Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

Search the Community

Search Filters


 Search Filters

Content tagged 'love'

Found 0 results


Results

  1. Kuv tau mus pom tu hluas nkauj no rau tim Nplog sib hawm kuv mus ua si nrog cov phooj ywg.. tabsi tsis paub npe tsuas paub tias yog xeem Lauj xwb .. tsis paub seb puas yog lawv poj niam.. Kuv nyiam heev tiamsi tsis paub txog nws li..yog leej twg paub thov qhia.. kuv xav nrov mus ntsib seb puas muaj hmoo yuav ua poj niam...

    Ua tsaug!

    NraugHmoob555

    p.s. kuv yog nraug laus hmoob mekas.. tsis tshua txawj sau ntawv Hmoob thiab.. thov zam txim!



  2. Khub niam txiv nov laus2 lawm lo kuj tseem sib2 hlub thiab, tseem khwv2 kawg li. Nov yog haiv neeg los tsuas nyob nroog Vangvieng:

  3. “Xav Ua Tus Ib” Xav tau koj ua tus thib ibUa tus pib ntawm txoj kev hlubYam txoj sawv kub yog thawj tug cojXav kom koj haj tseem xuv xuv Zoo li kuv uas tsis tau hlub duaLi txoj hlua uas tsis tau sivYam lub txiv tsis tau muaj neeg nojEs xyov koj hlub tsawg tus lawm Lub sijhawm tig rov tsis tauXav kom nphau tau sij hawm rov qabKuv xav thab ua koj thawj tugCev ntaj ntsug kuv yog tus tau Sij hawm dhau yuav tsis tig rovThaum kuv hnov txog koj kev hlubLub siab kub mob lub siab heevNplooj siab seev tias yuav ua cas Xav tsis tas thiab xav tsis thoobKoj siab coob tau hlub ntau tusEs ntshe yus yuav tsis tsim nyogUas yuav yog koj ua tus ib Ua tus qhib ntawm kuv lub cevYam txoj kev koj ua thawj tug taugVim kuv qaug hlub koj dhau heevTxawm yuav seev los tig tsis tau Lam muab sau ua lus paj huamXa tuaj tshuam nplij lub me siabTxog xyoo tshiab mam txhob xav lawmCia sij hawm mam kho kom zoo Mam tsis nroo txog yav dhau losTsuav koj tos hlub kuv tiag tiagYeej sau kiag txhua yam rau kojRub siab loj yuav hlub mus li Yuav luag ntxhi mus li ib txhisUa tus ntsis tsis npaum tus kawgYam lub lawg uas poob tom qabNws thiaj ntab nyob puag saum thawj Koj txhob txhawj tsam kuv tu siabEs ho ntiab koj khiav ntawm kuvKuv mam uv thiab ua siab lojYuav hlub koj mus li ib txhis os mog tus me neeg zoo hlub….   
  4. Hi and nyob zoo rau kuv ib tsom tsev neeg hmoob txhua tus.

    Kuv lub npe yog Maiv xeem Yaj. Kuv yog nkauj xwb nyob rau tim USA no, kuv muaj hnub nywg li ntawm 25 xyos. Ib sim neej no, kuv kawm ntawv ntau xwb. Lub caij no kuv tseem kawm ntawv qeb siab thiab yuav npaj siab lav ntawv lwm xyoo (2014). Kuv niam thiab txiv nkawv yog zoo neeg, nkawv muab tau nqaij tawv thiab hlwb zoo rau kuv. Ntxis mus thiab, nkawv pab txhawb kuv lub zog thiab muab nkawv txoj kev cia siab cia rau kuv. Peb tsev neeg kuj yog ib tses neeg zoo tsis muaj tej yam khoom txawv2. Peb yog neeg pej xeem nyob dawb huv, rau siab khwv noj khwv haus, thiab tsis muaj plaub ntug nrog leej twg. Qhov no yog me ntsis txog kuv keeb kwm.

    Qhov kuv tuaj no, yog kuv xav nrhiav seb puas muaj ib tug nraug seem hmoob zoo nyob tos kuv lawm. Kuv ntseeg hais tias peb tsev neeg nyob twm zeej zog tim lub lav NC. Nraug hmoob tus zoo ces tsis yog yus tus los sis lawv yog yus xeem YAJ lawm xwb.

    Kuv xav nrhiav ib tug nraug hmoob uas:
    muaj keeb kwm thiab tsev neeg zoo,
    txawj hais lus hmoob,
    paub coj kev cai hmoob,
    nyiam hmoob culture,
    txawj hlub niam hlub txiv,
    kawm ntawv qeb siab,
    tsis tau muaj dua ib tug los hu ua nws tus niam tsev,
    zoo ntsej zoo muag (li tib neeg),

    tab sis nws muaj kev nkag siab li Americans:
    pom poj niam lub vaj huam sib luag li nws

    Kuv nkag siab hais tias lub website/forums no tsis yog "dating" site, tab sis kuv tsis paub yuav nrhiav li cas los sis qhov twg thiaj li ntsib tau tus zoo neeg no. Kuv yog ib tus ntxhais uas muaj kev hlub rau kuv haiv neeg hmoob heev, kuv nyiam hais lus hmoob, thiab nyiam hmoob culture and arts. Tsis paub seb leej twg puas muaj ib tug tub hmoob qhov twg uas tsis yog kuv xeem hmoob YAJ thiab muaj txoj kev xav li kuv no lawm.

    Kuv tsis xav tag kev cia siab rau kuv cov nus hmoob no, tab sis yog kuv ntseeg hais tias kuv yuav tsis ntsib tus vauv hmoob zoo lawm no... kuv tshai hais tias kuv yuav tau muab kuv haiv neeg hmoob tso tseg es mus xyaws mab xyaws suav lawm xwb no. Kuv ua tsaug thiab zoo siab hais tias koj tau nyeem kuv tsab ntawv los txog qhov no lawm. Yog koj xav hais tias tseem muaj kev cia siab rau kuv thiab no, thov sau message rau kuv directly. Tab sis thov nej tsis txhob resort to ugliness ntawm thaj chaw no yog kuv tau hais dab tsi tsis yog los sis siab nej lawm. Kuv thov txim ua ntej mog thiab cia siab hais tias nej tsuas lam tuaj nyeem kuv tsab ntawv meem txos ua si xwb no mog.

    *****************************************************************************************************************************

    Muab sau ua lus meskas,

    Nraug Hmoob Nraug Seev,

    I'm a Hmong lady in her 20's looking for a well cultured, well mannered, mentally matured, and highly educated Hmong gentleman. It has been very hard to find a Hmong guy with all of the above traits/background, and I am only requesting of him the same things that I have to offer. This is my last attempt to seek out a potential Hmong husband, and I would appreciate your reply or message if you can offer me hope or provide realistic feedback. Thank you.

    (ENGLISH TRANSLATION IS MUCH SHORTER THAN THE HMONG) LOL...

