tawg cab sab es yuav tawg paj ua lub daj es txiv txiv mus tuaj ua lub NTE.. plees nkauj nraug daj dee tsis tau saum yaj no los tseg, nco ntsoov muaj ib hnub twg cev ntaj tuag tas mam li mus tos ntua txiv leej tub li koj rau niam nkauj hnub txiv nraug qaimhli 48 txoj nyuag xub ke..

Plees nkauj nraug daj dee tsis tau lawm los tseg es nco ntsoov li yeeb saum yaj no muaj hnub cev ntaj tuag tag ces wb li mus tuav tes rawv nce hlo ntxwj sib nyoog 9 qib zoo mus tuaj 8 ntaiv NTUJ, es wb mus xeeb keeb zeej puam tag ces zeej xeeb puav nyob vis tag, es wb daim ntawv nkauj saws ntawv nraug mam li mus sib tau rau ntxwj sib nyoog lub zoo mus tuaj qab tsha TSUJ..

Plees nkauj nraug da dee tsis tau lawm los tseg nco tib ntsuj ntsoov li yeeb saum yaj no, muaj ib hnub twg cev ntaj tuag tag ces wb li tuav tes raws mus nce hlo ntxwj sib nyoog 9 qib zoo mus tuaj 8 ntaiv TSUA ces wb li mus xeeb keeb zeej puam tagces zeem xeeb puav nyob vis DUA es wb daim ntawv nkauj saws ntawv nraug mam li mus sib tau rau ntxwj sib nyoog lub niag zoo mus tuaj qab tsha NPUAG

ntshe nim yog siab nkiag siab xyuam LEEJ es tes nkiag tes sais QEEJ os mog ntshe yuav sais zij tau pluaj toog es muab pluaj toog nrom li nroos tuaj rau nruab YAG ces pluaj toog li nrov NCHA. Cas muaj ib ntis thiaj li nrov NTAUG, cas xab swm phooj ywg zoo daj dee tsis tau ces koj txhob nrauj kuv txiaj ntsha es kuv txhob nrauj koj txiaj ntsim es cia wb los muab vaj 8 li suab luag hais ntoj ntuj tham nto ntsis seb puas yuav XAM TAU ces tusiab luaj no cia tsuj tseeb puas tseeb tau xab mej tseeb ntaus ntawv dhau seb lwm mej tseeb tav puas yuav tau…

Edited by *☆ N@s Σj Internet ☆*

Share this post


Link to post
Share on other sites

Posted · Report post

wow!! koj cov kwvtxhiaj zoo heev li, hais rau leejgtwg maj? haha joke xwb

koj mas txawj kwvtxhiaj heev li, kavtsij tuaj sau ntxiv es kuv mam tuaj nyeem xwb os Nas Ej..

ua tsaug nawb..

Share this post


Link to post
Share on other sites

Posted · Report post

cas tus me noog paj oo sawv haus dej zoo yuav nti nthav los rau ntiaj TEB.. tos daj dee tsis tau los yog thaum wb los peb ntuj los wb los hlab tag ntxwj sib nyoog txhij tob kab xyuam es yuav tseg tau ntxwj sib nyoog lub rooj vag ZEB

cas tus me noog paj oo sawv haus dej zoo yuav nti nthav los rau ntiaj NRAG es plees nkauj nraug tos daj dee tsis tau los thaum wb los pem ntuj los wb los hlab ntxwj sib nyoog txhij tob kab xyuam es yuav tseg tau ntxwj sib nyoog lub rooj VAG

sim neej no ces yuav los thawj xeeb li zias ua ntiaj teb ib tsa neeg es yuav daj dee tsis tau ces muaj ib hnub wb cev ntaj tuag tag nrho ces wb li mus dag ntxwj sib nyoo tias kom ntxwj sib nyoog cia niam vab mus tuaj zig me vab es me vab zig tau NPLEJ.. wb li mus kom ntxwj sib nyoog cia wb mus ua ntxwj sib nyoo nkawm sab xeeb ntxhais nkauj ntxawm mus zaum ntxuaj tes kha pem ntxwj sib nyoog lub rooj faib ntawv nyob mus tev QEJ

sij neej no daj dee tsis tau ces cia wb cev ntaj tuag tag wb lis mus dag ntxwj sib nyoog tias cia niam vab mus tuaj zig me vab es me vab mus tuaj khaub zig MOS.. cia wb mus txia ua ntxwj sib nyoog nkawm sab xeeb ntxhais nkauj ntxawm mus zaum ntxuaj teg kha peb ntxwj sib nyoog lub rooj faib ntawv tuaj nyob tev DOS

cas cia 7 hli lub ntuj nag ces wb li mus tev qej zoo teb dos teeb es tawm li plaws rau xab yij ceeb lub ntuj qhua ces wb li fab ntaub mus yuj khw, es fab ntawv mus thawm XEEB

cas cia 7 hli lub ntuj nag ces wb li mus tev qej zoo tev dos ziab, es tawm plaws rau xab yij ceeb lub niag ntuj qhua ces wb li fab ntaub mus yuj khw es fab ntawv mus thawj THIAB.

