Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

xeebpov

Members
  • Content count

    17
  • Joined

  • Last visited


Community Reputation

0 Neutral

About xeebpov

  • Rank
    New Member

xeebpov's Activity

  1. xeebpov added a topic in Ntawv Hmoob   

    "Neeg Npluanuj Thaum muaj 25 xyoos"
    Tus no npluanuj thaum nws muaj 25 xyoos: มหาเศรษฐีเงินล้าน Bitcoin อายุ 25 ปีออกเที่ยวรอบโลก และกลายเป็นผู้สนับสนุน Bitcoin
    https://siamblockchain.com/2017/08/23/25-year-old-bitcoin-millionaire-travels-the-world-becomes-bitcoin-booster/
    • 0 replies
    • 102 views
  2. xeebpov added a post in a topic "Pauv Nyiaj Online"Trading"   

    Yes I am working full time in International Development and at the same time still completing my Master in Public Health. While I am skillful on Information Technology, I am spending my part time to do some trading (Exchange like by and sell) earning additional income is much better than those people who sit down relax and play on their phones plus loosing money for data surfing. 
    In addition, I think working alone, it will never make you rich unless you also spend your time wisely to also look for business opportunities.  Look at the news below, if you are no upgrading yourself into technology you will not be able to catch up with the world's development.
    https://www.cryptocoinsnews.com/china-to-use-the-blockchain-to-send-invoices-and-collect-taxes/
    • 0
  3. xeebpov added a topic in General Discussion ( Tham Txhua Yam )   

    "Pauv Nyiaj Online"Trading"
    Hnub no kuv los xyaum trade (exchange online) tom qab xyaum trade los tau 1 hlis, hnub no yog hnub uas kuv trade tau ntau tshaj plaws uas tau tag nrho yog: $140/2 hours trading.
    https://bx.in.th/ref/pzB67g/
     
    • 2 replies
    • 161 views
  4. xeebpov added a topic in Paj lus   

    Sib Hlub Tsis Sib Tau
    Wb sib paub los tau ntau xyoo
    Tsis muaj hmoo thiaj tsis sib tau
    Nco koj dhau xyov yuav ua cas
    Tiam no mas yuav tu siab heev
     
    nplooj siab seev ntsia ntsoov pem toj
    xav hu koj tuaj coj kiag kuv
    ua siab uv ib hnub dhau hmo
    niaj hnub nco los hais tsis tau
     
    mob siab dhau vim tsis tau koj
    kev hlub loj ua luaj li no
    tseem sib tso kuv mus rau luag
    los kua muag txhua hnub txhua hmo
     
    tav li no los tseem pheej nroo
    xav txog xyoo uas wb ua ke
    nyob sib ze kuv tuav koj tes
    nyob sib zes sib tham ua si
     
     
    tham luag ntxhi tsis nco nyuaj siab
    sib tham thiab sib tawb sib khawm
    txhua sij hawm lom zem kawg li
    kev ua si txhua yam lom zem
     
    koj tsis cem thaum kuv ua txhaum
    wb sib haum sib nkag siab zoo
    koj tsis nroo thaum tsis nkag siab
    koj tsis ntiab thaum tsis sib haum
     
    mus txog thaum lawv tuaj hais kuv
    sij hawm luv kuv zam tsis dhau
    ces thiaj tau poob mus rau luag
    kuv xav tuag los tuag tsis taus
     
    vim cov laus yug tau kuv los
    lawv tos tos kuv los hlub lawv
    thiaj tsis tawv lawv li lus hais
    ua siab tais mus hlub nrog luag.
     
    los kua muag txhua hnub txhua hmo
    vim kev nco tseg tsis taus koj
    mov tsis noj dej los tsis haus
    tseg tsis taus txoj me kev nco
     
    es zaum no nrog luag mus lawm
    lub sij hawm twb dhau lawm ntev
    ua luag sev thiab ua luag nyab
    nyob luag npab pw luag xub ntiag
     
    yuav tseg kiag tsis pom koj lawm
    ua siab tawm koj mus lawm mog
    vim kuv yog ib tug ntxhais xwb
    es kuv twb tsis paub yuav hais
     
    ib tug ntxhais tsis paub tawv dhau
    ces thiaj tau lees luag lus lawm
    thiaj yuav tawm mus lawm tiag mog
    txhob nco txog kuv no lawm nawb
     
    tus siab dawb thiab zoo hlub heev
    tsis txhob seev txog kuv lawm os
    koj txhob tos mog me nplooj siab
    thov tus tshiab nws los hlub koj.
     
    ua siab loj tseem tshuav coob tus
    koj mam mus tham dua lawv mog
    koj mam nrog lawv sib hlub nawb
    nplooj siab dawb kuv thov txim ntau
    Nawb mog tus me neeg kuv hlub tshaj plaws nyob rau hauv kuv lub nruab siab mus li ib txhis.
    • 0 replies
    • 216 views
  5. xeebpov added a topic in Paj lus   

    Neej tsis kawg
    “Ua Neej tsis kawg”
     