  5. Suzie Her
    18 years old
    stand as 5'10 tall
    Was raise up in California, Stockton
    Now living in Wisconsin, Appleton with my brother and my nyab
    Class of 2013
    Major: LPD nurse


    Hello everyone! Please excuse my English even though its not the best.
    My ex-boyfriend named is Kevin Vang. I met ex from asiantown.net we were talking and message each other back and forth. One day he decide to asked me for my number so i gave it to him. He always called me every night and text me every morning without stopping. So one day he came to town for his cousin wedding and he want to meet me in reality but i was very nervous and shy to meet him. Also ; it was a late night / morning. It was 3am in the morning he want me to come out to hang with me.. But i was like i cant its not that i dont want too but its that im still living with my aunt and under my aunt roof so i cant go out and hang with my ex. Next day he called he was like can i go out so i was like i have to asked my aunt so i talke to my aunt and she let me go out so i went out for 2hours with him only. Guess what we went.. to his cousin wedding and i was like omfg serious his cousin wedding. Everybody was looking at me and with that weird look. I did not expect that. But anyways after he say me he fall for me. Like everyone say LOVE IN FIRST SIGHT.
    So he was so into me but i wasnt into him at all. He asked me to be hi girlfriend so many times so until the end i finally say yes to him. I was thinking to give him that chance and see how the relationship turned out. At first it was great but until the end it was like war. As me and him dated i never knew he was talking to other girls beside me i was the one that been faithful for him but he was the jerks to me th whole entire of our relationships.. So it was my birthday he took his friend along with him and asked me if i got someone for his friend and yes i do she was my best friend her name is Nicole Thao. So we did ha fun on my birthday. Idk what happen after all we took Nicole home. I guess my ex and my best friend fall for each other. They were talking behind my back. I though she was a good friend but i guess not since she fuked me over him.. So my ex n nicole they both were dating behind my back.. I found out during our 6months Anniv. Also he lied to me that he wasnt talking to any other girls until he got caught by me. I also found out that he was married once and had a tattoo on his arm which it was his x wife named he tried to lie that it was his friend that die thats why he had it on n i trusted him..After 6months spending my relationship with him he abused me and hit me until bleed. When me and him ben together for 1 years and 7month he been abused me and controll me. I decide to leave him behind and move forward afterward he told me he was sorry about everything he did to me. and i was like no matter how much u say sorry to me i wont accpeted.. all this time u been harm me and now u will say sorry and see the facted that u hurt me bull *..he begged me all the time i was like its over. He was the first x bf i ever loved the most and i also lost it to him..That how much i loved him. but he cant see the facted that i loved him and gave him the chance to be with him even though he hurt and harm me. so like i say after that one yrs an 7month i moved forward with my life. and leave him behind..

    After i left him i been single for 2years with no bf in my life right now. I have only one x bf which is him. So now and days i tried to find the right and perfect one to love me but as a same time its complicated to look for me. So i just wait and see if someone can come up to me and love me for who i am..

    Thanks you for reading this. Sorry if my english is not good.


  6. Post on "Kev Hlub Nyob Deb" in Paj lus

    By xeebpov, posted
    Nkauj npauj npaim nyob tsis muaj tsev
    Ntsib nraug seev nyob rau tog kev
    Sib hlub mus yeej tsis kav ntev
    Ntuj tsis cia mus ua nws sev
    Nraug seev tuaj sab hnub poob tuaj
    Hnov npauj npaim seev lub suab quaj
    Cas suab seev kho siab ua luaj
    Nraug seev thiaj lam lees txais nws
    Luag ntxhawb ntxhi thaum hais sib xws
    Sij hawm dhau mus lawm zuj zus
    Hais tias hlub tsuas yog lo lus
    Yog nyob nov puas muaj chaw mus
    Twb tsis paub nws puas hlub yus
    Hlub zem zuag zoo li npau suav
    Tsis muaj hmoo tau koj tes tuav
    Kev hlub kev nco ntshe yuav tso plhuav
    Hlub npaum twg los tsis tau dhuav
    Los tsis muaj hnub yus yuav tau yuav
    Thov koj khaws cia rau hauv siab
    Ua ntej koj mus nrhiav tus tshiab
    Tus neeg zoo nkauj tsuas zoo daim tawv
    Kev hlub tiag nyob hauv nruab plawv
    Tsis zoo ntsej muag nrhiav raws daim ntawv
    Thiaj hlub txog hnub mus pw tsis sawv
    Xav kom koj paub tias koj thiaj yog
    Tus kuv hlub tag kuv lub zog
    Tib tug kuv nco lawm xwb mog
    Nkauj npauj npaim yeej tsis muaj tsev
    Ntsib nraug seev nyob rau tog kev
    Sib hlub mus thiaj tsis kav ntev
    Los cim zoo cia nyob rau nruab cev
  7. "Yog Hmoov Raug Mam Hlub"
     
    Yog tim kuv los tim txoj hmoo
    Kuv niaj hnub nroo xav tau kev hlub
    Xav muaj hnub nrog luag muaj tus
    Ua cas yus ho tsis nyiam lawv
     
    Txawm li ntawv los lawv tseem hlub
    Hmoob tej tub tus me siab zoo
    Txawm yus nroo thiab hais lus phem rau nws
    Los tsis yws tseem ua siab ntev
     
    Muab txoj kev hlub yus ntau heev
    Nws tsis seev nws tsis tu siab
    Lo lus iab lus phem yus hais
    Tsis khaub cais cas nws tseem hlub
     
    Hmoob tej tub cas siab zoo ua luaj
    Es puas muaj hnub kuv xav txog lig
    Es mam tig los txais yuav koj
    Kuv mam coj txhua yam mus xav
     
    Kuv mam lav los hlub pauj koj
    Yog kuv coj mus xav zoo lawm
    Cia sij hawm rau kuv xav thiab
    Thov ua siab ntev nawb mog
     
    Vim tias yog kuv tsis tau nyiam koj
    Thiaj thov coj koj tej lus zoo
    Mus rau ncoo pw xav kom txhij
    Noog kwv tij noog niam noog txiv
     
    Mam hais ntxiv teb rau koj nawb
    Koj siab dawb kuv yeej paub zoo
    Vim txoj hmoo kuv nyiam tsis raug
    Thov ua tsaug koj txoj kev hlub
     
    Uas koj pub rau kuv nawb mog
    Hos tias yog kuv ntsib lwm tus
    Kuv tau mus ua luag nyab lawm
    Los txhob rawm tu siab nawb mog
     
    Cia mam cog txoj kev phoojywg
    Mus txog twg mam sib noog moo
    Thov txhob nroo vim kuv siab dub
    Oh mog hmoob tej tub tus neeg siab zoo.
     
    By: Xeeb Pov Lauj
    sengphro@hotmail.com
    www.txojkevhlub.tumblr.com 
  8. Post on "Tus Zoo Txiv" in Paj lus

    By xeebpov, posted
    Siab tsis dub nws hlub sawv daws
    tsis npau taws thiab tsis chim sai
    Nws paub cai thiab hwm txhua tus
     
    Txhua lo lus uas nws tau hais
    Yeej tsis cais tsis siab leej twg
    Tej phooj ywg yeej ntxhias txog
    Tias nws yog ib leej txiv zoo
     
    Nws tsis nroo tsis cem tib neeg
    Tsis toob nkeeg rau kev ua noj
    Ua tus coj tsim nws lub neej
    kom zoo tsheej muaj koob nto npe
     
    Tej txheeb ze tej kwv tej tij
    Tej yawm yij nco nws txiaj ntsig
    Txhua tus tig los mloog nws hais
    Nws tsis cais tus laus tus hluas
     
    Qhuab qhia ntuas txhua tus lub neej
    Kom txhua leej ua neej tsim txiaj
    Tsis xob txhiaj tsis twv txiaj yuam pov
    Nws tsis kov tsis haus dej caw
     
    Nws tsis ntshaw tsis nrhiav niam yau
    Muab siab rau hlub nws pojniam
    Tag ib tiam mus li ib txhis
    Neej nto ntsis tsis txob tsis txhawj
     
    Ntaus loo thawj ua tus coj kev
    Tho txoj kev rau tub ntxhais taug
    Kev nkauj nraug nws tsis nco txog
    Vim tias yog nws muaj pojniam lawm
     
    Kev txij nkawm ua siab ncaj ncees
    Tsis ua plees thiab tsis ua yi
    Tsaus ntuj nti nws tsis mus laij
    Tsis twv phaij thiab tsis loj leeb
     
    Lub siab xeeb rau kev ua noj
    Tsaus ntuj zoj nws paub los tsev
    Pab nws sev ua zaub mov noj
    Rub siab loj hlub tej tub ntxhais
     
    Ua zoo hais thiab ua zoo qhia
    Nws tsis cia tub ntxhais tu siab
    nws tsis ntiab lawv tawm hauv tsev
    Qhia txoj kev ncaj ncees rau lawv
     
    Kom kawm ntawv nrhiav txoj kev paub
    Thiaj to taub txoj kev vam meej
    Es lub neej thiaj tsis txom nyem
    Thiaj lom zem ua neej tiam no
     
    "Tus Zoo Txiv"
    Thov peb nco leej txiv txiaj ntsig
    Thov peb tig los hwm nws mog
    Vim tias yog nws ua zoo coj
    Peb thiaj loj ua neeg tsim txiaj
     
    Thiaj muaj nyiaj thiab ib puas tsav yam oh mog!!!
     