cas daj dee plees nkauj nraug zoo luaj no tsis tau los tseg es cia fab seeb rau lwm sim es paj hmab ces tawg cab sab es yuav tawg paj los ua lub DAJ txi txiv mus tuaj ua lub NCAB.. plees nkauj nraug daj dee tsis tau saum yaj no los tseg es nco ntsoov rau fab seem rov lwm sim es wb mus tos ntua pem nkauj hnub kev uas txiv nraug qaimhli 48 txoj nyuag hauv KAB.

cas daj dee plees nkauj nraug zoo luaj no tsis tau los tseg uas cia fab xeeb rau lwm sim es paj hmab tawg cab sab es yuav tawg paj ua lub daj es txiv txiv mus tuaj ua lub NTE.. plees nkauj nraug daj dee tsis tau saum yaj no los tseg, nco ntsoov muaj ib hnub twg cev ntaj tuag tas mam li mus tos ntua txiv leej tub li koj rau niam nkauj hnub txiv nraug qaimhli 48 txoj nyuag xub ke..

Plees nkauj nraug daj dee tsis tau lawm los tseg es nco ntsoov li yeeb saum yaj no muaj hnub cev ntaj tuag tag ces wb li mus tuav tes rawv nce hlo ntxwj sib nyoog 9 qib zoo mus tuaj 8 ntaiv NTUJ, es wb mus xeeb keeb zeej puam tag ces zeej xeeb puav nyob vis tag, es wb daim ntawv nkauj saws ntawv nraug mam li mus sib tau rau ntxwj sib nyoog lub zoo mus tuaj qab tsha TSUJ..

Plees nkauj nraug da dee tsis tau lawm los tseg nco tib ntsuj ntsoov li yeeb saum yaj no, muaj ib hnub twg cev ntaj tuag tag ces wb li tuav tes raws mus nce hlo ntxwj sib nyoog 9 qib zoo mus tuaj 8 ntaiv TSUA ces wb li mus xeeb keeb zeej puam tagces zeem xeeb puav nyob vis DUA es wb daim ntawv nkauj saws ntawv nraug mam li mus sib tau rau ntxwj sib nyoog lub niag zoo mus tuaj qab tsha NPUAG

ntshe nim yog siab nkiag siab xyuam LEEJ es tes nkiag tes sais QEEJ os mog ntshe yuav sais zij tau pluaj toog es muab pluaj toog nrom li nroos tuaj rau nruab YAG ces pluaj toog li nrov NCHA. Cas muaj ib ntis thiaj li nrov NTAUG, cas xab swm phooj ywg zoo daj dee tsis tau ces koj txhob nrauj kuv txiaj ntsha es kuv txhob nrauj koj txiaj ntsim es cia wb los muab vaj 8 li suab luag hais ntoj ntuj tham nto ntsis seb puas yuav XAM TAU ces tusiab luaj no cia tsuj tseeb puas tseeb tau xab mej tseeb ntaus ntawv dhau seb lwm mej tseeb tav puas yuav tau…

Mloog NEI ib ntus ces kawg kuv dai cajdab!

Share this post


Link to post
Share on other sites

Posted (edited) · Report post

Zaj kwv txhiaj no muab pub rau ib tug neeg uas kuv paub........

Cas luag niam luag txiv txawj sib hlub es luag yuav ua lub neej kom zoo los luag nim txawj xuas teev tuaj xuas tsi LUJ. Cas nkauj ntsuag leej niam leej txiv tsis txawj sib hlub ces nim ua lub neej mus tsis kawg es nim tseg ib tsoom me nkauj ntsuag tub ntsuag ua ntsoj ua ntsuag ciaj nyob mus thoob qab NTUJ.

Cas luag niam luag txiv txawj ua lub neej ces luag yuav ua yam twg tsav twg los luag nim xuas teev tuaj xuas tsi NQA. Nkauj ntsuag leej niam leej txiv tsis txawj ua lub neej nyob sib hlub ces yuav tseg nkauj ntsuag thiab tub ntsuag ua ntsoj ua ntsuag ciaj nyob mus puv ntiaj NRAG.

Cas leej niam leej txiv lub neej tsis kawg es sib nrauj sib tso tag ces yuav coj nkauj ntsuag mus nyob rau toj lug tiam tuaj roob tsua NTAB es kaj ntug zus ces leej niam yuav hais tias nkauj ntsuag tsis yog ib leej me tub cag nyob los tuav ncej DAB es ntse leej niam yuav tawm rooj li plaws mus ua dua NYAB.

