Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

TxawjMos

Members
  • Content count

    28
  • Joined

  • Last visited


Community Reputation

6 Neutral

About TxawjMos

  • Rank
    New Member

Profile Information

  • Gender Male

TxawjMos's Activity

  1. TxawjMos added a post in a topic koj yog lub paj tawg tshiab   

    cas kaj ntug tagkis no tawm rooj plaws yuav hnov no txias zias ib tog los
    tsis nco qab li tias ntuj sov twb dua es ntuj no twb los txog
    tawm rooj plaws kho siab zim
    cuab suab hu ntuj no tuaj lawm koj nyob qhov twg kuv pw tsis tsaug zog
    koj puas paub tias kuv mas nco koj txhua lub sij hawm li no los
    koj nyob ruj rawv hauv kuv lub siab
    zoo tam li lub kawm tsis xav muab daws
    vim ntawm txoj kev hlub koj xwb thiaj li yog tus kuv ntshaw
     
    vim koj xwb kuv thiaj li nyiam di ncauj txog tawv plab
    nyiam tob hau txog toom nruab nrab
    es nim nyiam tag nrho sab pem dhau sab nram
    yog tua koj ces tsaus ntuj zus kuv yuav muab nqa ua paj paws li tus me ab
    es thiaj li zoo sib tawb tuaj mus sib thab
    yog tshaib plab ces kuv mam li nyuws mov rau noj kom tsau plab
    thaum tsaug zog ces mam li cia pw saum kuv plab
    es ntshe kaj ntug tagkis nkauj hnub tuaj tsis tau nto npoo av
    es ntshe wb twb sub sawv los sib thab
    es ntshe 9 lub hli xwb wb twb nrog luag muaj ib tug me ab
    ib hmos yuav sawv pes tsawg zaus los yuav tsis hnov sab li no tiag kuv me niam nkauj nrab
    • 0
  2. TxawjMos added a post in a topic koj yog lub paj tawg tshiab   

    cas txij li hnub koj ncaim kiag rov qab
    yuav tseg tau kuv nyob vwm ntsuav li tus neeg npab
    es yuav los nyob de tes nruj nrhawv tsis paub nyob
    es yuav xav tsa ncauj hu koj nrov nrov los ntshe yuav tsis xws nyuj nqov
    yuav tsa ncauj nqee los ntshe yuav tsis xws nees hee
    es ntshe yuav ua rau me nas me noog ntshai khiav mus lawm see roob lees
    es nstshe yuav los nyob de tes nrhuj nrhawv zoo li ru.am piav tes
    yuav los nyob mob siab ruj rawv zoo li leej twg xuas tes de
    es nim xav hais tias txhob nyob de es cia kuv txav zog ze
    es seb puas yog koj ob txhais me tes ne
    es ntshe yuav muab koj rub zog rau tej me kaum tsev
    es ntshe yuav xuas zog nrav rau pev
    es ntshe yuav ua rau kuv ib ce tshee qas nyho
    vim txhuas zaus kuv nrog koj yeej zoo li no
    tsis ntaus nruas los yeej tshee cuag ua neeb tso muas caum
    es yog kuv tuaj sab hauv ces zoo siab cia koj tuaj sab sau
    ntshe txhiab pua zaus los yeej tsis txaus li no tiag
     
    • 0
  3. TxawjMos added a post in a topic koj yog lub paj tawg tshiab   

    tus dej hlob los vim yog muaj nag los
    kuv ua neeg nyob muaj txoj kev sov siab sov plawv los vim yog kuv muaj koj
    nplooj xyoob nplooj ntoos txawj laim los nim yog muaj cua
    kuv muaj txoj kev sov siab nrog lub suab luag
    los vim yog kuv muaj koj txoj me kev hlub kev tshua
    paj hmab paj ntoos txawj tawg los vim yog muaj me ntab me muv tos
    kuv tsis nkees tos hnub dhau hmo
    vim kuv paub lawm hais tias muaj ib hnub yeej yuav tau nrog koj
    npau suav ces tsis tsaug zog ces yeej tsis ua
    yog koj tus ntxhiasb tus pa tsw tsis xis kuv ces kuv yeej tsis hmov tsis tshua
    es txaum wb tsis sib tau thaum hluas los cia kuv mam li hlub koj rau yam laus los pauj
    yuav ua dab tsis los kam txaus siab ua nees rau koj thauj
    txawm yuav ua qhev los tau
    vim kuv no hlub koj dhau
    es yog muab niam mos ab los pauv los yuav tsis kam
    vim koj xwb thiaj li yog tus kuv tsis xav plam
    • 0
  4. TxawjMos added a post in a topic ib tsoom tub ntxhais Hmoob   