    Kuv yug los ua ib zaug neej
    Xav kom tsheej muaj lub neej zoo
    Niaj hnub nroo xav mus ua nyab
    Yuav mus tab pib kuv lub cuab
    Mam li muab txoj kev ua si
    Cuam li nthi rau yav tom qab
    Mus ua nyab yuav rau siab khwv
    Kom tej kwv thiaj li tau noj
    Xav tau zoj txog ib tog xyoo
    Muaj txoj hmoob kuv tau ntsib koj
    Tus tsis loj thiaj tub tsis me
    Zoo zoo de ntxim hlub ntxim hnia
    Xav ntsoov cia tias koj puas hlub
    Hmoob leej tub tus me siab zoo
    Muaj txoj hmoo wb tau sib ntsib
    Thiaj tau pib txoj me kev hlub
    Txhua txhua hnub koj tuaj ntsib kuv
    Yam tus muv uas ya tuaj ntsauv
    Yam tus kauv tuaj nrhiav zaub noj
    Kev hlub loj ib hnub zuj zus
    Tau ib ntus koj thiaj tuaj hais
    Kuv ua ntxhais mus ua koj nyab
    Mam sib pab tsim kho lub neej
    Wb tus kheej ib txwm sib hlub
    Wb tsis pub luag thuam hais tau
    Zoo siab dhau qhov kuv tau koj
    Sib pub noj, sib hnia sib khawm
    Lub sij hawm tau dhau ntev mus
    Vim wb tus ua txiv thiab niam
    Tsis txawj tshiam los sib ntseeg siab
    Txoj kev iab thiaj los raug wb
    Txawm tias wb twb muaj tub ntxhais
    Txawj ua tshais lawv twb loj lawm
    Tsim nyog sawm wb xyaum ua neej
    Kom nws tseej muaj koob nto npe
    Wb siab me dhau lawm koj txiv
    Vim wb siv txoj kev sib chim
    Coj los tim nrog kev npau taws
    Tsis paub daws wb tej teeb meem
    Lawv tuaj cheem los wb tsis mloog
    Lub caij nyoog dhau mus zuj zus
    Wb hais lus yeej tsis nkag siab
    Lo lus iab tsuas hnov txhua hnub
    Lub ntuj dub ua neej tsaus nti
    Lus luag ntxhi los yeej tsis muaj
    Lub suab quaj thiab lub suab nthe
    Cuag kauv tshe hauv wb lub tsev
    Nyob tsis ntev tsis tau ntau xyoo
    Wb txawm nroo txog kev sib nrauj
    Sib ua pauj txoj me kev chim
    Xav tias dim mus yuav tus tshiab
    Yuav kaj siab zoo tshaj qhov no
    Wb thiaj tso nyias mus nyob nyias
    Lub siab txias zoo siab ib ntus
    Pom lwm tus los siab tsis kheev
    Vim rov seev txog wb kev hlub
    Puag thaum ub wb tau tsim cia
    Ua txoj sia rau wb lub neej
    Uas tsis tsheej “ua neej tsis kawg”
    Yam lub lawg uas nyob ib ntus
    Twb yaj mus ua dej ntws lawm.  
    Xav tias tawm lub siab yuav zoo
    Vim txoj hmoo lub neej thiaj tawg
    Nco koj kawg khuv xim wb kev hlub
    Nco thaum ub wb nyob ua ke
    Nyob sib ze sib hlub sib puag
    Wb tham luag ntxwb ntxhi tas li
    Noj dabtsi los yeej noj qab
    Muaj koj npab puag kuv xwb pwg
    Mus txog twg muaj koj nrog kuv
    Txawm caij luv los mus ko taw
    Yeej tsis ntshaw luag kev hlub li
    Nyob luag ntxhi ntsis nco qab txhawj
    Wb tsis txawj sib hlub sib yoog
    Lub caij nyoog thiaj muab wb quas
    Yam pob tsuas muab wb cais kev
    Ua neej ntev npaum luaj li no
    Wb sib tso yam tu qab loo
    Cas txoj hmoo yuav pheem ua luaj
    Ib sij huaj zoo li no lawm
    Xyov kuv tawm mus nrog twg nyob
    Thaum muaj mob leej twg yuav saib
    Thaum kuv tshaib leej twg yuav pub kuv noj
    Yuav nco koj tiag tiag li os
    Muab xav los mas tu siab tshaj
    Tsis xav npaj mus ua neej dua
    Vim tseem tshua txog koj heev os tus me neeg zoo, xav txog thaum twg ces kuv kua muag poob xwb os !!!
     
    Tus Sau: Xeeb Pov Lauj
    Muab rau: Mim Vwj
    Email: nraughlubhmooblauj@gmail.com
    • 0 replies
    • 197 views
  6. xeebpov added a topic in Paj lus   

    Niam txiv tuag cia
    "Niam Txiv Tuag Cia"
     
    Kuv yug los ua ib zaug neeg
    Kuv tsis ntseeg tias yuav ua ntsuag
    Niam txiv tuag tso tseg thaum yau
    Kuv tsis tau muaj niam txiv hlub
     
    Lub ntuj dub nyob tsaus ntuj nti
    Mus ua si los luag tsis nyiam
    Tsis muaj niam los phlws taub hau
    Mob siab dhau yuav ua li cas
     
    Muab xav mas tu lub siab tshaj
    Xyov yuav npaj kuv lub me neej
    Puas yuav tsheej mus zoo li luag
    Yuav mus cuag leej twg thaum nyuaj siab
     
    Txog xyoo tshiab tsis muaj tus npaj
    Yam zoo tshaj los rau yus hnav
    Txawm yuav xav nrog luag mus ua si
    Tsis muaj dabtsi yuav hnav phim luag
     
    Kuv txaj muag nrog luag ua ke
    Kuv siab me ntshai raug luag hais
    Ib tug ntxhais yug los ua ntsuag
    Lub kua muag thiaj los tas li
     
    Xyov yuav ntxhi tham qhia leej twg
    Tej phoojywg puas muaj tus hlub
    Hmoob tej tub puas yuav tham yus
    Xyov yuav mus ua neej li cas
     
    Xav tsis tas thaum luag hais saib tsis taus
    Tsis muaj cov laus los nplig yus siab
    Cas yuav iab lub siab ua luaj
    Niaj hnub quaj los lub kua muag
     
