Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

koojziagkabzaug

Senior Consultant
  • Content count

    3,916
  • Joined

  • Last visited


Community Reputation

64 Excellent

About koojziagkabzaug

  • Rank
    V.I.P. Professional Degree

Profile Information

  • Gender Female

Recent Profile Visitors


25,040 profile views

koojziagkabzaug's Activity

  1. koojziagkabzaug added a post in a topic TXIV PLIG NYIAJ POV   


    Qibsiab,

    TP.Nyiaj pov ces txawm yog nyob Thaib teb, Meskas los Fab kis teb peb yuav ua tib yam nkaus.
    Ua raws li Hmong Catholique cov kab ke.Peb Hmoob Catholique, cov uas coj raws li Nrooj Ncauj Lus VaticanII, peb muaj tag nrho cov kab kze ntees qub kev cai, tab sis muab hloov cov lus thiab cov txheej txheem yam ntxim los siv rau kev ntseeg lawm xwb. Muaj qhuab ke, hauv qhua, txiv xaiv foom kom, rub rooj.

    Koj tias kom kuv piav xwb txhob muab Link no tab sis kuv tsis khoom piav ces kuv yuav tau muab Link rau koj, yog koj xav paub los koj mam mus saib. Yog koj tsis xav paub los tsis ua cas.

    http://hmongcatholique.forumdediscussions.com/t158-kab-ke-ntees-hmoob-catholic

    Qho tu siab yog Peb Hmoob tsuas paub tos kom luag pub xwb tsis paub pauj txiaj ntsig...Es tu siab me ntsis xwb...
    • 0
  2. koojziagkabzaug added a post in a topic TXIV PLIG NYIAJ POV   


    Nyob zoo Exile,

    Tseem nco ntsoov tus me phooj ywg zoo mog...Hauj lwm ntau me ntsis lawm thiaj tsis tau tuaj ncig lawm xwb. Los nej twb coob coob ces twb zoo zoo lawm es zoo siab rau nej txhua leej mog.
    • 0
  3. koojziagkabzaug added a post in a topic TXIV PLIG NYIAJ POV   


    Tseem Hmoob, koj hais yog kawg mas, yog koj ntse npaum no ces koj kuj txhob tuaj siv cov neeg tawv dawb cov ntawv tuaj sau las mab...! Cas tsis tsim koj tus kheej ib co ntawv tuaj sau es tseem ho khaws luag qub khau rau los cem luag??? Keej npaum koj ces txhob siv lawv cov ntawv mas nawb...Yus zoo heev ces ua kiag kom ntiaj teb qhuas yus ntag mav! Cas tseem tsis muaj peev xwm ua kom luag tej qhuas thiab thiaj kiag yus...! Cov neeg khav theeb nruab do ces yog rov tso zis ywg nws ko taw xwb os
    • 0
  4. koojziagkabzaug added a post in a topic TXIV PLIG NYIAJ POV   


    Tseem Hmoob, twb yog tseem Hmoob es xav kom yam yus tsim muaj nqes ces yuav tau tho yus qab hnab hos! Yog cia li xav kom tau noj dawb xwb yuav ua cas tau naj! Luag li tos muaj nqes los luag muab nyiaj npuam li cas los mus siv rau Hmoob lawm thiaj nyuam qhuav tsim tau los siv xwb. Yus cov Hmoob ces tos ua tsis tau dab tsi li los xav tau lub koob xwb tsis xav poob dag zog thiab nyiaj txia g li. Cov uas pheej xav hloo thiab kho cov Ntawv Hmoob Las tees nov, yeej meem npaj nyiaj nawb thiaj yuav hloov tau, yog tham lus puv qhov ncauj xwb ces txhob tham tham lawm tsis xav hnov.

    Caw nej mus nyeem Phauj Xis cov lus, nws hais txog lawv kev nrhiav nyiaj tuaj mus ua hauj lwm pab Hmoob...Nej nyeem mas txaus los kua muag rau luag pej kum txoj kev hlub peb Hmoob...

    http://hmongcatholique.forumdediscussions.com/t101p90-txiv-plig-nyiaj-pov-keeb-kwm-niam-ntawv-thoob-teb-nias-ntawm-no-saib-txuas-ntxiv
    • 0
  5. koojziagkabzaug added a post in a topic ***GVP TSEVNEEG***   


    Cov me nyuam ntawm tav ces yog Tag nrho tsoom Hmoob Xov Tshoj=koj, kuv, peb tib si.