Cas leej niam leej txiv sib nrauj tag los hais tu ces yuav muab nkauj ntsuag rau leej niam coj mus nyob rau toj lug taim tuaj roob tsua NTEV es kaj ntug zus ces leej niam yuav seev yuj yees tias nkauj ntsuag tsis yog ib leej me tub cag los tuav ncej TSEV es leej niam yuav tawm rooj li plaws mus ua dua qhua tauj yas hmoob ob cag SEV.

Cas leej txiv thiab leej kwv leej tig nim hais seev yuj yees tias ntuj teb kuv me ntxhais, cas koj nim tsis yog ib leeg tub cag es nim yog ib leej khaub ntxhais qhua, cas kheev lam yog ib leej tub cag tuav peb tus ncej dab ces ntshe peb yuav laj nyog los tav cia es npws poj yawm txwv koob es nchos diav thawv rau tej niag ntug VAB, cas nim yog ib leej khab ntxhais ces cia muab tu ncauj tu lus nrog leej niam mus seb puas yuav tau HNAV.

Cas nkauj ntsuag nim tsis yog ib leej me tub cag los tuav ncej NTXHOO es leej txiv thiab leej kwv leej tig nim hais tias ntuj os kuv me ntxhais cas kheev lam koj yog ib leeg tub cag ces peb yuav laj nyog los tav cia es npws poj yawm txwv koob nchos diav thawv rau tej niag ntug CHOO. Koj nim yog ib leej khaub ntxhais qhua ces cia muab tu ncauj tu lus nrog leej niam mus seb puas yuav ZOO.

Ntuj teb mog lawv tej tus me hmoob, sim neej no es kaj ntug tej sib zus ces yuav nrog leej niam yuam roj sua hneev mus ua nyab, cas tsis yog suav liaj ia ces suav twb tsis teev los ti NTUG, tsis yog luag tub luag ntxhais coj luag yug ces luag twb tsis xav hlub los ti PLHU.

Cas nim nrog leej niam yuam roj li hneev mus ua nyab es nim tsis yog suav liaj ia ces suav twb tsis teev los ti NTSA. Tsis yog luag tub luag ntxhais coj luag yug ces luag twb tsis xav hlub los ti TXHA.

Cas leej niam nim mus yug tau tub tau ntxhais uas koom nrog khaub dab ntsuaj ntsuag noj ib lub mis tuaj ncau yas TES los khaub dab ntsoj ntsuag nim tsis yog leej txiv tshiab yug es khaub dab ntsuaj ntsuag lub zog ces luag nim xav xav noj los teej qag tsav num luag twb tsis xav nrog LEG.

Cas leej niam ua nyab tag es yuav mus yug tau leej txiv tshiab leej tub nrog leej ntxhais es yuav nrog khaub dab ntsoj ntsuag koom noj ib lub mis tuaj ncau yas NPAB los nkauj ntsuag tsis yog leej txiv yug ces khaub dab ntsoj ntsuag lub zog luag xav xav noj los teej qag li tsav num luag ua cuav tsab zuj zias tuaj tsis xav PAB.

Luag muaj niam muaj txiv ces luag yuav noj zoo loo tuaj pw zoo NCOO. Khaub dab ntsoj ntsuag tsis muaj niam muaj txiv ces ntshe yuav noj phem loo los pw tsiv NCOO es ua mob ntxhia ntxuj ntxiag rau tej niag nruab siab los haj tseem hais tias ntshe yog lub ntuj kus yuav tsav lub me teb kus yuav NTXHOO.

Sij neej no es luag muaj niam muaj txiv ces luag yuav noj zoo qav pw zoo LAV es khaub dab ntsoj ntsuag ces yuav noj phem qav pw tsiv lav es ua mob ntxhia ntuj ntws rau tej niag nruab TAV los haj tseem tias ntshe yog lub ntuj kus yuav ntxhoo lub me teb kus yuav TSHAV ces tusiab ua luaj no.

Edited by *☆ N@s Σj Internet ☆*

Share this post


Link to post
Share on other sites

Posted · Report post

Zaj kwv txhiaj no muab pub rau ib tug neeg uas kuv paub........

Cas luag niam luag txiv txawj sib hlub es luag yuav ua lub neej kom zoo los luag nim txawj xuas teev tuaj xuas tsi LUJ. Cas nkauj ntsuag leej niam leej txiv tsis txawj sib hlub ces nim ua lub neej mus tsis kawg es nim tseg ib tsoom me nkauj ntsuag tub ntsuag ua ntsoj ua ntsuag ciaj nyob mus thoob qab NTUJ.

Cas luag niam luag txiv txawj ua lub neej ces luag yuav ua yam twg tsav twg los luag nim xuas teev tuaj xuas tsi NQA. Nkauj ntsuag leej niam leej txiv tsis txawj ua lub neej nyob sib hlub ces yuav tseg nkauj ntsuag thiab tub ntsuag ua ntsoj ua ntsuag ciaj nyob mus puv ntiaj NRAG.