    Mob siab cuag yam rab riam chob
    Tsis xav nyob ua ntsuag ntxiv lawm
    Lub sij hawm dhau mus zuj zus
    Xyov yuav mus ua cas pib lub neej
     
    Puas yuav tsheej vim tsis muaj tus txhawb tsis tus pab ntshe yuav tu siab heev li oh ib tsoom phoojywg aw!!!
    • 0 replies
    • 149 views
  7. xeebpov added a topic in Paj lus   

    Niam Txiv Sib Ncauj
    "Niam Txiv Sib Nrauj"
     
     
    Kuv thov sau ua lus pajhuam
    Xav mus tshuam rau cov niam txiv sib nrauj
    Thaum hluas nkauj niaj hnub hu tham
    Txog tsheej tsam tsis nco tsaug zog
     
    Sib tham txog txoj kev sib hlub
    Tham txhua hnub tsis paub dhuav li
    Tham luag ntxhi tias kuv hlub koj
    Kev hlub loj ib hnub zuj zus
     
    Yuav hlub mus kom txog hnub tuag
    Nkawv sib puag thiaj tau cov lus
    Yuav sib pus kom txog hnub kawg
    Yuav sib qawg sib hlub mus li
     
    Nkawv sib ntxhi sib tham luag nyav
    Nkawv thiaj xav txog kev sib yuav
    Los siv tuav tsim kho lub neej
    Kom nkawv tsheej mus ua ib yim
     
    Nkawv sib phim sib hlub sib pab
    Me nkauj nyab hais lus luag ntxhi
    Nyob sib ti tsa tes sib khawm
    Txhuaj sij hawm nyob ua ib ke
     
    Nyob sib ze txhua hnub txhua hmo
    Hlub tag nrho tsis muaj kev chim
    Mus ib sim kev hlub ruaj khov
    Sib puv mov sib nwj sib hnia
     
    Nyob sib ntsia sib hlub kawg li
    Tau ntau hli mus ua ntau xyoo
    Niam txawm nroo txiv txawm pib yws
    Sib tuav qws sib ceg sib cav
     
    Tsis nco xav txog nkawv kev hlub
    Uas thaum ub nkawv tau cog lus
    Yuav hlub mus kom txog hnub tuag
    Kev sib puag sib hlub sib hnia
     
    Lus cog cia nkawv tsis nco txog
    Thiaj sib tog sib ceg sib ntaus
    Lub neej xaus rau kev sib ncauj
    Vim lub ncauj tsis txawj sib yoog
     
    Tsis xyaum mloog lus qhuab qhia ntuas
    Neej thiaj puas mus zoo li no
    Thov tig hlo los pib neej tshiab
    Hloov dua siab xyaum ua neeg zoo
     
    Tsis txhob nroo tseem tsis tau lig
    Cia li tig rov los sib hlub
    Tsis txhob pub me tub me ntxhais
    Raug luag cais rau ub rau no
     
    Tig los kho neb lub neej dua
    Thov hlub tshua txog tej me nyuam
    Tsis txhob yuam tseg lawv tu siab
    Mus thawj thiab nrog lwm tus nyob
     
    Lawv twb hlob tiav niam txiv lawm
    Txog sij hawm neb yuav thim xav
    Rov los kav qhuab qhia lawv mog
    Vim lawv yog neb ob tug yug
     
    Tsis txhob nrug khiav deb ntawm lawv oh mog
    Txawm hais tias neb tsis hlub los thov xav txog
    Cov me tub me nyuam es los hlub lawv oh mog
     
     
    By: Xeeb Pov  Lauj
    Dedicated: All my  beloved friends
    • 0 replies
    • 191 views
  8. xeebpov added a topic in Paj lus   

    "Txawm Luag Hais Los Kuv Yuav Hlub"
    "Txawm Luag Yuav Hais Los Kuv Yuav HLub"
     
    Me leej muam Tus neeg kuv hlub
    Hmoob leej tub Tau nyiam koj lawm
    Thiaj tau tawm Lub dag lub zog
    Tsuas tau nrog Koj tham nkaus xwb
     
    Txawm koj twb Ua nyab ib zaug
    Koj twb raug Luag foom luag hais
    Kuv tsis cais Tsis xav li cas
    Cia yav tas Ua kev npau suav
     
    Kuv tsis suav Yav dhau los ntawv
    Txawm tias lawv Ho yuav luag kuv
    Mam li uv Cia rau luag hais
    Koj ua ntxhais Tsis txhob txhawj mog
     
    Vim tias yog Kuv hlub koj tiag
    Mam yuav kiag Koj rau lawv ntsia
    Yuav tsis cia kuv rau luag hais
    Kuv tsis zais Tsis txaj muag li
     
    Hlub tuag nthi Mus tag ib sim
    Yuav tsis thim Tsis tso koj cia
    Muab txoj sia Hlub koj tag nrho
    Yuav tsis tso Koj nyob ib leeg
     
    Yuav sib ntseeg Sib pab ua neej
    Kom vam meej Muaj koob nto npe
    Tej txheeb ze Thiaj muaj chaw vam
    Ua neej yam Nyob kaj siab hlo
     
    Thiaj tsis nco Txog luag kev thuam
    Kev quab yuam Yav tas dhau los
    Yuav sib tos Sib hlub mus li
    Tag ib txhi Mus li ib tiam
     
    Me naib niam Tus me nplu mos
    Zoo siab los Wb sib hlub mog
    Mus kom txog Hnub wb laus laus
    Hlub kom txaus Puag kom zoo siab
     
    Tag ib txhiab Ib Txhis kuv yuav hlub koj Rau sawv daws ntsia
     
    Dedicated to: All my friends
     
    By: Xeeb Pov Lauj
    • 0 replies
    • 199 views
  9. xeebpov added a topic in Paj lus   

    Yog Luag Tsis Hlub Rov Los Kuv Tseem Tos
    “Thaum luag tsis hlub rov los kuv tseem tos”
     
    Me leej muam tus neeg kuv hlub
    Hmoob leej tub zoo li kuv no
    Txawm koj ho tsis xav los hlub
    Tsis xav pub koj me nplooj siab.
     