    By: Xeeb Pov Lauj
     
    Email: sengphor@hotmail.com
  9. Post on "Lub Neej Hmoob" in Paj lus

    By xeebpov, posted
    Peb yug los ua ib haiv hmoob
    Mus nyob thoob ntau lub tebchaws,
    Vim sawv daws tsis txawj sib hlub
    Kev sib ntxub thiaj muab peb cais.
     
    Yam lub zais uas muab tshuab tawg
    Ua pab pawg rau ub rau no,
    Ib txhia ho poob tebchaws zoo
    muaj txoj hmoo lawv nyob kajsiab.
     
    Tsis nco txiab txog kev txom nyem
    Nyob lom zem lawv thiaj tsis nco,
    Tias muaj ib co poob tebchaws txomnyem
    ua neej lem caum tsis cuag luag.
     
    Tub ntxhais ntsuag tsis muaj tus hlub
    Tiv tshav kub khws noj khwv haus,
    Los tsis txaus los txhawb lub neej
    mua ntau leej raug ua luag qhev.
     
    Tsis muaj tsev nrog luag tej nyob
    Muab xav tob mas tu siab heev,
    Kuv thiaj seev sau ua pajhuam
    Xav tuaj tshuam rau peb tsoom hmoob.
     
    Nyob pem roob thiab nyob nram tiaj
    Cov ua liaj nrog cov ua teb,
    Thov kom peb tig los koom siab
    Tawm Xyoo tshiab los peb sab laj.
     
    Sib pab npaj kho hmoob lub neej
    Saib puas tsheej mus zoo li luag,
    Los sib puag tuav tes sib hlub
    Tsis txhob pub luag thuam peb hmoob.
     
    Txawm peb poob rau luag teb chaws
    Los sawv daws tseem muaj sia nyob,
    Thov peb txhob tu lub siab mog
    Xav tias yog ib txoj kev kawm.
     
    Hmoov tsis sawm peb thiaj li poob
    Los peb hmoob tseem muaj kev vam,
    Los peb tham kev tsim kho dua
    Yam txoj hlua muab los sib qhaib.
     
    Ua 3 ntxaib nws yuav ruaj khov
    Yog peb rov los koom ib siab,
    Sib pab thiab txawb peb lub neej
    Thov txhua leej nyob txhua qhov chaw.
     
    Kuv caw txog peb txhua tus
    Txawm koj mus nyob sab ntuj twg,
    Me phoojywg nco tias koj yog hmoob
    Koom yawg koob ntawm ib tsev neeg.
     
    Txawm koj ntseeg yam twg los xij
    Kev kwv tij tseem zoo ib yam,
    Thov txhob lam cais tus ub tus no
    Thov tig nco txoj kev sib hlub.
     
    Es txhob pub luag hais thuam peb
    Cov nyob deb teb chaws Mekas,
    Thov nco ras tias nej yog hmoob
    Txawm nej poob rau teb chaws zoo.
     
    Muaj txoj hmoo nej muaj zoo noj
    Los thov koj nco txog cov nyob los tsuas,
    Pab cov hluas kev kawm ntaub ntawv
    Kom tias lawv thiaj muaj kev paub.
     
    Thiaj to taub txog kev vam meej
    Cov txiv neej uas muaj cuab yim,
    Thov txhob chim rau nej pojniam
    Tsis txhob tshiam mus nrhiav niam yau.
     
    Mob siab rau ua koj lub neej
    Thiaj yuav tsheej mus ua ib cuab,
    Tsis txhob muab koj tej nyiaj nkim
    Coj los tsim kho koj lub neej zoo dua.
     
    Xav kom txhua thiaj tsis yuam kev
    Ua siab ntev coj koj tsev neeg,
    Txhob toob nkeeg rau kev ua noj
    Hais rau koj tus uas ua niam.
     
    Thov txhob siam mus nrhiav txiv tshiab
    Rub koj siab kom ntev nawb mog,
    Tsis txhob nrog luag mus ua laib
    Vim tsis zoo saib rau peb haiv neeg.
     
    Cov kwv tij ntseeg tus Tswv Yexus
    Nej tau mus ntsib txoj kev zoo,
    Muaj txoj hmoo nej tau kawm paub
    Nej to taub txog kev ua neej.
     
    Kom ho tsheej muaj kev cia siab
    Thov txhob ntiab txhob thuam lwm tus,
    Xyaum Yexus txoj me kev hlub
    Uas thaum ub nws tau hais cia.
     
    Nws tau qhia kom peb sib hlub
    Es txhob pub luag thuam peb mog,
    Hos hais txog cov uas tsis ntseeg Yexus
    Nej tseem mus raws txoj kev cai qub.
     
    Txoj kev hlub nej tsis txhob cais
    Ua zoo hais yog nej tsis nkag siab,
    Thov txhob ntiab lawv tawm ntawm nej
    Vim yav tom ntej peb twb tsis paub.
     
    Tsis to taub tias yuav zoo li cas
    Ho hais ras rau cov tim nplog,
    Tsis txhob nrog luag ua kev phem
    Thov lam cem tus ub tus no.
     
    Rau siab ntso ua nej lub neej
    Thov txhua leej txhawb tub ntxhais kev kawm,
    Txhob maj rawm yuam ntxhais yuav txiv
    Thov txhob siv hmoob lub siab qub.
     
    Uas thaum ub peb hmoob coj los
    Vim tsis dhos rau neej tiam no,
    Thov nej nco txog lub neej tshiab
    Los koom siab xyaum kev ua neej.
     
    Cov txiv neej txhob mus ua laib
    Txhob twv phaib, haus yeeb haus tshuaj,
    Tsam tias muaj ib me hnub twg
    Tej phoojywg tuaj saib koj tom nkuaj.
     
    Txawm yuav quaj los kua muag tsis los
    Yuav tau tos ntev niaj ntau xyoo,
    Puas muaj txoj hmoo koj tau tawm los
    Noj qab los li yav thaum ub.
     
    Thov txhob pub hmoob zoo li ntawv
    Ua siab tawv rau kev khwv noj,
    Ua siab loj qhia tej tub ntxhais
    Ua zoo hais kom lawv tsim txiaj.
     
    Kom lawv thiaj paub hwm lwm tus
    Paub hais lus kom txhob siab leej twg,
    Cov phoojywg ib tsoom ntxhais hluas
    Kuv thov ntuas peb ib lo lus.
     
    Los peb mus nrhiav txoj kev kawm
    Txhob maj rawm yuav pojniam yuav txiv,
    Ua siab tiv txom kev txom nyem
    Tsis tau lom zem zog no los xij.
     