Cas leej niam leej txiv lub neej tsis kawg es sib nrauj sib tso tag ces yuav coj nkauj ntsuag mus nyob rau toj lug tiam tuaj roob tsua NTAB es kaj ntug zus ces leej niam yuav hais tias nkauj ntsuag tsis yog ib leej me tub cag nyob los tuav ncej DAB es ntse leej niam yuav tawm rooj li plaws mus ua dua NYAB.

Cas leej niam leej txiv sib nrauj tag los hais tu ces yuav muab nkauj ntsuag rau leej niam coj mus nyob rau toj lug taim tuaj roob tsua NTEV es kaj ntug zus ces leej niam yuav seev yuj yees tias nkauj ntsuag tsis yog ib leej me tub cag los tuav ncej TSEV es leej niam yuav tawm rooj li plaws mus ua dua qhua tauj yas hmoob ob cag SEV.

Cas leej txiv thiab leej kwv leej tig nim hais seev yuj yees tias ntuj teb kuv me ntxhais, cas koj nim tsis yog ib leeg tub cag es nim yog ib leej khaub ntxhais qhua, cas kheev lam yog ib leej tub cag tuav peb tus ncej dab ces ntshe peb yuav laj nyog los tav cia es npws poj yawm txwv koob es nchos diav thawv rau tej niag ntug VAB, cas nim yog ib leej khab ntxhais ces cia muab tu ncauj tu lus nrog leej niam mus seb puas yuav tau HNAV.

Cas nkauj ntsuag nim tsis yog ib leej me tub cag los tuav ncej NTXHOO es leej txiv thiab leej kwv leej tig nim hais tias ntuj os kuv me ntxhais cas kheev lam koj yog ib leeg tub cag ces peb yuav laj nyog los tav cia es npws poj yawm txwv koob nchos diav thawv rau tej niag ntug CHOO. Koj nim yog ib leej khaub ntxhais qhua ces cia muab tu ncauj tu lus nrog leej niam mus seb puas yuav ZOO.

Ntuj teb mog lawv tej tus me hmoob, sim neej no es kaj ntug tej sib zus ces yuav nrog leej niam yuam roj sua hneev mus ua nyab, cas tsis yog suav liaj ia ces suav twb tsis teev los ti NTUG, tsis yog luag tub luag ntxhais coj luag yug ces luag twb tsis xav hlub los ti PLHU.

Cas nim nrog leej niam yuam roj li hneev mus ua nyab es nim tsis yog suav liaj ia ces suav twb tsis teev los ti NTSA. Tsis yog luag tub luag ntxhais coj luag yug ces luag twb tsis xav hlub los ti TXHA.

Cas leej niam nim mus yug tau tub tau ntxhais uas koom nrog khaub dab ntsuaj ntsuag noj ib lub mis tuaj ncau yas TES los khaub dab ntsoj ntsuag nim tsis yog leej txiv tshiab yug es khaub dab ntsuaj ntsuag lub zog ces luag nim xav xav noj los teej qag tsav num luag twb tsis xav nrog LEG.

Cas leej niam ua nyab tag es yuav mus yug tau leej txiv tshiab leej tub nrog leej ntxhais es yuav nrog khaub dab ntsoj ntsuag koom noj ib lub mis tuaj ncau yas NPAB los nkauj ntsuag tsis yog leej txiv yug ces khaub dab ntsoj ntsuag lub zog luag xav xav noj los teej qag li tsav num luag ua cuav tsab zuj zias tuaj tsis xav PAB.

Luag muaj niam muaj txiv ces luag yuav noj zoo loo tuaj pw zoo NCOO. Khaub dab ntsoj ntsuag tsis muaj niam muaj txiv ces ntshe yuav noj phem loo los pw tsiv NCOO es ua mob ntxhia ntxuj ntxiag rau tej niag nruab siab los haj tseem hais tias ntshe yog lub ntuj kus yuav tsav lub me teb kus yuav NTXHOO.

Sij neej no es luag muaj niam muaj txiv ces luag yuav noj zoo qav pw zoo LAV es khaub dab ntsoj ntsuag ces yuav noj phem qav pw tsiv lav es ua mob ntxhia ntuj ntws rau tej niag nruab TAV los haj tseem tias ntshe yog lub ntuj kus yuav ntxhoo lub me teb kus yuav TSHAV ces tusiab ua luaj no.

Ib txhia neeg qhovmuag yuav qhuav lau.

Share this post


Link to post
Share on other sites

Posted · Report post

Ntuj os tub ntsuag es cas yog niam tuag ces yuav zoo tam ntua li tsob ntoo nuj ciab yuav ntshua HUAB es yog txiv tuag ces yuav tag nrho ib CUAB uas leej niam leej txiv twb tsis tuag los yuav cia nkauj ntsuag thiab tub ntsuag mus ua dev thawj thiab seev yuj yees ntsia qab mus ntuj NTSUAB.