    Lo lus iab koj muab rau kuv
    Kuv yuav uv vim kuv paub tias
    Koj raug ntxias mus hlub nrog luag
    Kuv kua muag thiaj li tau ntws.
     
    Nplooj siab ntsws nyob quaj duj dhi
    Tsaus ntuj nti pw tsis tsaug zog
    Vim xav txog koj lub ntsej muag
    Txawm tias luag yuav koj lawm los.
     
    Kuv tseem tos tseem hlub tshua koj
    Kev hlub koj uas kuv tau muaj
    Kev hlub ruaj uas kuv tau cog
    Uas tau nrog koj hais cia tseg.
     
    Yuav ruaj ntseg mus li ib txhis
    Kuv tsis chis qhov uas koj mus
    Ua luag tus nyob luag xub ntiag
    Mus puag kiag luag lub hauv siab.
     
    Txawm li thiab kuv tsis ntxub koj
    Vim kuv soj ntsuam paub koj zoo
    Kuv tsis nroo qhov uas koj khiav
    Vim kuv txiav koj kev tsis tau.
     
    Koj thiaj dhau mus nrog luag lawm
    Lub sij hawm dhau ntev zuj zus
    Koj muaj tus los kuv tseem tos
    Rov qab los yog luag tsis hlub.
     
    Hmoob leej tub tseem nyob tos koj
    Ua siab loj rub siab ntev tos
    Yog koj los kuv tseem yuav hlub
    Yuav tsis pub koj kua mog ntws.
     
    Mam li plhws so koj kua muag
    Tsis pub luag tsim txom koj ntxiv
    Mam ua txiv hlub koj me nyuam
    Es yuav hlub koj mus li ib txhis oh mog me leej muam tus neeg kuv hlub aw!!!!
    By: Xeeb Pov Lauj
    • 0 replies
    • 166 views
  10. xeebpov added a topic in Paj lus   

    "Koj muaj tus lawm los kuv tseem tos"
    “Koj Muaj Tus Lawm Los Kuv Tseem Hlub Tseem Tos”  
     
    Txog xyoo tshiab pom luag muaj khub
    Hmoob tej tub nrog luag tej ntxhais
    Noj loo tshais npaj mus pov pob
    Cas yuav mob kuv siab ua luaj
     
    Vim xav muaj ib tug nrog luag
    Coj los puag ntshe zoo siab heev
    Niaj hnub seev xav muaj tus hlub
    Muaj ib hnub kuv tau ntsib koj
     
    Tus tsis loj thiab tus tsis me
    Tus zoo de ntxim tawb ntxim hlub
    Hmoob leej tub tus hais lus zoo
    Muaj txoj hmoo wb thiaj sib ntsib
     
    Thiaj tau pib txoj kev sib hlub
    Txhua txhua hnub koj tuaj ntsib kuv
    Caij nyoog luv ib xyoos dhau mus
    Koj hais lus kuv teb luag ntxhi
     
    Nyob sib ti tsa tes sib khawm
    Li txij nkawm sib hlub sib puag
    Tham lus luag ntxhwb ntxhi tas li
    Tsaus ntuj nti pw tsis tsaug zog
     
    Vim xav txog koj wb kev hlub
    Hmoob leej tub tus neeg siab zoo
    Muaj txoj hmoo kuv tau ntsib koj
    Kev hlub loj ib hnub zuj zus
     
    Me leej tus tus neeg kuv hlub
    Txhob siab dub rau kuv nawb mog
    Vim tias yog hlub koj nkaus xwb
    Koj kuv wb ua siab ncaj nawb
     
    Ua siab dawb Txog hnub sib yuav
    Sib pab tuav kev hlub kom ruaj
    Tsis txhob muaj lwm tus nawb mog
    Thov nco txog wb lus cog cia
     
    Koj thiaj qhia tias muaj kuv xwb
    Hauv koj hlwb hlub kuv ib leeg
    Tsis muaj neeg uas koj hlub li
    Hlub tuag nthi kuv ib leeg xwb
     
    Koj kuv wb sib paub ntev loo
    Tau ntau xyoo tham muaj siab lawm
    Lub sij hawm dhau mus zuj zus
    Tau ib ntus Txog caij ntuj sov
     
    Kuv pib hnov luag hais qhia tias
    Kuv raug ntxias qaug hlub lawm xwb
    Es koj twb muaj dua tus lawm
    Xav tsis tawm kuv tsis to taub
     
    Kuv xav paub tias puas muaj tiag
    Thiaj noog kiag kuv cov phooj ywg
    Txawm leej twg los yeej qhia tias
    Kuv raug ntxias lawm tiag tiag li
     
    Kuv quaj dhi tsis paub ua cas
    Vim yav tas kuv hlub koj heev
    Kuv siab seev yeej tsis xav tso
    Cia koj ho ua tus xaiv seb
     
    Koj yuav teb rau kuv li cas
    Xav kom tas mam li teb nawb
    Kuv siab dawb tseem yuav hlub koj
    Ua siab loj kuv tseem nyob tos
     
    Yog koj los kuv tseem yuav hlub
    Hmoob leej tub tus neeg kuv nyiam
    Tag ib tiam thov hlub koj xwb
    Txawm koj twb muaj lwm tus lawm
     
    Hmoob nkauj ntxawm tso koj tsis tau
    Hlub koj dhau thiab ua siab tos
    Koj puas los hlub kuv li qub
    Puas muaj hnub koj thim siab xav
     
    Los nrog kuv sib hlub li qub os me nraug hmoob tus neeg kuv hlub aw!!!
     