    Npaj kom txhij koj lub neej thiaj zoo
    Muaj txoj hmoo ob peb xyoo no,
    Peb ib co tau mus kawm qeb siab
    Txoj kev tshiab peb tau pib tho.
     
    Thov nej ho maj mam lawv qab
    Txawm nej sab thiab nej qaug zog,
    Xav tias yog ib txoj kev kawm
    Lub sijhawm thaum nej dhau mus.
     
    Yuav yoojyim zuj zus li peb zeg no
    Thaum nce nto saum roob siab lawm
    Cua yuav nplawm txias zias laj siab
    Pom ntuj tshiab pom tebchaws Vam meej
     
    Peb lub neej thiaj yuav kaj siab
    Txog xyoo tshiab peb yuav lomzem heev
    Yuav tsis seev tsis txhawj txog dab tsi
    Kev ua si yuav lom zem zuj zus
     
    oh mog ib tsoom phoojywg sawv daws
    Tsoom tub ntxhais hluas, peb yog cov uas yuav tsim kho tau peb hmoob lub neej tshiab kom zoo xws li lawm haiv neeg,
    Thov peb tsis txhob tub nkeeg rau txoj kawm nawb mog,
    Tig los nrog kuv xav thiab nrog kuv cov phoojywg peb sib tham sib txhawb txoj kev kawm. (Hmong Youth is the hope that can make differences in our Hmong People)
     
    By: Xeeb Pov Lauj
    Dedicated to: Tsoom phoojywg sawv daws, tsoom tub ntxhais hluas ib yam li kuv...
    Email: sengphor@hotmail.com
     
  10. Txog xyoo tshiab pom luag muaj khub
    Hmoob tej tub nrog luag tej ntxhais
    Noj loo tshais yuav mus pov pob
    Cas yuav mob kuv siab ua luaj
     
    Vim xav muaj ib tug nrog luag
    Coj los puag ntshe zoo siab heev
    Niaj hnub seev xav muaj tus hlub
    Muaj ib hnub kuv tau ntsib koj
     
    Tus tsis loj thiab tus tsis me
    Tus zoo de ntxim tawb ntxim hlub
    Hmoob leej tub tus hais lus zoo
    Muaj txoj hmoo wb thiaj sib ntsib
     
    Thiaj tau pib txoj kev sib hlub
    Txhua txhua hnub koj tuaj ntsib kuv
    Caij nyoog luv ib xyoos dhau mus
    Koj hais lus kuv teb luag ntxhi
     
    Nyob sib ti tsa tes sib khawm
    Li txij nkawm sib hlub sib puag
    Tham lus luag ntxhwb ntxhi tas li
    Tsaus ntuj nti pw tsis tsaug zog
     
    Vim xav txog koj wb kev hlub
    Tsis ntev hnub tsis tau ntau xyoo
    Koj txawm nroo kuv txawm pib yws
    Sib tuav qws sib ceg sib cav
     
    Tsis nco xav txog wb kev hlub
    Hnov qab hnub uas wb sib ntsib
    Lus qab zib hloov ua lus iab
    Plhu dub nciab tsis xav hais lus
     
    Kuv thiaj mus rau hauv kuv hoob
    Xav tsis thoob vim tsis to taub
    Kuv tsis paub tias vim li cas
    Zaum no mas nyuaj siab kawg li
     
    Tsis paub ntxhi hais qhia leej twg
    Kuv phooj ywg thiaj nplig kuv siab
    Tawm hnub tshiab kuv mus ua si
    Kuv thiaj li ntsib dua ib tug
     
    Cev ntaj ntsug zoo tau ntxim hlub
    Kuv siab dub thiaj tso koj cia
    Kuv txoj sia thiaj muab rau luag
    Raug lawv puag mus ua lawv nyab
     
    Nyob xyiv fab mus tau ib ntus
    Ntev zuj zus kuv thiaj mam paub
    Tias yawg thaub uas yuav kuv ntawv
    Lub siab tawv thiab phem heev li
     
    Lus luag ntxhi tsis hnov ib los
    Lo lus mos yeej tsis muaj li
    Tsaus ntuj nti ua neej lwj siab
    Tawm xyoo tshiab tsis muaj suab luag
     
    Los kua muag tas hnub tas hmo
    Sij hawm no mam xav txog koj
    Mam nco zoj koj tej lus zoo
    Niaj hnub nroo khuv xim koj heev
     
    Niaj hnub seev vim nco koj tiag
    Cas ib pliag zoo li no lawm
    Yog sij hawm tig rov qab tau
    Yuav thov sau lub neej rau koj
     
    Ua siab loj tsis ua siab luv
    Mam li uv ua lub siab ntev
    Ua koj sev mus tag ib sim
    Cas yuav chim kuv siab ua luaj
     
    Vim tsis muaj hnub tig tau rov qab los hlub koj ntxiv li lawm oh
    Bye: Xeeb Pov Lau
    sengphor@hotmail.com
  11. Post on "Tus Zoo Txiv" in Paj lus

    By xeebpov, posted
    "Tus Zoo Txiv"
     
    Tus txiv zoo muaj nqes tshaj kub
    Siab tsis dub nws hlub sawv daws
    tsis npau taws thiab tsis chim sai
    Nws paub cai thiab hwm txhua tus
     
    Txhua lo lus uas nws tau hais
    Yeej tsis cais tsis siab leej twg
    Tej phooj ywg yeej qhuas ntxhias txog
    Tias nws yog ib leej txiv zoo
     
    Nws tsis nroo tsis cem tib neeg
    Tsis toob nkeeg rau kev ua noj
    Ua tus coj tsim nws lub neej
    kom zoo tsheej muaj koob nto npe
     
    Tej txheeb ze tej kwv tej tij
    Tej yawm yij nco nws txiaj ntsig
    Txhua tus tig los mloog nws hais
    Nws tsis cais tus laus tus hluas
     
    Qhuab qhia ntuas txhua tus lub neej
    Kom txhua leej ua neej tsim txiaj
    Tsis xob txhiaj tsis twv txiaj yuam pov
    Nws tsis kov tsis haus dej caw
     
    Nws tsis ntshaw tsis nrhiav niam yau
    Muab siab rau hlub nws pojniam
    Tag ib tiam mus li ib txhis
    Neej nto ntsis tsis txob tsis txhawj
     
    Ntaus loo thawj ua tus coj kev
    Tho txoj kev rau tub ntxhais taug
    Kev nkauj nraug nws tsis nco txog
    Vim tias yog nws muaj pojniam lawm
     
    Kev txij nkawm ua siab ncaj ncees
    Tsis ua plees thiab tsis ua yi
    Tsaus ntuj nti nws tsis mus laij
    Tsis twv phaij thiab tsis loj leeb
     
    Lub siab xeeb rau kev ua noj
    Tsaus ntuj zoj nws paub los tsev
    Pab nws sev ua zaub mov noj
    Rub siab loj hlub tej tub ntxhais
     
    Ua zoo hais thiab ua zoo qhia
    Nws tsis cia tub ntxhais tu siab
    nws tsis ntiab lawv tawm hauv tsev
    Qhia txoj kev ncaj ncees rau lawv
     
    Kom kawm ntawv nrhiav txoj kev paub
    Thiaj to taub txoj kev vam meej
    Es lub neej thiaj tsis txom nyem
    Thiaj lom zem ua neej tiam no
     
    Thov peb nco leej txiv txiaj ntsig
    Thov peb tig los hwm nws mog
    Vim tias yog nws ua zoo coj
    Peb thiaj loj ua neeg tsim txiaj
     
    Thiaj muaj nyiaj thiab ib puas tsav yam oh mog!!!
     