    Ntuj yuav ib tsoom hmoob thaum ntuj tsim teb raug
    txooj xyoob ces nim nrhau tuaj ntawm ib tsob
    nej thiab peb ces yeej koom roj koom ntshav hlob
     
    cas zaum no peb tuaj nyob luag ntuj los kawm tsis tau hluag txuj
    nyob luag li los kawm tsis tau luag ci
    peb nim tuaj nyob cais xeem tag tsis txaus
    es tseem yuav cais cov tsis koom pog thiab koom yawg
    ib xeem ces xyov nws muaj nws pes tsawg tus thawg
    es peb txoj kev ua plaub thiaj li muaj tsis paub kawg
     
    los ua cas tseem muaj cov nij hnub qw hmoob teb chaws
    muaj tej tug ces laus laus tsis paub dab tsis
    los tseem hais tias nws thiaj li yog tus yuav coj hmoob mus txog lub hnub thiab lub hli
    hos tej tug ces ru.am li twm tshuav tsis tau tuaj kub
    los tseem hais tias nws tiaj yog tus yuav coj hmoob mus txog lub hli thiab lub hnub
     
    es yog thaum ntuj tsim teb raug peb ua txhaum tus nywj tus haiv dab tsi lawm tiag
    es nim no 9niag 10xyoo twg peb pheej tshwm sim tej pab neeg txawv txawv tsi xwb leej twg kiag
    es peb yuav zoo li no mus lawm pes tsawg tiam....
    • 0
  5. TxawjMos added a post in a topic koj yog lub paj tawg tshiab   

    lub roob raug tshav ces me nplooj hmab nplooj ntoos hlav
    me paj xyoob paj ntoos ces yuav tawg mus lawm tsheej plag
    yuav ua rau me ntab me nuv me nas me noog ya tuaj mus lawm tsheej pab
    es sab ntuj twg muaj koj ces sab ntuj ntawd yeej zoo tshiab tshaj
    tej me hauv hav uas tsis raug tshav, ces nim tuaj ntxhuab taws
    me nas me noog los twb tsis tsaws
    es kaj ntug tagkes no
    nyob kuv sab ntuj ces yuav los los nag txais qas tawv
    tawm rooj plaws tsis muaj lub chaw tauv
    nco txog koj es yuav sau zaj me no tuaj qhia rau koj paub no nawd
    tias tau peb niaj plaub xyoos tav li no los nplooj siab nplooj ntsws tseem tsis tau pauv
    vim koj tseem yog tus kuv ib txwm ntshaw
    nyob hauv kuv lub siab koj yeej nyob muaj ib qhov chaw
    es ntshe tag tiam no yuav muab tshem tsis tau tawm
    kawg ua txij ua nkawm mas thiaj li yuav tag no nawd
     