    By: Xeeb Pov Lauj
    Dedicated to: NkaujHu Lis
    • 0 replies
    • 155 views
  11. xeebpov added a topic in Paj lus   

    "Tus Zoo Txiv"
    "Tus Zoo Txiv"
     
    Tus txiv zoo muaj nqes tshaj kub
    Siab tsis dub nws hlub sawv daws
    tsis npau taws thiab tsis chim sai
    Nws paub cai thiab hwm txhua tus
     
    Txhua lo lus uas nws tau hais
    Yeej tsis cais tsis siab leej twg
    Tej phooj ywg yeej qhuas ntxhias txog
    Tias nws yog ib leej txiv zoo
     
    Nws tsis nroo tsis cem tib neeg
    Tsis toob nkeeg rau kev ua noj
    Ua tus coj tsim nws lub neej
    kom zoo tsheej muaj koob nto npe
     
    Tej txheeb ze tej kwv tej tij
    Tej yawm yij nco nws txiaj ntsig
    Txhua tus tig los mloog nws hais
    Nws tsis cais tus laus tus hluas
     
    Qhuab qhia ntuas txhua tus lub neej
    Kom txhua leej ua neej tsim txiaj
    Tsis xob txhiaj tsis twv txiaj yuam pov
    Nws tsis kov tsis haus dej caw
     
    Nws tsis ntshaw tsis nrhiav niam yau
    Muab siab rau hlub nws pojniam
    Tag ib tiam mus li ib txhis
    Neej nto ntsis tsis txob tsis txhawj
     
    Ntaus loo thawj ua tus coj kev
    Tho txoj kev rau tub ntxhais taug
    Kev nkauj nraug nws tsis nco txog
    Vim tias yog nws muaj pojniam lawm
     
    Kev txij nkawm ua siab ncaj ncees
    Tsis ua plees thiab tsis ua yi
    Tsaus ntuj nti nws tsis mus laij
    Tsis twv phaij thiab tsis loj leeb
     
    Lub siab xeeb rau kev ua noj
    Tsaus ntuj zoj nws paub los tsev
    Pab nws sev ua zaub mov noj
    Rub siab loj hlub tej tub ntxhais
     
    Ua zoo hais thiab ua zoo qhia
    Nws tsis cia tub ntxhais tu siab
    nws tsis ntiab lawv tawm hauv tsev
    Qhia txoj kev ncaj ncees rau lawv
     
    Kom kawm ntawv nrhiav txoj kev paub
    Thiaj to taub txoj kev vam meej
    Es lub neej thiaj tsis txom nyem
    Thiaj lom zem ua neej tiam no
     
    Thov peb nco leej txiv txiaj ntsig
    Thov peb tig los hwm nws mog
    Vim tias yog nws ua zoo coj
    Peb thiaj loj ua neeg tsim txiaj
     
    Thiaj muaj nyiaj thiab ib puas tsav yam oh mog!!!
     
    By: Xeeb Pov Lauj
     
    Email: sengphor@hotmail.com
    • 0 replies
    • 276 views
  12. xeebpov added a topic in Paj lus   

    Ntsib Qub Hluas Nkauj
    Txij li hnub kuv tau hnov tias
    Koj rau ntxias mus qhaib nrog luag
    Kuv kua muag tau los txhua hnub
    Caij ntuj kub thiab caij ntuj nag.
    Xav tsis tag qhov uas koj mus
    Muaj lwm tus es tso kuv tseg
    nyob ua leg nplooj siab lwj ntsuav
    Xyov kuv yuav ua txoj twg thiaj zoo.
    Txawm yuav roo yuav quaj npaum twg
    Puas muaj leejtwg los nplig kuv siab
    Tawm xyoo tshiab kuv tsis muaj koj
    Xav ntsoov zoj tias ua ib siab.
    Mus thawj thiab ua lwm haiv neeg
    Nyob ib leeg mus tag ib sim
    Vim kev chim thiaj tuaj kawm deb
    Nyob rooj teb sab ntuj tim no.
    Ua siab tso koj mus rau luag
    so kua muag ua siab ncaim mus
    ntev zuj zus dhau mus ntev loo
    Tau xya xyoo tsis hnov koj xov.
    tsis tau rov qab los tebchaws nplog
    Tos koj txog ntev ua luaj no
    ntshe tsam no koj twb mus muaj tub ntxhais
    Los ua tshais rau koj noj lawm.
    vim sij hawm dhau mus lawm ntev
    Kuv txoj kev cia siab tos koj
    Thiaj tau ploj rau txoj kev chim
    Tag ib sim kuv tsis tau koj.
    Thiaj xav zoj tias ua ib siab
    Nrhiav tus tshiab nyob sab tebchaws no
    ua siab tso tsis tos lawm os
    li cas los tsuav koj mus tau zoo.
    Vim txoj hmoo thiaj tsis tau koj
    Rub siab loj kuv mus lawm mog
    tsis ntev txog xyoo 2013
    Cov phoojywg peb rov los saib tsev.
    Nyob tsis ntev tsis tau nto hli
    Peb thiaj li tau tuaj mus laij
    Tuaj mus caij nkoj hla naj khoos
    Txog ib xyoos muaj ib zaug xwb.
    Ua cas wb rov sib ntsib ntawv
    Kuv lub plawv mas dhia ceev heev
    Rov nco dheev wb txoj kev hlub
    Uas thaum ub wb tau tsim cia.
    Kuv tau qhia tias kuv hlub koj
    Muab xav zoj tias koj muaj txiv lawm
    Txog sijhawm wb los zaum tham
    Txog ib tsam thiaj li mam paub.
     