    By: Xeeb Pov Lauj
     
    Email: sengphor@hotmail.com
  12. “Thaum luag tsis hlub rov los kuv tseem tos”
     
    Me leej muam tus neeg kuv hlub
    Hmoob leej tub zoo li kuv no
    Txawm koj ho tsis xav los hlub
    Tsis xav pub koj me nplooj siab.
     
    Lo lus iab koj muab rau kuv
    Kuv yuav uv vim kuv paub tias
    Koj raug ntxias mus hlub nrog luag
    Kuv kua muag thiaj li tau ntws.
     
    Nplooj siab ntsws nyob quaj duj dhi
    Tsaus ntuj nti pw tsis tsaug zog
    Vim xav txog koj lub ntsej muag
    Txawm tias luag yuav koj lawm los.
     
    Kuv tseem tos tseem hlub tshua koj
    Kev hlub koj uas kuv tau muaj
    Kev hlub ruaj uas kuv tau cog
    Uas tau nrog koj hais cia tseg.
     
    Yuav ruaj ntseg mus li ib txhis
    Kuv tsis chis qhov uas koj mus
    Ua luag tus nyob luag xub ntiag
    Mus puag kiag luag lub hauv siab.
     
    Txawm li thiab kuv tsis ntxub koj
    Vim kuv soj ntsuam paub koj zoo
    Kuv tsis nroo qhov uas koj khiav
    Vim kuv txiav koj kev tsis tau.
     
    Koj thiaj dhau mus nrog luag lawm
    Lub sij hawm dhau ntev zuj zus
    Koj muaj tus los kuv tseem tos
    Rov qab los yog luag tsis hlub.
     
    Hmoob leej tub tseem nyob tos koj
    Ua siab loj rub siab ntev tos
    Yog koj los kuv tseem yuav hlub
    Yuav tsis pub koj kua mog ntws.
     
    Mam li plhws so koj kua muag
    Tsis pub luag tsim txom koj ntxiv
    Mam ua txiv hlub koj me nyuam
    Es yuav hlub koj mus li ib txhis oh mog me leej muam tus neeg kuv hlub aw!!!!
    By: Xeeb Pov Lauj
  13. Post on Niam Txiv Sib Ncauj in Paj lus

    By xeebpov, posted
    "Niam Txiv Sib Nrauj"
     
     
    Kuv thov sau ua lus pajhuam
    Xav mus tshuam rau cov niam txiv sib nrauj
    Thaum hluas nkauj niaj hnub hu tham
    Txog tsheej tsam tsis nco tsaug zog
     
    Sib tham txog txoj kev sib hlub
    Tham txhua hnub tsis paub dhuav li
    Tham luag ntxhi tias kuv hlub koj
    Kev hlub loj ib hnub zuj zus
     
    Yuav hlub mus kom txog hnub tuag
    Nkawv sib puag thiaj tau cov lus
    Yuav sib pus kom txog hnub kawg
    Yuav sib qawg sib hlub mus li
     
    Nkawv sib ntxhi sib tham luag nyav
    Nkawv thiaj xav txog kev sib yuav
    Los siv tuav tsim kho lub neej
    Kom nkawv tsheej mus ua ib yim
     
    Nkawv sib phim sib hlub sib pab
    Me nkauj nyab hais lus luag ntxhi
    Nyob sib ti tsa tes sib khawm
    Txhuaj sij hawm nyob ua ib ke
     
    Nyob sib ze txhua hnub txhua hmo
    Hlub tag nrho tsis muaj kev chim
    Mus ib sim kev hlub ruaj khov
    Sib puv mov sib nwj sib hnia
     
    Nyob sib ntsia sib hlub kawg li
    Tau ntau hli mus ua ntau xyoo
    Niam txawm nroo txiv txawm pib yws
    Sib tuav qws sib ceg sib cav
     
    Tsis nco xav txog nkawv kev hlub
    Uas thaum ub nkawv tau cog lus
    Yuav hlub mus kom txog hnub tuag
    Kev sib puag sib hlub sib hnia
     
    Lus cog cia nkawv tsis nco txog
    Thiaj sib tog sib ceg sib ntaus
    Lub neej xaus rau kev sib ncauj
    Vim lub ncauj tsis txawj sib yoog
     
    Tsis xyaum mloog lus qhuab qhia ntuas
    Neej thiaj puas mus zoo li no
    Thov tig hlo los pib neej tshiab
    Hloov dua siab xyaum ua neeg zoo
     
    Tsis txhob nroo tseem tsis tau lig
    Cia li tig rov los sib hlub
    Tsis txhob pub me tub me ntxhais
    Raug luag cais rau ub rau no
     
    Tig los kho neb lub neej dua
    Thov hlub tshua txog tej me nyuam
    Tsis txhob yuam tseg lawv tu siab
    Mus thawj thiab nrog lwm tus nyob
     
    Lawv twb hlob tiav niam txiv lawm
    Txog sij hawm neb yuav thim xav
    Rov los kav qhuab qhia lawv mog
    Vim lawv yog neb ob tug yug
     
    Tsis txhob nrug khiav deb ntawm lawv oh mog
    Txawm hais tias neb tsis hlub los thov xav txog
    Cov me tub me nyuam es los hlub lawv oh mog
     
     
    By: Xeeb Pov  Lauj
    Dedicated: All my  beloved friends
  14. “Ntseeg tus kheej pib dua tshiab”


     
    Ntseeg tus kheej pib dua neej tshiab

    Mob lub siab vim raug koj dag

    Ntseeg koj tag ntau dhau lawm os

    Koj tsuas los dag ntxias kuv xwb


     
    Es koj twb tsis muaj siab tiag

    Koj tau kiag kuv txoj kev hlub

    Txawm pib ntxub kuv txij hnub ntawv

    Nploojsiab plawv hloov kiag tag nrho


     
    Sim neej no vim ntseeg koj dhau

    Kuv thiaj tau poob lub kua muag

    Quaj tshuav tuag tsis muaj neeg hlub


     
    Hmoob leej tub cas koj siab phem ua luaj

    Ntshe tsis muaj tshuaj yuav kho tau

    Mob siab dhau mam ua ib siab

    Pib neej tshiab mam ntseeg tus kheej


     
    Tsim lub neej kom zoo dua koj

    Mam tuaj soj saib koj lub neej

    Saib puas tsheej puas muaj cuab yig

    Koj mam tig los ces lig lawm


     
    Lub sijhawm twb tau dhau mus

    Kuv muaj tus zoo dua koj lawm

    Muaj txij nkawm tus neeg tsis dag

    Thaum koj mag koj mam li paub


     
    Mam to taub txog kev siab dub

    Uas thaum ub koj tau dag kuv

    Ntshe hnub ntawv yuav lig rau koj heev li lawm os hmoob aw!!!