    • 0
  6. TxawjMos added a post in a topic ib tsoom tub ntxhais Hmoob   

    xyoo laus ces nim xaus lawm tiag
    xyoo tshiab twb yuav tawm tuaj
    Thov kom peb ib tsoom hmoob txhua tus nyob ruaj
    Tsis hais tus nyob pem roob los nyob nram hav
    Tsis hais cov nyob haiv txwv sab no los nyob sab ub
    Thov kom peb txoj kev sib hlub tsis txhob pub tu
    Tej yam me tsis txhob hais txog
    Tej qho loj muab nrauj ntiag  tseg
    Kom peb tawm rooj plaws ua tau tsheej npoj
    Ua ke mus lawm tsheej ke
    Kom peb lub npe thiaj li nyob ruaj
    Tawm xyoo tshiab no thov kom peb txhua tus mus khwv me los kom tau ntau
    Khwv ntau los kom haj yam muaj
    Peb txoj kev phooj ywg kev ywg txoj kev sib hlub tsuas muaj huaj vam tuaj
    Es kom tawm xyoo tshiab no lawm yav tom ntej, peb ib tsoom tub txawj ntxhais kom muaj coob tshaj no dua
    Vim xyoo no yog ib xyoo uas zoo tshaj plaws ua rau peb qhuas
    Vim senator los peb tau representative los peb muaj
    City council los muaj, mayor los tau County Judge los kuj zaum muaj chaw
    Peb ua tau rau pej kum ob cag ntshaw
    Thov qhuas peb ib tsoom tub txawj ntshais ntse, nej ua tau ib tug zoo qauv
    Es thov kom ib tsoom qub nai phoo nai pha, koos loos nees koos mas da
    Cia nej sawv los ua peb tus thauj hau
    Ces txij li hnub no lawm yav tom peb haiv hmoob txoj kev txawj kev ntse thiaj tsuas muaj nyob tsis nrauj
    Vim nej yog cov thawv tau txoj kev rau ib tsoom tub ntxhais taug
    Es kom peb haiv hmoob thiaj li ntse tuaj tis ua ntse, txawj los tis ua txawj Thiaj li yuav los nyob ua luag txwj zaum ua luag laus Txhiab niaj puas xyoo lawm yav tom ntej tsis txawj xaus.
    Nyob zoo Xyoo Tshiab rau peb ib tsoom Hmoob sawv daws
     
     
    • 0
  7. TxawjMos added a post in a topic ib tsoom tub ntxhais Hmoob   

    nyob zoo os ob tug tij laug zoo siab uas neb los tsham os nawd.  kuv xav hais tias peb twb tuaj nyob luag ntuj ces kawm luag li txuj, es txawm peb kawm tsis tau cuaj niag kaum yam los twb yuav kawm tau ib yam yuav coj mus pab qhia rau peb tej txheeb tej ze nyob ntuj qub qab, kom lawm thiaj li khwv tau noj thiab tau hnav  es ntshe yuav ua rau peb sawv daws lub mus ntuj tshav.
    ua cas es yuav txaus tub siab ua luaj li peb nim muaj PAJ NTSHA LUB TAUM hais NKAUJ PAGSEEV hu thov kom hmoob txawj sib hlub los cav tej mej lus nyiaj lus kub no ceb poob tag rau qab ntuj dub. Es nim no tsuas hnov peb cov tim no hais mus noj zaub mos ab rau ntuj qub qab.  es yog vim dab tsi lawm tiag es peb hmoob txoj kev vam ces tag rau txoj kev saum txaj lawm ntag. 
    los tseem muaj cov hais tias yog mus ntxiv hnub nyug, tej no ces zoo hais xwb twb tsis zoo mloog. vim peb ces zoo li lub hnub twb qaij nrus tim npoo ntuj yeej rub tsis tau kom rov los tawm dua tshiab lawm os .  yam li lub paj, tawg paj lawm ces yeej yuav txi txiv xwb yuav tsis tawg mus tag ib sim.  kev nkauj nrauj ces peb twb de tau peb lub paj thaum nws tawg tshiab tshiab rau peb lawm es yog vim li cas peb thiab li tseem yuav mus nrog peb tej tub tej ki tej me xeeb leej xeeb ntxwv txeeb lawv teej lawv tug.  vim peb ces zoo li lub txiv yuav tsis nyob mus li, vim txi lawm ces yeej yuav siav, siav lawm ces yog tsis de noj ces yeej yuav poob vim no yog neeg lub noob neej.  es thov txim uas kuv txoj kev xav tsis zoo li ne ob tug ua tij nawd. 
    • 0
  8. TxawjMos added a post in a topic ib tsoom tub ntxhais Hmoob   