Cas nim yog niam tuag ces tam ntua tsob ntoo nuj ciab nyob ntshua NTSIS, txiv tuag ces thiaj tag ib YIG uas cas leej niam leej txiv tsis tuag los yuav cia nkauj ntsuag thiab tub ntsuag ua dev thawj thiab nyob ntsia ntsoov qab mus ntuj CI

Cas leej niam leej txiv sib nrauj sib tso tag es lub vaj tsis tau pob es lub tsev tsis tau VAU los leej niam nim ntxheb zag pluj plias mus tham hluas NRAUG.

Cas sib nrauj sib tso tag es lub vaj nyob tsis tau vau, lub tsev nyob tsis tau PUAS los leej txiv nim ntxheb zag pluj plias sawv mus ua HLUAS.

Cas leej niam ces tawm rooj plaws yuav plhws pob tw tej niag sib ntshis es hais seev yuj yees txoj ke tuaj yuav dua txiv, leej niam yuav tias cia leej niam mus yuav txiv tshiab es txiv tshiab siab thiaj NCAJ uas nim mus yuav tau txiv tshiab ces yuav noj zais ntshuj ntshis rau tej niag npoo TXAJ.

Cas leej txiv nim hais seev yuj yees txoj kev mus yuav niam tshiab es hais seev yuj yees tias niam tshiab siab thiaj ZOO uas niam tshiab ces noj zais ntshuj ntshis rau tej niag npoo NCOO.

Cas leej niam leej txiv tshiab xav zoj tias tsis muab los yog nkauj ntsuag thab tub ntsuag ces lam muab luaj lub qe qaib los haj tseem tig niaj 3 ntxees SAIB es hais seev yuj yees tias noob phem li nkauj ntsuag thiab tub ntsuag ces lam pub rau noj kom txhob tuag TSHAIB.

Cas leej niam leej txiv tshiab xav zoj tias tsis muab los yog nkauj ntsuag thiab tub ntsuag ces lam muab luaj lub qe NRUAS los haj tseem tig niaj 3 ntxees XYUAS es hais seev yuj yees tias noob phem li nkauj ntsuag thiab tub ntsuag ces lam pub rau noj kom tsis txhob TUAG ces tusiab ua luaj no.

Share this post


Link to post
Share on other sites

Posted (edited) · Report post

Zaj no tshwj xeeb rau koj kawm xwb.  Kuv tso rau ib qho chaw tiam sis koj tsis muaj account ces kuv tso no koj mam kawm os mog...

 

 

Ntuj nis tub nraug hmoob cas niam ntxhais ua nyab tag es tav zag neej phim zag hluas es twb mus tu tub hlob mos nyuj nyoos yuav tau zog NOJ los cas tau leej tub leej roog tsis hlub ces yuav muab niam ntxhais ciav zuj zias rau lub qhov PLOJ es thiaj li ua zoj niam ib siab mus nrauj tub nrauj roog rov los ua NTSOJ nis hmoob.

Cas niam ntxhais cev txiaj zaj ua nyab tag es tav zag nkauj phim zag hluas es twb mus tu tub tu ntxhais hlob mos nyuj nyoos nyob tiav nkauj tub tiav HLUAS es yuav noj los twb txawj UA los nim tsis tau leej tub leej roog lo lus zoo coj lus MUAG ces thiaj ua zoj ib siab nrauj tub nrauj roog rov los ua dua HLUAS nis me hmoob.

Ntuj nas me hmoob, cas kheev lam yog tuag ces ntshe yuav zoo tam ntua li txooj xyoob txooj ntoo nyob mus ntshua CEG, yog cev ntaj tuag tag ces yuav tseg ntua lub koob coj lub NPE uas nim yog sib nrauj sib tso ces ntshe yuav laj laj ceev los ua neej dai luagqab vag coj tsib PEG es ntshe yuav los ua rau koj leej tab leej zag tau lub chaw khib es neb yuav muaj sib cav coj sib CEG nis hmoob.

Cas nim yog txooj xyoob los txooj ntoo ces ntshe yuav ntshua niaj mus ib SUAB. Nim yog kev sib nrauj sib tso ces yuav tawg yim coj tshais CUAB es yuav ua rau poob lub koob tuaj nrog luab SUAB. Yuav los ua neej dai luag qab vag coj tsib TXUAS es yuav ua rau koj leej tab leej zag lub chaw khib ces yuav los ua neb lub chaw sib ntaus coj sib TUA nas hmoob.

Cas hmoob niam ntxhias tau lub neej tsis zoo ces tshaib plam lam mus de tus nroj tus tsuag coj rov los NOJ. Muaj mob plab dias hau ces lam mus lob tus tsuag nrog tus NROJ es nim mus ua lub neej lwj siab npaum twg los tseem xav li ntsoov tias txhob tuag vim yog tshuav KOJ es niam ntxhais tseem nco nco wb plees nkauj nrauj no txoj kev nkauj kev nraug ces nplooj siab me ntsws yuj lias thiaj li tseg tsis tau KOJ nas hmoob.