     
  15. “Lub Neej Ntsuag Caum Tsis Cuag Luag”
    Lub neej ntsuag ua neej yeej caum tsis cuag luag
    Ua lub neej siv siv zog khwv los haj tseem pluag
    Yuav mus thov leej twg pab los so yus lub kua muag
    Ntshe ua neej nyob yuav tu siab mus txog hnub tuag
    Ua neej nyob tsis muaj leej twg pab txhawb lub neej
    Ntshe yuav mus nyob tom hav zoov ua neeg twm zeej
    Mam li ua ib siab mus ua yus lub neej ntawm tus kheej
    Saib yus txoj kev ntshaw puas muaj hnub ua lub neej tsheej
    Txoj kev ua ntsuag yog yam uas tu siab heev li
    Ua lub neej ces yuav nyob tsaus ntuj li nti
    Yam li tauv huab dub los roos kiag lub hli
    Ua neej nyob tsis muaj hnub yuav luag li ntxhi
    Puas yuav maj leej twg paub thiab nkag siab txog
    Ua neej nyob zoo li no puas yuav tsim nyog
    Puas yuav muaj leej twg los pab txhawb lub zog
    Thaum muaj neeg cem puas muaj leejtwg pab tuaj yus tog
    Xav kom ua neej nyob es txhob muaj txoj kev tuag
    Muaj niam muaj txiv los pab so yus lub kua muag
    Ntshe yuav ua neej yuav tsis muaj hnub ntshaw luag
    Ua neej thiaj yuav tsis muaj hnub tau ua ntsuag
    Neej ntsuag nos li kuv no luag tej ntxhais puas yuav nyiam
    Puas yuav muaj ib hnub yuav tau nrog luag muaj pojniam
    Yog muaj ib hnub tau nyab lawm puas muaj leejtwg pab tiam
    Vim ua neej nyob tiam no twb tsis nrog luag muaj niam
    Ua neej ntsuag xwb ces luag tej yeej ua saib tsis taus
    Es xyov yuav ua li cas thiaj ua lub neej mus txog hnub laus
    Ib lub xyoo tshiab tsis muaj leej twg tuaj hu yus mus noj mus haus
    Yus yog neeg txom nyem ua zoo npaum li cas los yeej tsis txaus
    Ib txoj hau kev lawm xwb uas tub ntsuag yuav tau ua
    Nws yog txoj kev kawm kom paub txhij paub txhua
    Saib puas muaj hnub txoj kev nyuaj siab no ho dua
    Txoj kev nyuaj siab no puas yuav dhau mus yam ntwg cua
    Thiaj ua siab kawm txawm txom nyem npaum cas los xij
    Mam ua siab ntev kawm kom kuv no ho paub txhij
    Muaj ib hnub yus tus kheej thiaj li yuav tshaj lij
    Thaum ntawv yus lub neej thiaj li yuav npaj txhij
    By: Xeeb Pov Lauj
  16. “Mus Zoo Koj Mog”
    Mus zoo koj mog tus kuv hlub
    Txawm kuv rub los koj tsis nyob
    Txawm yuav mob kuv siab npaum cas
    Siab lwj tas los koj tsis rov
    Txawm yuav nqov quaj los kua muag
    Ntsej koj tseem luag yuav nrog luag mus
    Kuv tej lus yeej tsis muaj nqes
    Zaum no ces yuav tau ua ib siab
    Hloov siab tshiab ua ib siab tso
    Koj mus no sib sib hlub nawb
    Ua siab dawb luag thiaj xav hlub
    Txhob siab dub tsam luag tsis nyiam
    Koj mus tiam luag tsev neeg kom zoo
    Tsis txhob nroo ua siab ntev uv
    Txhob siab luv tsam luag ho ntxub
    Maj mam rub lub siab kom ntev
    Ua luag sev yuav tau mloog lus
    Rub siab tus tsim koj lub neej
    Thiaj li tsheej muab koob nto npe
    Tej txheeb ze thiaj muaj chaw vam
    Tsis txhob lam ua neeg zais siab
    Tsam luag ntiab luag tsis xav hlub
    Txhob siab dub li koj ua rau kuv
    Txhob siab luv li kuv tau pom
    Es thov kom koj tsuas muaj zoo
    Tim txoj moo thiaj tsis sib tau
    Nco koj dhau mam ua siab uv
    Nyob ntawm kuv koj tsis txhob txhawj es rau siab mus ua koj lub neej nawb mog…
    By: Xeeb Pov Lauj
  17. “Ua Siab Mus Raws Koj Niam Kev Ntshaw”


     
    Ua ib siab mus hlub nrog luag

    Thiaj caum cuag koj niam kev ntshaw

    Xav muaj saw nyiaj saw kub coj

    Kev hlub loj twb tsis npaum nyiaj


     
    Koj niam thiaj muab koj rau luag

    Yam li muag tej tsiaj tej txhu

    Cas yuav tu kuv siab ua luaj

    Nyiaj tsis muaj yuav tsis tau koj


     
    Kev hlub ploj vim kuv no puag

    So kua muag ntsia koj mus

    Ua siab tus mus hlub luag nawb

    Ua siab dawb luag thiaj xav hlub


     
    Tsis txhob pub luag tu siab mog

    Koj mus txog luag vaj luag tsev

    Ua siab ntev mus ua luag nyab

    Pw luag npab nyob luag xub ntiag


     
    Cia li ntsiag tsis txhob quaj lawm

    Lub sijhawm twb yuav los txog

    Ua siab mog kuv me nkauj hmoob

    Tsis ntev hnoob luag twg yuav tuaj


     
    Tsis txhob quaj koj thiaj zoo nkauj


     

     
    Mus hlub pauj koj niam kev ntshaw

    Thiaj muaj saw kub rau niam coj.

    Ua siab loj mus hlub luag mog

     
     
     
     
     

    Vim tias yog wb hmoov tsis raug

    Kev nkauj raug zoo ua luaj no

    Thiaj sib tso vim kuv no pluag.

     
     
     
     
     

    Ua tub ntsuag neeg saib tsis taus

    Vim tej laus lawv tsis pom zoo

    Txawm yuav nroo yuav quaj npaum twg

    Ntxeev tiaj khwb rwg los tig tsis tau.

     
     
     
     
     

    Hlub koj dhau xyov yuav ua cas

    Cia yav tas ua kev npau suav

    Es mam tuav wb kev phoojywg

    Mus txog twg mam sib noog moo

     
     
     
     
     

    Koj mus zoo lawm ces kav liam

    Yog neej piam luag tsis xav hlub

    Hmoob leejtub tseem nyob no tos

    Koj rov los kuv haj tseem hlub os me nkauj moob tus neeg zoo…

     
     
     
     
     

    By: Xeeb Pov Lauj

     
     
     
     
     

     
     
     
     
     

     

     
     
     
     
     
     
     
     
  18. “Nyob Los Mob Tso Los Nco”


     
    Xyov yuav ua tiag nyob los yuav ua siab tso

    Nyob los yuav mob tso los yuav nco

    Cas yuav lwj siab ua luaj li no

    Ntshe yuav ua qhev tsis muaj hnub tau so


     
    Cas yuav qaug hlub tau nrog tus neeg siab phem

    Niaj hnub khwv los rau koj noj los tseem mag koj cem

    Kuv ua txhua yam kom zoo los tsuas muaj raug koj rhuav tshem

    Ua neej nyob lwj siab dhi tsis muaj kev lom zem


     
    Cas yuav qaug hlub tau nrog tus neeg siab dub

    Yeej tsis muaj ib hnub uas yuav tau koj txoj kev hlub

    Ua neej nrog koj ces zoo li niaj hnub tiv tshav kub

    Nyob tsaus ntuj nti tsuas muaj los kua muag txhua hnub


     
    Xav tias ua ib siab es muab koj tso kiag

    Los lub siab yeej tsis kam li thiab tiag

    Xav kom lub neej no nyob zoo li ib pliag

    Ntshe lub me suab quaj twb yuav txawj ntsiag


     
    Tsis xav pub dab laug lawv tu siab rau lawv tej muam

    Ua siab ntev nyob los vim muaj wb tej me nyuam

    Tsis xav cia wb tej tub ntxhais raug luag thuam

    Es lawv thiaj li tsis muaj hnub raug luag quab yuam


     
    Lam ua neej nrog koj nyob tsaus ntuj li nti

    Yeej tsis muaj ib hnub uas yuav nyob luag ntxhi

    Xyov yuav ua cas siab ntev nyob mus tas li

    Nyuaj siab dhau tsis paub xyov yuav ua dabtsi


     
    Thaum chim ces koj muab txhua yam tsoo pov tseg

    Lawv tuaj hais los zoo li koj twb tsis muaj pob ntseg

    Ces sawv daws lam nrog koj nyob ua* leg

    Vim tsis xav muab lub neej no rhuav pov tseg


     
    Puas muaj hnub koj tig los ua neeg zoo

    Los nrog peb tsim lub neej kom nto moo

    Los ua tus duab roos peb yam li tsob ntoo

    Saib lub neej no puas yuav muaj hnub zoo


     
    Os me koj txiv tus neeg kuv hlub aw!!!