    kub kub saum tawv
    no no nraub plawv
     
    yog tau taug txoj kev zoo li no puas ntxhov plawv
    lam pw koom ib txa.g tuaj mus ib chaw
    los twb tsis hnov  sov hauv nruab plawv
    saum tawv no ces nim tawm hws lwg
    nplooj siab nplooj ntsws ces twb txais qas tsus
    lub ncauj ces hais tsis tau zaj twg
    lub siab ces twb mob mob tias zaum no ces ntshe yuav tsis khws
    es tsheej tag hmo li no thiaj pw tsis tsaug zog
    thiaj sawv los muab lub xov tooj ua kuv tus phooj ywg
    sau paj huam los ua kev lwv
    kom kaj ntug tagkis nplooj siab txhob mob es nplooj plawv txhob ncus
    ua neeg twm zeej ces zoo li yus
    ib tug tij tsis nrog luag muaj ib tug kwv tsis nrog luag tau
    thiaj tsis muaj qhov chaw mus tauv
    thiaj li ua lub neej nyob kaw qhov ncauj
    es nim ua zaj twg los tsis tsheej ua txub twg los tsis tau
    ntshe yuav ua lub neej nyob tsis muaj chaw xaus
    es ntshe yuav ceeb laj ua neej mus txog hnub laus
    thiaj lam muaj tej me hmongza no los ua lub chaw tauv
    es thiaj tsis ua neeg lug siab los yog ua suav lwj hau
    es thov kom txoj kev no nej txhob tau taug
    • 0
  9. TxawjMos added a post in a topic ib tsoom tub ntxhais Hmoob   

    tus neeg xub paub thiab nco
     
    ntuj yuas tus me neeg uas kuv xub paub thiab xub nco
    cas 30xyoo tav li no kuv mam li pom koj
    los ua cas koj tseem zoo zoo li tus thaum ub
    kuv lub ncauj xav tias cia add koj ua kuv tus phooj ywg
    los lub me siab ces quaj ua twj ywm
    vim thaum ub wb xub sib ntsib
    kuv twb plam koj mus ua luag li
     
    es nim hnov xov tias koj mus tau lub me neej nyob tsaus ntuj nti
    kuv nim txhawj koj tas mus li
    hais qhia koj paub hais tias tsis paub xyov yog tim dab tsi li
    vim thaum ntej thaum ntxov ib
    kuv tsis tau noj koj qub koj tsis tau noj kuv nti
    wb tsuas sib paub hauj txoj kev ua plees ua yig
    los xyov ua cas kuv ua npau suav pom koj luag li nyav
    ces yog lub ntuj yuav ntxoov los yuav tshav
    es yog kuv tsis qaug vaj los yeej yuav qaug lav
    es puas yog koj tso dab tsi rau kuv lawm no nas?
     
    vim thaum ib koj thov kuv tsis kam coj koj los ua kuv nyab
    vim thaum ntawd wb tseem tsis tau paub tab
    koj thiaj li tso kuv rau tom qab
    zaum no kuv pom koj ua lub neej nyob luag li ntxhi
    lawm ces kuv mas li ua ib siab delete koj tawm hauv kuv lub siab mus ib sim
    es cia seb puas yuav muaj txoj hmoo, wb mas sib ntsib sib pom tom kiab tom khw sib hu luag li ntxhi o....
     
    • 0
  10. TxawjMos added a post in a topic koj yog lub paj tawg tshiab   

    cas sib paub los tav li no
    es tsam no hais txawv ua luaj
    tus yuav quaj ces nws yog kuv ntag
    vim tias koj yog tus tseem mos ab
    dag kuv nco nco koj ua kuv yu.ag tag
    kuv tej tav mas twb suav tsis txheeb
    tseem yu.ag tshaj tus neeg quav yeeb
    muaj tej tsam twb feeb tsis meej
    los twb vim yog koj lub niag siab plees
    dag kuv seev yuj yees rau txhia txoj kev
    koj lub npe kuv hu tsis tu
    los twb yog tim koj txoj me kev khib dwb
    dag ua si nrog kuv lub hlwb
    es tsam no ces yuav hais txawv tag
    vim ntshai tsam tau los nrog kuv koom pam
    hloob siab ntag thiaj hais li no
    muab xav los mob siab cuag li pos chob
    zoo li no los twb yog tim koj
    tus me nkauj hmoob tsis me thiab tsis loj
    es thov kom tsis txhob yog yuav mus noj zaub mos os mog
    • 0
  11. TxawjMos added a post in a topic koj yog lub paj tawg tshiab   