Ua nkauj ua nraug tsis tau es ua nyab tag ces lam mus ua lub neej es tshaib plab ces mus lob nroj lob tsuag noj, muaj mob ces mus de nroj de tsuag RAU uas tau lub neej tsis zoo xav zoj tias tuag kiag los tseem nco ntsooj ntsoov kuv me hmoob swm NRAUG nco ntsooj ntsoov tuaj tseg tsis TAU.

Niam ntxhais ua nyab tag ces muab thoob mus rau dej los dej nim tsis NTUB es tav zag neej laus li no yeej paub zoo tias nrauj tub tseg roog rov qab los koj yeej tsis HLUB los vim yog lub neej mus tsis tau li txoj kev xav es tsuas thov kom koj leej tab leej zag neb ua neej luag lis NTXHUB. Niam ntxhais los ua nkauj fev lis fa nyob los tsis txhob NTXUB nas hmoob.

Cas niam ntxhais ua nyab tag ces muab thoob mus ce dej los dej nyob tsis DUAV, ua nkauj feb lis fa rov los yeej paub tias xab yeeb phooj ywg li ntawm koj yeej tsis YUAV los thov kom neb ua lub neej nyob luag lis NQHUAS es ua nkauj fav rov los nyob los neb tsis txhob DHUAV ces chim laj xeeb xaus li xi toj taim tuaj tus ntoo QAUB, yog leej twg tau lub neej lwj siab ces hais txog zaj no thiaj li paub.

 

 

 

Edited by *☆ N@s Σj Internet ☆*

Share this post


Link to post
Share on other sites

Posted (edited) · Report post

 

Me Hmoob cas yuav hais tau paj ntsha lus txhiaj kho kuv siab-tej me siab ntsws mob doogdiaj. ntshe yog kuv nqa tau daim ntawv los uaneej tsis meej tseeb.  kuv nim zam txoj kev plam neej poob nkawm los haj tseem zoo tam nas ntsooj nas kauv maub dujdig mus mag nxiab.  Kuv nim ntshai rujrwg tsam ntiajteb cem pivzias tias ua tsis tsheej neej los haj tseem mus tau kiag tus neeg coj lub me siab cuav yeeb. kuv thiaj ua ib siab ntim su zias mus ciaj neeg lojleeb saib kuv lub me siab puas nyabxeeb.

Tej neeg zoo cas yuav hais me lus paj xyaw suab nroo tuaj mus raug kuv siab mob ua zog koog. ntshe yog tiam neej no nqa tau daim ntawv uaneej tsis zoo.   Kuv nim ntshai rujrwg ntiajteb neeg cem piv zias tias yog neeg nkhau neeg phem tsis txawj sib yoog thiaj ua zaj ua ntxeev zam txoj kev nrauj kev tso los haj tseem zoo tam ntua ntses nuj ntses niaj sib caum mus mag poj mab moo.  Chim siab luaj no ces kuv yuav ntim su zias mus ncig ntuj luas loj luas loo lub niaj thawm lub xyoo saib kuv lub me plawv puas yuav rov zoo.

Tej neeg swmxeeb, Kuv mus tsis ploj tsis tuag ces ntau nyeej ntau xyoo yuav rov los rau nej pom thiab los dia nej ntug zej ntug zos.  Kuv mus tsis rov los ces yog mus ciaj qab ke luag lawm es kuv tej me neeg txheeb neeg zoo tsis txhob xav txog. kuv tej me phoojywg swm los ua ib siab tsis txhob tos lawm mog.  Yog lawm tiam muaj tiag kuv li yuav nco ntsoov nqa daim ntawv ua neej kom zoo cuag ntawv nyiaj ntawv kub.  Kuv mam rov los xeeb tsheej tej txheeb ze tus neeg zoo thiab mam rov los nrog tej neeg swm rhawv dua txoj zoo kev hlub. kuv li mam tsheej cuab ntseg yim li ntiajteb tsim lub ntuj phum pub.

Lawv tej neeg kuv mus tsis ploj tsis tuag ces ntev caij ntev nyoog yuav rov ncig los pom tej txheeb ze ntxiv thiab los ntsib tej swm neeg dua mam los nyob dai nej ntug liaj ntug teb. kuv mus tsis rov ces yog mus ciaj xyw zov ntug kev es kuv tej me neeg txhob tuav txog kuv npe. lwm tiam muaj tiag kuv li yuav nco ntsoov nqas daim ntawv uaneej kom meej tseeb li ntiajteb daim ntawv cagku lijchoj tawg paj zees ua phau tseg.  Kuv mam nco ntsoov los xeeb tsheej tej txheeb kwv txheeb tij tus zoo ncej thiab mam rov los nriav tej neeg swm nrawv dua neej ciaj zoo ib leej zoo txiv tsev li lub ntiajteb xeeb cia qaum ntuj phum tseg.