    Tias yawg thaub tos koj tsis tau.
    Koj mus tsis dhau rau mekas teb
    Ntuj kev deb neb thiaj ua siab tso
    Txawm muaj li no los kuv tseem hlub .
    Kuv tsis ntxub qhov koj mus ntawv
    Mus ua lawv tug ib nyuam ntu
    Kuv tsis su tsis chim rau koj
    Muab xav zoj tias tim txoj hmoo.
    Qhov uas zoo yog ntsib koj dua
    Kev hlub tshua tseem zoo li qub
    Yam lub hnub uas tawm rov tuaj
    Yam tsob tshuaj kho tau kuv zoo.
    Yam tsob ntoo rov txi txiv tuaj.
    lub suab quaj hloov ua suab luag
    Pom ib vuag yeej zoo siab lawm
    Lub hawm dhau mus zuj zus.
     
    Nyob ib ntus kuv yuav tau rov
    Ntshe zaum nov yuav ncaim koj dua
    Yuav rov tshua koj heev dua qub
    Puas muaj hnub rov sib ntsib lawm.
    Kuv mus kawm ces yuav mus ntev
    Vim txoj kev uas kuv taug mus
    Deb zuj zus lawm xwb os mog
    Hos tias yog tsis tau sib ntsib.
    Thov koj pib lub neej kom zoo
    Kom nto moo ua neej nto ntsis
    thov txhob chis qhov kuv mus mog
    nco ntsoov txog wb kev phooj ywg.
    Txawm nyob twg los yuav noog moo.
    Yog muaj hmoo ntawv los sib raug
    Wb ho taug kev rov sib ntsib
    Mam li pib ua wb lub neej.
     
    Kom nws tsheej cuab ua ib yim.
    Nyob sib phim kom txog hnub laus
    Puag kom txaus sib khawm kom ruaj
    Thiaj tsis muaj hnub rov sib ncaim ntxiv li lawm os mog
    Me nploojsiab…
    By: Xeeb Pov Lauj
    Dedicated To: Kab Lia Vaj
    • 0 replies
    • 200 views
  13. xeebpov added a topic in Paj lus   

    "Hnub no mam nco thiab khuv xim"
    Txog xyoo tshiab pom luag muaj khub
    Hmoob tej tub nrog luag tej ntxhais
    Noj loo tshais yuav mus pov pob
    Cas yuav mob kuv siab ua luaj
     
    Vim xav muaj ib tug nrog luag
    Coj los puag ntshe zoo siab heev
    Niaj hnub seev xav muaj tus hlub
    Muaj ib hnub kuv tau ntsib koj
     
    Tus tsis loj thiab tus tsis me
    Tus zoo de ntxim tawb ntxim hlub
    Hmoob leej tub tus hais lus zoo
    Muaj txoj hmoo wb thiaj sib ntsib
     
    Thiaj tau pib txoj kev sib hlub
    Txhua txhua hnub koj tuaj ntsib kuv
    Caij nyoog luv ib xyoos dhau mus
    Koj hais lus kuv teb luag ntxhi
     
    Nyob sib ti tsa tes sib khawm
    Li txij nkawm sib hlub sib puag
    Tham lus luag ntxhwb ntxhi tas li
    Tsaus ntuj nti pw tsis tsaug zog
     
    Vim xav txog koj wb kev hlub
    Tsis ntev hnub tsis tau ntau xyoo
    Koj txawm nroo kuv txawm pib yws
    Sib tuav qws sib ceg sib cav
     
    Tsis nco xav txog wb kev hlub
    Hnov qab hnub uas wb sib ntsib
    Lus qab zib hloov ua lus iab
    Plhu dub nciab tsis xav hais lus
     
    Kuv thiaj mus rau hauv kuv hoob
    Xav tsis thoob vim tsis to taub
    Kuv tsis paub tias vim li cas
    Zaum no mas nyuaj siab kawg li
     
    Tsis paub ntxhi hais qhia leej twg
    Kuv phooj ywg thiaj nplig kuv siab
    Tawm hnub tshiab kuv mus ua si
    Kuv thiaj li ntsib dua ib tug
     
    Cev ntaj ntsug zoo tau ntxim hlub
    Kuv siab dub thiaj tso koj cia
    Kuv txoj sia thiaj muab rau luag
    Raug lawv puag mus ua lawv nyab
     
    Nyob xyiv fab mus tau ib ntus
    Ntev zuj zus kuv thiaj mam paub
    Tias yawg thaub uas yuav kuv ntawv
    Lub siab tawv thiab phem heev li
     
    Lus luag ntxhi tsis hnov ib los
    Lo lus mos yeej tsis muaj li
    Tsaus ntuj nti ua neej lwj siab
    Tawm xyoo tshiab tsis muaj suab luag
     
    Los kua muag tas hnub tas hmo
    Sij hawm no mam xav txog koj
    Mam nco zoj koj tej lus zoo
    Niaj hnub nroo khuv xim koj heev
     
    Niaj hnub seev vim nco koj tiag
    Cas ib pliag zoo li no lawm
    Yog sij hawm tig rov qab tau
    Yuav thov sau lub neej rau koj
     
    Ua siab loj tsis ua siab luv
    Mam li uv ua lub siab ntev
    Ua koj sev mus tag ib sim
    Cas yuav chim kuv siab ua luaj
     
    Vim tsis muaj hnub tig tau rov qab los hlub koj ntxiv li lawm oh
    Bye: Xeeb Pov Lau
    sengphor@hotmail.com
    • 0 replies
    • 137 views
  14. xeebpov added a topic in Paj lus   

    "Lub Neej Hmoob"
    Peb yug los ua ib haiv hmoob
    Mus nyob thoob ntau lub tebchaws,
    Vim sawv daws tsis txawj sib hlub
    Kev sib ntxub thiaj muab peb cais.
     