    vuag...cas wb txoj kev sib paub zoo li ib ntsais muag
    cas txawm siv yog 3zaug 12lub hlis los mus dua
    los ua cas kuv tseem nco nco koj tsis txawj dhuav
    es ua li koj puas yuav paub nas yuam?
    tiam sim me nee no koj thiaj li yog tus kuv hmov thiab tshua
    tshua ua luaj los twb yog tim koj lub me suab luag
    thaum chim siab xav npo pa tua.g
    hnov koj lub me suab luag ces ua rau kuv lub siab muag
    lub suab quaj tig ua suab luag
    los twb vim yog kuv muaj koj tus zoo leej muam
    tsis yog lam qhuas
    vim cov neeg zoo zoo li koj tsis tshuam muaj
    twb yog vim li no kuv thiaj li tuav koj ruaj ruaj
    tsis xav pub koj nrug ntawm kuv ob lub qhov muag
    tias tsam muaj neeg txeeb tau koj mus yuav lawm no tiag yuam....
    es xyoo laus ces twb yuav xyaus
    xyoo tshiab twb yuav tuaj
    thov kom wb txoj kev hlub nyob ruaj ntua yam lub tsua
    ruaj nreg yam lub zeb
    es txawm koj nyob qaum teb
    kuv nyob qab teb los wb ob lub siab yeej nyob ua ke
    no nas tus me neeg tsis loj tsis me
    nyob zoo xyoo tshiab rau koj os nawd.
    muahzzzzzzzzzzzz
     
     
     
     
    • 0
  12. TxawjMos added a post in a topic ib tsoom tub ntxhais Hmoob   

    nyob zoo xyoo tshiab os ib tsoom hmoob sawv daws
    xyoo laus xaus xyoo tshiab tawm tuaj thov kom peb ib tsoom hmoob tsuas ntsib txoj kev noj qab haus huv
    hnav zoo mus pw so nawd.
    xyoo laus xaus xyoo tshiab tawm tuaj
    lub suab quaj nquam nrog xyoo laus
    kev sib ntaus thiab kev sib tua lawm ua ntshua nrog lub xyoo qub
    tawm xyoo tshiab no thov kom peb tsoom hmoob txawj sib hlub tshaj li qhov qub
    lub neej qub tsuj ntiag tuaj rau ntawm taw
    tsis txhob nco thiab tsis txhob ntshaw
    vim tiam no yog tiam 21lawm tiag
    peb tseg kiag tsis txhob hais poj ua tseg yawm ua cia
    vim tej no tsis muaj qab ntxhiab
    pes tsawg tiam pheej hais li no
    tav li no peb thiaj ua lub neej tsis mus tsis los
     
    es xyoo no thiaj li yuav ua lus hu tsa ncauj thov
    txhog rau ib tsoom tub txawj ntxhais  ntse mog
    nej txhua tus uas kawm tiav nyob mus muaj puav pheej
    sawv los coj peb hmoob thiaj li yuav peem tsheej
    neeg muaj puav pheej hais 9zag 10zaj los laj mej thiaj yuav ntseeg
     
    ua tib neeg ces tsuas ntshaw tus txawj
    es nej ib tsoom ntxhais ntse mus tub txawj
    nej tsis txhob tos laj mej pej xeem los chawj
    sawv los siv nej tej pov thawj
    thiaj li yuav coj tau peb tsoom hmoob mus nyob muaj lub chaw txawb
    vim kev tshawb fawb los nej muaj ntau
    es thiaj li yuav coj tau peb mus cuag txoj kev txawj
     
    yog thaum tau los ua tus kav
    thov ua lub me siab loj nrog siab dav
    txhob xav txog tsam yus hnab ris tsis hnyav
    tawm rooj plaws hlub me laj mej pem xeem kom dhau plaws rau nram hav
    vim yus yuav los ua lub kaus roos ntag
    kom nag los nag tsis ntub tshav tuaj tshav tsis kub
    zoo tam li leej niam leej txi roos lawv tej ntxhais los tej tub
    es tawm xyoo tshiab no thov kom peb tsoom hmoob txawj sib hlub
    vim tias peb twb vam meej los lawm ua ntu zus.
    nyob zoo xyoo tshiab ......
     