Chim lajxeeb tsis txawj dua kho kuv siab lam tuaj seev tsodaj hais tsoluag yog nej leej twg tau nyeem lawm tuaj dabros tag los thov pab nrog thuam txhij thuam txhua vim kuv tsis paub hais kwv txhiaj ces kuv thiaj hais ua lus pajpaws dawm nriv dawm nrawv nrog nej hauv hmoob lub sam thiaj huab-cua.

Edited by Yajceebtshiab

Share this post


Link to post
Share on other sites

Posted · Report post

Abbbbbb tau 1 xyoos no kuv tsis khoom li lawm cia lub weekend no kuv khoom khoom li kuv ho rov los nrog nej sau kwv txhiaj seb......

 

 

Nib ye....... Ntuj teb nas me hmoob, cas wb nim daj dee zoo luaj no tsis tau tuj sib tiag es koj tsis muaj siab los tseg os yog muaj siab tib tiag ces cia wb tuav tes ruj rawv mus txia ntshis ua txiv tsov txaij nraum qas zees es yuav mus noj ntawm ncauj lo ntawm NTSEJ.  Daj dee tsis tau ces cia wb tuav tes ruj rawv mus  txia ua txiv tsov txaij nraum lis ko, es cia kuv dhia tej plhwb tej niag plhaw lawv koj ib ncuas qab los koj li luag tw tej niag sib zawv ua hmoob niam leej ntxhais no ib ncua NTEJ nas me hmoob.

Nib ye...... Lawv tej neeg tus dai siab cas nim daj dee tsis tau kho siab ua luaj li no es koj tsis muaj siab los tseg uas yog muaj siab lawm tej niag sib tiag ces cia wb mus txia li ntshis ua txiv tsov txaij nraug qas zees yuav mus noj ntawm ncauj lo ntawm PLAB.  Yog koj muaj siab tuj sib tiag ces chim siab ua luaj li no es wb mus txia ntshis ua txiv sov txaij nraug li ko es cia koj luag tw tej niag sib zawv ua kuv niam leej ntxhais no ib ncuas ntej los hmoob niaj leej ntxhais li dhia tej plhwb tej niag plhaw lawv koj ib ncuas QAB nas lawv tej neeg tus kheev luag.

Nib ye.... Hmoob tej tub tus dai siab, cas niam leej ntxhais yuav hais seev yuj yees hais tias cas yuav cia kooj tshuab tom kooj tsaug es txawj ya los txawj tsaws yuav mus tsaws ntua tuaj lub ntsis CIAB.  Plees nkauj nraug daj dee tsis tau lawm tuj tiag ces ntshe yuav nco nco peb plees nkauj nraug no txoj kev nkauj kev nraug sawv nruj nraim tuaj rau nraub SIAB.

Nib ye.... Lawv tej neeg tus lus zoo, cas yuav cia kooj tshuab tom kooj tsaug es txawj ya los txawj tsaws yuav tsaws ntua tuaj lub ntsis AWV.  Daj dee tsis tau tujsib tiag ces ntshe yuav muab peb plees nkauj nraug no txoj kev nkauj kev nraug nco nco sawv nruj nraim tuaj rau nruab PLAWV.

Nib ye.... Txiv leej tub cas daj dee tsis tau es yog koj tsis muaj siab los tseg os yog muaj siab tiag ces cia koj mus txia ntsis ua txiv tsov txaij nraug lis KO, kuv niam leej ntxhais li mus txia ntshis ua niam dab pog ntxoog nrog ntsoov txiv yawg TSOV es wb li tuav tes tuj rawv mus ncig yuj yeev rau leej niam leej txiv thaj teb luj lias teb quav TAUJ es peb plees nkauj nraug thiaj li tsis nco qab txog wb kev nkauj kev nraug taug kev hluas NKAUJ nas hmoob.

Nib ye.... Lawv tej hmoob tus dai siab, nim daj dee tsis tau chim siab ua luaj no es koj tsis muaj siab los tseg uas yog muaj siab lawv tej niag sib ntsoov ces cia koj mus txia ntsis ua txiv tsov txaij nraug lis YEEV es hmoob niam leej ntxhais li mus txia ntsis ua niam dab poj ntxoog nrog rawv txiv nraug tsov SEEV es wb li ua kev rawv mus ncig yuj yeev rau leej niam lej txiv thaj teb luj lias teb quav TSUAG.  Wb thiaj li tsis nco qab nco peb plees nkauj nraug no ib cim khaub plees nkauj nraum taug txoj kev HLUAS ces chim siab ua luaj li xaus xi paj vaum tuaj txiv zaub QAUB.  Plees nkauj nraug daj dee tsis tau ces nco npaum luaj twg los yuav tsis zoo seev yuj yees qhia leej los twg PAUB nas hmoob.

Share this post


Link to post
Share on other sites

Posted · Report post

Share this post


Link to post
Share on other sites

Posted · Report post

Lub suab kwvtxhiaj no yog NEI ntag?