    Yam lub zais uas muab tshuab tawg
    Ua pab pawg rau ub rau no,
    Ib txhia ho poob tebchaws zoo
    muaj txoj hmoo lawv nyob kajsiab.
     
    Tsis nco txiab txog kev txom nyem
    Nyob lom zem lawv thiaj tsis nco,
    Tias muaj ib co poob tebchaws txomnyem
    ua neej lem caum tsis cuag luag.
     
    Tub ntxhais ntsuag tsis muaj tus hlub
    Tiv tshav kub khws noj khwv haus,
    Los tsis txaus los txhawb lub neej
    mua ntau leej raug ua luag qhev.
     
    Tsis muaj tsev nrog luag tej nyob
    Muab xav tob mas tu siab heev,
    Kuv thiaj seev sau ua pajhuam
    Xav tuaj tshuam rau peb tsoom hmoob.
     
    Nyob pem roob thiab nyob nram tiaj
    Cov ua liaj nrog cov ua teb,
    Thov kom peb tig los koom siab
    Tawm Xyoo tshiab los peb sab laj.
     
    Sib pab npaj kho hmoob lub neej
    Saib puas tsheej mus zoo li luag,
    Los sib puag tuav tes sib hlub
    Tsis txhob pub luag thuam peb hmoob.
     
    Txawm peb poob rau luag teb chaws
    Los sawv daws tseem muaj sia nyob,
    Thov peb txhob tu lub siab mog
    Xav tias yog ib txoj kev kawm.
     
    Hmoov tsis sawm peb thiaj li poob
    Los peb hmoob tseem muaj kev vam,
    Los peb tham kev tsim kho dua
    Yam txoj hlua muab los sib qhaib.
     
    Ua 3 ntxaib nws yuav ruaj khov
    Yog peb rov los koom ib siab,
    Sib pab thiab txawb peb lub neej
    Thov txhua leej nyob txhua qhov chaw.
     
    Kuv caw txog peb txhua tus
    Txawm koj mus nyob sab ntuj twg,
    Me phoojywg nco tias koj yog hmoob
    Koom yawg koob ntawm ib tsev neeg.
     
    Txawm koj ntseeg yam twg los xij
    Kev kwv tij tseem zoo ib yam,
    Thov txhob lam cais tus ub tus no
    Thov tig nco txoj kev sib hlub.
     
    Es txhob pub luag hais thuam peb
    Cov nyob deb teb chaws Mekas,
    Thov nco ras tias nej yog hmoob
    Txawm nej poob rau teb chaws zoo.
     
    Muaj txoj hmoo nej muaj zoo noj
    Los thov koj nco txog cov nyob los tsuas,
    Pab cov hluas kev kawm ntaub ntawv
    Kom tias lawv thiaj muaj kev paub.
     
    Thiaj to taub txog kev vam meej
    Cov txiv neej uas muaj cuab yim,
    Thov txhob chim rau nej pojniam
    Tsis txhob tshiam mus nrhiav niam yau.
     
    Mob siab rau ua koj lub neej
    Thiaj yuav tsheej mus ua ib cuab,
    Tsis txhob muab koj tej nyiaj nkim
    Coj los tsim kho koj lub neej zoo dua.
     
    Xav kom txhua thiaj tsis yuam kev
    Ua siab ntev coj koj tsev neeg,
    Txhob toob nkeeg rau kev ua noj
    Hais rau koj tus uas ua niam.
     
    Thov txhob siam mus nrhiav txiv tshiab
    Rub koj siab kom ntev nawb mog,
    Tsis txhob nrog luag mus ua laib
    Vim tsis zoo saib rau peb haiv neeg.
     
    Cov kwv tij ntseeg tus Tswv Yexus
    Nej tau mus ntsib txoj kev zoo,
    Muaj txoj hmoo nej tau kawm paub
    Nej to taub txog kev ua neej.
     
    Kom ho tsheej muaj kev cia siab
    Thov txhob ntiab txhob thuam lwm tus,
    Xyaum Yexus txoj me kev hlub
    Uas thaum ub nws tau hais cia.
     
    Nws tau qhia kom peb sib hlub
    Es txhob pub luag thuam peb mog,
    Hos hais txog cov uas tsis ntseeg Yexus
    Nej tseem mus raws txoj kev cai qub.
     
    Txoj kev hlub nej tsis txhob cais
    Ua zoo hais yog nej tsis nkag siab,
    Thov txhob ntiab lawv tawm ntawm nej
    Vim yav tom ntej peb twb tsis paub.
     
    Tsis to taub tias yuav zoo li cas
    Ho hais ras rau cov tim nplog,
    Tsis txhob nrog luag ua kev phem
    Thov lam cem tus ub tus no.
     
    Rau siab ntso ua nej lub neej
    Thov txhua leej txhawb tub ntxhais kev kawm,
    Txhob maj rawm yuam ntxhais yuav txiv
    Thov txhob siv hmoob lub siab qub.
     
    Uas thaum ub peb hmoob coj los
    Vim tsis dhos rau neej tiam no,
    Thov nej nco txog lub neej tshiab
    Los koom siab xyaum kev ua neej.
     