     
    • 0
  13. TxawjMos added a post in a topic ib tsoom tub ntxhais Hmoob   

    aws...yog mas tij laug koobpovtxuj
    koj siab mas me npaum li no twb keej kawg lawm ne
    txawj sib pab, txawj sib koom, txawj sib hwm thiab tseem txawj sib hlub thiab
    lawv lauv yuav yog cov uas yuav los cov tau peb mus ib kauj rua.m lawm yav tom ntej nas
    koj siab mas ib lub lauj kaub twb txaus lawv plaub leeg siv
    tsis zoo li nim no peb es ib lub peb caug sib txeeb cuag li de.v* txeeb pob txha nas
    thov ua tsaug rau koj daim duab no nawd tij laug
    • 0
  14. TxawjMos added a post in a topic ib tsoom tub ntxhais Hmoob   

    Lub Paj Hmongza
     
    ntuj nis lub me paj hmongza es cas txhia niaj mus txhia xyoo
    es yuav zoo niaj mus zoo xyoo
    kaum hli tag kaum ib hli xiab
    ces nim pos huab zig lis niab nrog rau nag thiab
    tej me nplooj xyoob nplooj ntoos ces nim zeeg rhaws lawm tsheej tiaj
    tej ua teb ces me mov nplej tshiab twb muab hlais tag coj los cia
     
    tawm plaws lub peb hlis ntuj tshiab
     me paj hmongza ces nim tawg tau ntsawv tuaj mus tawg tshiab
    yuav tawg tau tsheej roob mus tsheej tiaj
    me nas me noog los zoo plawv
    me ntab me muv los zoo siab
     
    cas xyoo no ces yuav phem niaj mus tsiv xyoo
    kaum hli tag kaum ib hlis xiab
    cas tseem kuv li niab cuag hluav taws txhiab
    tsaus ntuj zus ces hnub qub tseem ci ntsa qas iab
    es tawm plaws lub peb hlis ntuj tshiab
    es nim nkig lis nkuav tuaj ntawm ntiag
    yuav nkig lis qho lawm tsheej rooj
    qhuav li qho lawm tsheej tiaj
    me paj hmongza ces twb tsis pom ib txoj me siav
    me nas me noog yuav tsis muaj chaw mus cawm plawv
    me ntab me muv ces yuav tsis muaj chaw mus cawm siav
    tsis yog lub ntiaj teb no yuav tag lawm tiag
    ib tagkis lub hnub tuaj ntxov
    ib tagkis tuaj lig
    es ntshe muaj ib hnub twg lub ntiaj teb no yuav nyob tsaus nti mus tag ib sim
     
    • 0
  15. TxawjMos added a post in a topic koj yog lub paj tawg tshiab   

    hoyo tau ntev kawg li tsis tau tuaj thaj chaw no lawm
    los kuj tseem nco ruj rawm rau tej me nruab plawm
    vim yog qee tsis tau lub sij hawm es hnub no yuav tuaj sau ib zag los zov lub chaw
     
    hnub no nrog lawv tuaj mus camping saum roob nto ntuj
    es hmo no peb yuav los zaum puv ntug cub
    txhua leej txhua tus ces zaum muaj khub
    tsis zoo li kuv es zaum tau yam li tus ntxim ntxim ntxub
     
    lub ncauj tsis hais lub siab ces twb huhu koj
    yeej paub zoo lawm tias koj yuav tsis hnov
    tiam sis thaum xav txog koj ua rau kuv lub siab sov
    tsheej tag hmo txias qas to ntshe yuav pw tsis tsaug zog
    kuv thov ua vaj tswv yawm saub tsaug uas kuv muaj koj
    txawm txias zias ib tog los
    vim kuv muaj koj
    koj lub npe thiaj li ua kuv kub thoob plaws kuv lub nruab nrog
     
    zaum no kuv mam li paub tias kuv txav tsis tau ib taws los ib ru.am ntawm koj
    vim muaj koj thiaj ua kuv lub zog loj
    ntiaj teb no kuv tsuas hlub koj ib leeg xwb no mog.
     
    • 0