     
    By: Xeeb Pov Lauj

  19. “Ciaj Tuag Yuav Nrog Koj Mus”


     
    Koj hais tias koj hlub kuv tiag

    Kom muab kiag kev hlub rau koj

    Koj mam coj kuv nrog koj mus

    Koj tej lus hais tau muaj kuab


     
    Kuv thiaj muab tag nrho rau koj

    Mam xav zoj tias tsam koj dag

    Hlub kiag tag koj pib hloov siab

    Txog xyoo tshiab koj lub siab hloov


     
    Tsis nco ntsoov koj tej me lus

    Thaum wb mus ua si ob leeg

    Koj kom ntseeg tias koj hais tiag

    Koj hais kiag tias hlub kuv ib leeg


     
    Kuv thiaj ntseeg koj txij hnub ntawv

    Siab tawv qhawv rau wb kev hlub

    Kuv thiaj pub txhua yam rau koj

    Rub siab loj ntseeg tias yuav zoo


     
    Tsis muaj hmoo hlub tau neeg siab dub

    Hmoob leej tub tus neeg siab phem

    Koj yuav tshem kuv li no tsis tau

    Koj phem ntau ces kuv tuag kiag


     
    Hais tiag tiag kuv yeej tsis dag

    Vim kuv mag koj dag tau lawm

    Lub sijhawm twb tig tsis tau

    Kuv yuav sau los lawv koj qab


     
    Ua koj nyab yuav caum koj mus

    Vim txhua tus twb paub tas lawm

    Lub sijhawm twb tau dhau mus

    Txhua leej txhua tus lawv twb paub txhij


     
    Tej kwv tij neej tsa paub tag

    Yog koj dag ces kuv tuag kiag xwb

    Koj kuv wb txoj kev hlub no

    Txawm koj tso los kuv yuav tuav


     
    Tsis pub rhuav mus txog hnub tuag

    Kuv txaj muag yog tsis tau koj

    Yog kuv ploj tuag koj thiaj dim

    Es txhob chim vim koj yeej tau ua lawm os me nplooj siab tus neeg kuv hlub a!!!


     

     

     
  20. “Hlub Ib Vuag”

    Wb sib hlub los tau ib ntus

    Wb txawm mus tsis tau ua ke

    Nyob sib ze twb tsis tau dhuav

    Kho siab khuav yuav tau sib tso


     
    Ntshe zaum no nyias yuav mus nyias

    Kuv tsis ntxias koj los tsis dag

    Sib hlub tag los yeej txaus siab

    Yeej tsis iab siab rau koj li


     
    Yeej luag ntxhi qhov tau paub koj

    Rub siab loj nawb mog tus hlub

    Muaj ib hnub tau sib ntsib dua

    Mam sib tshua li kev phoojywg


     
    Mus txog twg mam li noog moo

    Yog muaj hmoo tau nyob sib ze

    Yog muaj nuj nqe yuav thov txog koj

    Kev hlub loj uas wb pib cia


     
    Thiaj muaj sia nyob mus ib txhis

    Es txhob chis kev hlub dhau los

    Es txhob tos ua ib siab nawb

    Koj siab dawb kuv yeej paub zoo


     
    Muaj txoj hmoo kuv thiaj paub koj

    Koj siab loj thiab zoo tag nrho

    Txawm koj ho mus yuav txiv lawm

    Kuv mus kawm mam nrhiav dua tshiab


     
    Txog xyoo tshiab yeej yuav muaj tus

    Es koj mus no ua zoo saib

    Pub luag qaib mus cheb luag tsev

    Ua siab ntev thiaj tau neej zoo


     
    Tsis txhob nroo luag thiaj li nyiam

    Ua zoo niam luag thiaj xav hlub

    Tsis txhob pub luag tu siab nawb

    Ua siab dawb thiab ua siab ncaj


     
    Es mus npaj koj lub neej mog

    Txhob xav txog yav tas dhau los

    Koj mus los kuv yeej zoo siab

    Vim koj tau ib tug zoo txiv lawm os me nkauj hmoob….


     

     By: Xeeb Pov Lauj
  21. “Lub Neej Ntiaj Teb”

    Ua neej nyob rau lub ntiaj teb

    Txawm tias peb yuav pluag los muaj

    Txawm yuav quaj los nyob luag ntxhi

    Ua dabtsi tsuas kav ib ntus xwb


     
    Koj kuv wb yuav rov ua av

    Yeej tsis kav mus ib txhis li

    Tej txuj ci uas peb kawm tau

    Yeej yuav dhau yuav rov ploj mus


     
    Peb txhua tus yeej zoo ib yam

    Tsis yog lam yuav hais ua si

    Ntuj tsaus nti sij hawm tsis tos

    Yeej yuav los muaj ib hnub kawg


     
    Sij hawm tsawg nyob tsis tau dhuav

    Cas yus yuav txawj laus lawm tiag

    Nyob ib pliag pom tsis tau txhua

    Txawm yuav dua yus lub neej lawm


     
    Lub sijhawm no nres tsis tau

    Txawm siv dhau ntau niaj ntau xyoo

    Yog muaj hmoo thiaj nyob tau ntev

    Yam txoj kev uas taug ib vuag


     
    Ces yuav tuag ncaim lub ntiaj teb

    Koj kuv peb zoo ib yam nkaus

    Txawm tus laus tus hluas ib yam

    Muaj ib yam peb khiav tsis dhau


     
    Txhua tus yuav tau mus txoj kev ntawv

    Ntuj os lawv cas luv ua luaj

    Txhua yam muaj raws lub sij hawm

    Muaj caij kawm thiab muaj caij so


     
    Muaj caij no thiab muaj caij sov

    Muaj caij rov rau txhua txhua tug

    Muaj caij yug thiab muaj caij tuag

    Nyob ib vuag twb tsis tau dhuav


     
    Thov peb tuav txoj sia kom zoo

    Kom ntau xyoo peb tau ua neej

    Ua kom tsheej muaj koob nto npe

    Nyob ua ke sib sib hlub nawb


     
    Ua siab dawb rau txhua txhua tus

    Es txawm yus yuav tau ncaim lawm

    Txhua sijhawm lawv thiaj nco yus

    Tsis txhob mus xyaum ua neeg phem


     
    Txhob lam cem tus ub tus no

    Vim tiam no ua neej ib zaug

    Sawv daws taug ib txoj kev xwb

    Koj kuv wb tsis txhob sib ntxub


     
    Nyob sib hlub noj los sib faib

    Txhob ua laib tsam raug luag ntes

    Thaum ntawv ces yuav nyob nkuaj tsaus

    Ces yuav laus tsis muaj qab hau


     
    Peb yuav tau ua neeg tsim txiaj

    Es peb thiaj muaj koob nto npe

    Tej txheeb ze thiaj muaj chaw vam

    Tsis txhob lam tub sab tub nyiag


     
    Luag ntev kiag ces yuav raug txim

    Yuav tsis dim mus txog hnub laus

    Txhob sib ntau thiab sib tua nawb

    Ua siab dawb es peb sib hlub


     
    Es cia peb ua lub neej nyob ib vuag hauv lub ntiaj teb no puv npo txoj me kev hlub saib puas tsim nyog  thiab lomzem os mog ib tsoom phoojywg aw…