    Cov txiv neej txhob mus ua laib
    Txhob twv phaib, haus yeeb haus tshuaj,
    Tsam tias muaj ib me hnub twg
    Tej phoojywg tuaj saib koj tom nkuaj.
     
    Txawm yuav quaj los kua muag tsis los
    Yuav tau tos ntev niaj ntau xyoo,
    Puas muaj txoj hmoo koj tau tawm los
    Noj qab los li yav thaum ub.
     
    Thov txhob pub hmoob zoo li ntawv
    Ua siab tawv rau kev khwv noj,
    Ua siab loj qhia tej tub ntxhais
    Ua zoo hais kom lawv tsim txiaj.
     
    Kom lawv thiaj paub hwm lwm tus
    Paub hais lus kom txhob siab leej twg,
    Cov phoojywg ib tsoom ntxhais hluas
    Kuv thov ntuas peb ib lo lus.
     
    Los peb mus nrhiav txoj kev kawm
    Txhob maj rawm yuav pojniam yuav txiv,
    Ua siab tiv txom kev txom nyem
    Tsis tau lom zem zog no los xij.
     
    Npaj kom txhij koj lub neej thiaj zoo
    Muaj txoj hmoo ob peb xyoo no,
    Peb ib co tau mus kawm qeb siab
    Txoj kev tshiab peb tau pib tho.
     
    Thov nej ho maj mam lawv qab
    Txawm nej sab thiab nej qaug zog,
    Xav tias yog ib txoj kev kawm
    Lub sijhawm thaum nej dhau mus.
     
    Yuav yoojyim zuj zus li peb zeg no
    Thaum nce nto saum roob siab lawm
    Cua yuav nplawm txias zias laj siab
    Pom ntuj tshiab pom tebchaws Vam meej
     
    Peb lub neej thiaj yuav kaj siab
    Txog xyoo tshiab peb yuav lomzem heev
    Yuav tsis seev tsis txhawj txog dab tsi
    Kev ua si yuav lom zem zuj zus
     
    oh mog ib tsoom phoojywg sawv daws
    Tsoom tub ntxhais hluas, peb yog cov uas yuav tsim kho tau peb hmoob lub neej tshiab kom zoo xws li lawm haiv neeg,
    Thov peb tsis txhob tub nkeeg rau txoj kawm nawb mog,
    Tig los nrog kuv xav thiab nrog kuv cov phoojywg peb sib tham sib txhawb txoj kev kawm. (Hmong Youth is the hope that can make differences in our Hmong People)
     
    By: Xeeb Pov Lauj
    Dedicated to: Tsoom phoojywg sawv daws, tsoom tub ntxhais hluas ib yam li kuv...
    Email: sengphor@hotmail.com
     
    • 0 replies
    • 306 views
  15. xeebpov added a topic in Paj lus   

    "Tus Zoo Txiv"
    Siab tsis dub nws hlub sawv daws
    tsis npau taws thiab tsis chim sai
    Nws paub cai thiab hwm txhua tus
     
    Txhua lo lus uas nws tau hais
    Yeej tsis cais tsis siab leej twg
    Tej phooj ywg yeej ntxhias txog
    Tias nws yog ib leej txiv zoo
     
    Nws tsis nroo tsis cem tib neeg
    Tsis toob nkeeg rau kev ua noj
    Ua tus coj tsim nws lub neej
    kom zoo tsheej muaj koob nto npe
     
    Tej txheeb ze tej kwv tej tij
    Tej yawm yij nco nws txiaj ntsig
    Txhua tus tig los mloog nws hais
    Nws tsis cais tus laus tus hluas
     
    Qhuab qhia ntuas txhua tus lub neej
    Kom txhua leej ua neej tsim txiaj
    Tsis xob txhiaj tsis twv txiaj yuam pov
    Nws tsis kov tsis haus dej caw
     
    Nws tsis ntshaw tsis nrhiav niam yau
    Muab siab rau hlub nws pojniam
    Tag ib tiam mus li ib txhis
    Neej nto ntsis tsis txob tsis txhawj
     
    Ntaus loo thawj ua tus coj kev
    Tho txoj kev rau tub ntxhais taug
    Kev nkauj nraug nws tsis nco txog
    Vim tias yog nws muaj pojniam lawm
     
    Kev txij nkawm ua siab ncaj ncees
    Tsis ua plees thiab tsis ua yi
    Tsaus ntuj nti nws tsis mus laij
    Tsis twv phaij thiab tsis loj leeb
     
    Lub siab xeeb rau kev ua noj
    Tsaus ntuj zoj nws paub los tsev
    Pab nws sev ua zaub mov noj
    Rub siab loj hlub tej tub ntxhais
     
    Ua zoo hais thiab ua zoo qhia
    Nws tsis cia tub ntxhais tu siab
    nws tsis ntiab lawv tawm hauv tsev
    Qhia txoj kev ncaj ncees rau lawv
     
    Kom kawm ntawv nrhiav txoj kev paub
    Thiaj to taub txoj kev vam meej
    Es lub neej thiaj tsis txom nyem
    Thiaj lom zem ua neej tiam no
     
    "Tus Zoo Txiv"
    Thov peb nco leej txiv txiaj ntsig
    Thov peb tig los hwm nws mog
    Vim tias yog nws ua zoo coj
    Peb thiaj loj ua neeg tsim txiaj
     
    Thiaj muaj nyiaj thiab ib puas tsav yam oh mog!!!
     
    By: Xeeb Pov Lauj
     
    Email: sengphor@hotmail.com
    • 0 replies
    • 154 views