Share this post


Link to post
Share on other sites

Posted · Report post

Share this post


Link to post
Share on other sites

Posted · Report post

Nib ye... Lawv tej neeg tus hmov tshua cas nim daj dee tsis tau ces cia koj mus nrauj ncua kuv leej niam leej txiv qab vag tsib taug rau niaj coob ua zoov kau es yij cab ua zoov QUAJ es daj dee tsis tau lawm ces koj ua ib siab nrauj ncua tseg ib taws nyob tsis tuaj es koj nco ntsoov tias kuv yog koj ib zaug tus cawm seej es koj yog kuv ib hau me zoo TSHUAJ es kev nkauj kev nraug zoo ib zaum ntawm lub neej wb yeej tsim tau MUAJ Los kev nkauj hais plam tag es kev nraug muab hais los puas TSUAJ os me hmoob.

Nib ye.... Ntuj teb yuas me hmoob cas daj dee tsis tau es niam ntxhais tias koj ua ib siab mus nrauj ncua kuv leej niaj leej txiv qab vag tsib taug rau niam coob me ncuas ua lub chaws quaj es cia yij cab ua zoov KAU. Daj dee tsis tau lawm tiag ces koj tseg ntua lub taw rooj txhob tuaj tsuj txog ib ZAUG es koj nco ntsoov tias wb cog muaj ib zaug kev nkauj es tsim tau tseg ib zaug kev NRAUG nyob tsis muaj lub chaws XAUS nas me hmoob.

NIb ye... Ntuj os lawv tej neeg cas tus dej yig tsum ces yuav tu lis nrho tuaj rau ntawm kwj los tshuav ntawm pas haj tseem yuav NRO es daj dee peb plees nkauj nraug zoo luaj no tsis tau koj yuav hais li cas rau kuv niam leej ntxhais thiaj li tau muab coj los seev ua niaj lub chaw NCO?

Nib ye... Txiv leej tub cas tus dej yig tsum ces yuav tu lis nrho tuaj ntawm kwj los tshuav ntawm pas yeej tseem yuav TEEV. Wb nim ntaus khaub plees nkauj nraug txog txij no tsis tau lawm tiag es koj yuav hais niaj ib los li cas rau kuv niam leej ntxhais khaws cia ua lub chaw SEEV?

Nib ye.... Lawv tej neeg hmoob tej tub cas ua nkauj ua nraug nyob tsis tau es tawm rooj li plaws tsis pom tag tsav yam nuj tus dab tsi es pom tag rev paj pos paj khaub rhib ces yuav tawg paj los txawj ncw es txi txiv los txawj TSHIAB. Wb daj dee tsis tau ces yuav nco nco peb plees nkauj nraug no kev plees nkauj nraug niaj txhis rov ib TxHIAB nas me hmoob.

Nib ye... Ntuj os me hmoob cas ua nkauj nraug tsis tau es tawm rooj plaws tsis pom tag tsav yam nuj tus dabtsi es yuav pom tag rev me paj pos paj khaub rhib es yuav tawg paj los txawj tshiab es txi txiv los txawj NCW. Daj dee tsis tau ces yuav nco nco peb plees nkauj nraug no kev nkauj kev nraug niaj txhis ib txhiab taug peb plees nkauj nraug txoj niag qub LW.

Ces chim siab ua luaj no xaus xi zoov laj teem tuaj tus ntsis CIAB. Plees nkauj nraug tsis tau ces lub ncauj lam tias tso los peb xab me yeeb plees nkauj nraug tus ntsuj plhu yeej sawv nraim tuaj rau nruab SIAB.

Share this post


Link to post
Share on other sites

Posted · Report post

Nas Ej.

Txawj kwv txiaj tag npaum li ko ces koj kuj seev suab kiag hais rau peb mloog mas.Sau ntawv xwb ces twb tsis paub lub suab ne.

 

Share this post


Link to post
Share on other sites

Posted · Report post

haahahaha........

Koobpov mas kuv tsis khoom upload li ne.  Upload  siv sij hawm ntau heev li nas.  Cia kuv qiv lawv zaj lawv uploaded no los tso yom...hahaha

 

 

 

 

 

Share this post


Link to post
Share on other sites

Posted · Report post

nyobzoo Nas Ej,  koj puas nyobzoo/ ua dabtsi lawm? ua cas koj yuav sau tau kwv txhiaj zoo ua luaj,

ua tsaug rau koj lub sijhawm  os,

Ntev npaum no koj lub suab kwv txhiaj tseem yog lub qub tsis hloov li, hais tau zoo tiag tiag li

Share this post


Link to post
Share on other sites

Posted · Report post

haahahaha........

Koobpov mas kuv tsis khoom upload li ne.  Upload  siv sij hawm ntau heev li nas.  Cia kuv qiv lawv zaj lawv uploaded no los tso yom...hahaha

 

 

 

 

 

Nas Ej.

Koj qiv lawv zaj no los rau peb mloog los tau kawg mas zoo heev lawm mas yom.

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now