     

     
    By: Xeeb Pov Lauj
    sengphor@hotmail.com
  22. “Vim Koj Dag”

    Vim koj dag kuv thiaj li quaj

    Koj lam tuaj dag kuv ua si

    Lam luag ntxhi rau kuv ib vuag

    Koj lam puag kom kuv zoo siab


     
    Tawm xyoo tshiab koj twb muaj tus

    Koj tej lus uas hais rau kuv

    Yam tus thuv uas twb kub tag

    Kuv tsuas mag koj ua nkaus xwb

    Ces nkauj xwb muab tag rau koj


     
    Kev hlub loj tshaj kuv tsis muaj

    Txhua hmo koj tuaj kuv tsis pub koj tiv no

    Hlub tag nrho hauv kuv lub plawv

    Ua siab tawv ntseeg koj tag nrho

    Tiam neej no yuav hlub koj xwb


     
    Koj kuv wb txoj kev sib hlub

    Tsuas muaj hnub nws loj zuj zus

    Koj hais lus ntxim ntseeg heev li

    Kuv thiaj li tau ua txhua yam


     
    Kuv thiaj kam swb txoj kev hlub

    Xav tias pub txhua yam rau koj

    Rub siab loj tias koj hlub tiag

    Hlub ib pliag twb tsis tau dhuav


     
    Tau hmo puav tsis pom koj tuaj

    Kuv mas quaj nco txog koj heev

    Nplooj siab seev nco koj tas li

    Tsaus ntuj nti kuv tsis tsaug zog


     
    Vim xav txog koj ib leeg xwb

    Es kuv twb tsis muaj leejtwg

    Tej phoojywg los tsis npaum koj

    Rub siab loj ua siab ntev tos


     
    Nyob hauv zos hluas nraug tuaj tham

    Kuv tsis kam vim hlub koj ib leeg

    Kuv mas ntseeg koj tag nrho li

    Tsis ntau hli koj pib hloov siab


     
    Tawm xyoo tshiab koj muaj lwm tus

    Ntev zuj zus tsis pom koj tuaj

    Txawm kuv quaj los koj tsis quav ntsej

    Hnov luag tej tias koj yuav pojniam lawm


     
    Lub sijhawm dhau mus ntev loo

    Thiaj hnov moo tias yeej muaj tiag

    Koj yuav kiag luag tso kuv nyob

    Txawm yuav mob lub siab npaum cas


     
    Los twb tas yuav rov tsis tau

    Chim siab dhau tsis paub ua cas

    Zaum no mas ntshe kuv kawg tuag

    Los kua muag yeej tsis tu li


     
    Siab quaj dhi vim raug koj dag

    Kev hlub tag nws tsis muaj nqes

    Ntawm koj ces ua neej luag ntxhi

    Kuv ces ua neej tsaus nti xwb os me nraug hmoob siab dub a…


     

     
  23. am here for a nice person who is honest,caring,lovely and understanding
  24. “Nyiaj Yog Kev Hlub”


     
    Txheej nim no kev hlub yog nyiaj

    Tsis yog liaj thiab teb dav dav

    Yog los pav tsis yog xaus nas

    Muaj nyiaj tas yog muaj kev hlub


     
    Coj saw kub thiaj muaj neeg nyiam

    Txawm tus liam los tsuav muaj nyiaj

    Hluas nkauj thiaj li yuav kam tham

    Ua txhua yam los yeej ua tau


     
    Muaj nyiaj ntau ces muaj neeg hlub

    Tsuas tsis pub nyiaj siv tu qab

    Ces nkauj nyab yeej tsis laj nrhiav

    Tsis yog lam piav nws yeej muaj tiag


     
    Muaj nyiaj kuv phem yuav tau txhua yam

    Txawm tsis kam los nyiaj yuam tau

    Ntshaw nyiaj dhau thiaj yuav nraug laus

    Muaj nyiaj txaus ces yeej kam tag


     
    Ntau leej mag nyiaj los yuav tau

    Thiaj ua rau ntau leej los kua muag

    Ntau leej tuag rau txoj kev hlub

    Vim nyiaj kub tau los rhuav tshem


     
    Tus txom nyem thiaj li quaj ntsuag

    Los kua muag vim hluas nkauj tso

    Tu siab nrho vim kev txom nyem

    Nyiaj thiaj tshem tau txoj kev hlub


     
    Thiaj li rub tsis tau koj nyob

    Kev hlub hlob loj npaum li cas

    Muaj nyiaj mas yeej muaj zog dua

    Txawm hlub tshua npaum li cas los


     
    Koj tsis los vim nyiaj nkaus xwb

    Koj kuv wb txoj kev hlub no

    Koj muab tso yam tsis muaj nqes

    Ntawm kuv ces mam ua ib siab


     
    Kua muag iab mam ua siab so

    Txij li no koj yog luag tus

    Cia koj mus raws koj txoj kev ntshaw

    Thiaj muaj saw kub nrog luag coj


     
    Ua siab loj mus hlub nrog nyiaj

    Es koj thiaj li yuav zoo siab os mog

    Txhob xav txog tus neeg txom nyem

    Luag thiaj tsis cem koj os mog me nkauj hmoob….


     
  25. “Cov Hluas Tiam No”

    Neej tiam no txawv lawm ntau heev

    Neeg tsuas seev txog nyiaj lawm xwb

    Neeg lub hlwb tau hloov lawm ntau

    Tsis mob siab rau txog  txoj kev kawm


     
    Es ho tawm mus ua dag zog

    Tsis xav txog lub neej tsim txiaj

    Xav tau nyiaj ces ua tub sab

    Nyob lab lab ho tsis xav khwv


     
    Ho mus twv txiaj thiab yuam pov

    Nrog luag kov haus yeeb haus tshuaj

    Mag kaw nkuaj los yeej tsis yeem

    Muaj ib feem ua dog ua dig


     
    Nrog luag ncig mus tsheej tag hmo

    Muaj ib co tseem mus sib ntaus

    Tseem mus haus dej thiab haus cawv

    Ua rau lawv feeb tsis meej pem


     
    Pojniam cem haj tseem yuav  ntaus

    Cem cov laus uas tuaj qhuab qhia

    Yeej tsis cia luag hais ib los

    Nws tsuas tos nyob noj nkaus xwb

    Los nws twb tsis nco txiaj ntsig

    Tseem xuas nrig los ntaus pojniam

    Nws ua liam thiab ua pheem heev

    Nws yeej ceev tsis tau lub siab


     
    Lo lus iab mas hnov tas li

    Tsaus ntuj nti ua neej nrog nws

    Yam lub lws uas twb yuav lwj

    Yam lub rwj uas twb yuav paim


     
    Ua neeg tsiv tsaim thiab neeg khib dwb

    Cov nkauj xwb nej ua zoo saib

    Tsam nej daib cov zoo li no

    Ces nej ho yuav nyuaj siab heev


     
    Nej yuav seev txog kev khuv xim

    Nrhiav tswv yim xaiv kom zoo zoo

    Saib ntau xyoo mam  li mus yuav

    Thiaj tsis dhuav txoj kev ua neej

    Thiaj li tsheej muaj koob nto npe os mog ib tsoom phoojywg….