    Dua li pes tsawg tus tub, pes tsawg tus ntxhais, kuv tsis tau paub txog.
    • 0
  6. koojziagkabzaug added a post in a topic ***GVP TSEVNEEG***   

    Yawg Hlob Nais Phoo Vaj Pov txiv hu ua Neej tswb Vaj, niam hu ua Ntxhoo Thoj, nws muaj 4 tug kwv tij, 8 tug muam, tshuav 4tug tseem ua neej nyob rau USA.Muaj 7tus poj niam, 25 tug me nyuam ntawm ntiag, tshaj 1000.000 tus me nyuam ntawm tav...
    • 0
  7. koojziagkabzaug added a post in a topic 34 Xyoos khiav tawm   

    Nyob zoo Samx,

    Kuv taus txais lawm, zoo kawg li. Ua tsaug nawb, koj tseem hais tshaj qhov kuv xav txog lawm thiab. Zoo kawg...Ua tsaug, ua nploos tib si nawb.

    Ntawm keeb kwm Npam Naj Xees, koj sau tau thaum twg los mam yuav, tsis maj nawb.
    • 0
  8. koojziagkabzaug added a post in a topic Vang Pao Funeral set for Feb 4-9 in Fresno   


    Nyob zoo Hmoob twmzeej,

    Ua tsaug koj tseem nuj twog kuv thiab, kuv nyob zoo.
    Koj cov lus teb kuv, yeej zoo kawg, yeej yog thiab.

    Tab sis qhov kuv hais yog kuv xav li Xyooj cov lus xwb. Yog Peb Hmoob kev cai dab qhuas tsis nruj ces kuv yeej tsis hais dab tsi.
    • 0
  9. koojziagkabzaug added a post in a topic Vang Pao Funeral set for Feb 4-9 in Fresno   

    cas rov kho tsis tau lawm ces sau ntawv yuam kev los nej lam nyeem lauj.
    • 0
  10. koojziagkabzaug added a post in a topic Vang Pao Funeral set for Feb 4-9 in Fresno   

    Lam hais ib los lus me nyuam yaus

    Me nyuam yaus tsis paub qab hau, lam hais ib los lus li tej laus coj noj coj haus


    Kuv xav hais ib los txog ntawm Yawg Hlob Vaj Pov lub ntees uas yuav tuaj no.
    Qhov uas yuav muab nws los ua dab ua qhua rau Fresno, CA. USA mas yeej yog ib qho zoo kawg lawm.

    Tab sis qhov uas ho yuav coj mus rau sawv daws xyuas nrau Saint Paub, Nroog Ntxaib MN thiab Wiscisin mam coj mus sam sab mas kuv xav tias ntshe yuav yog ib qho tsis zoo. Txawm peb yuav tu siab, khuv xim nws npaum li cas los tsa tsis tau nws sawv rov los ua peb niam peb txiv ntxiv lawm. Peb yuav tau ua ib siab lav txais nws txoj kev tuag zaum no. Es muab ua rau ib qho chaw tag kab ke ces coj mus tso cia li ib txwm tej poj koob yawm txwv ua los mus. Luag lwm haiv neeg, luag dab qhuas twb tssi nruj npaum Peb Hmoob, luag tsuas tso rau ib qho chaw xwb, txawm yuav yog huab tais vaj ntxwv los luag tsuas ua ib qho chaw xwb. Kuv lub siab xav, peb Hmoob kev cai dab qhuas tseem nruj dua, qhov twg ua yog ces zoo, yuam kev, tab ib lo lus los ib qho geste xwb twb fam mas kuv xav thov sawv daws cov coj noj coj ua tib zoo xav zoo zoo ua ntej yuav ua ib yam dab tsi. Kuv txawm yog me nyuam neeg xwb los kuv hais tam txoj cai poj rhawv kab yawm rhawv kev...

    Nej pua nco txog zaj dab neeg haiv thaum ntuj tsim teb raug, Yawg saub tsis muab mob muab nkeeg rau leej neeg, sawv daws nyob tsis muaj laus, nyob tsis muaj ploj. Leej neeg ntshaw kev ploj mus muab plhaub maj ua qeej, muab kab ziam los ua tsiaj, Qaum ntuj hnov, pom tias neeg ntshaw txoj kev ploj tuag thiaj tso los...Dua li nej yeej pom lub zwj ceeb no muaj ntau cum hmoob uas ua dab qhuas yuam kev, ua rau lawv tshooj xab, ua rau lawv puag ntsoog tu noob kiag...?
    • 0
  11. koojziagkabzaug added a post in a topic 34 Xyoos khiav tawm   

    Nyob zoo Samx,

    Ua tsaug rau koj cov lus teb.
    Tiag mas nyob tom Hmoob Npam naj Xees register ces tau automatic li, tsis yuav Activer li nav...Koj ho rov xyuas zoo seb. Ua li koj puas yog mus qhov nov?

    http://hmongcatholique.forumdediscussions.com/t288-hmoob-npam-naj-xees

    Zoo li kuv tseem thov seb lawv muab puas tau Zoov Nts. Thoj daim puav duab rau kuv thiab.
    Samx, yog nws khoom no ho tuaj tsham kuv thiab pab nrhiav keeb kwm me ntsis khaws cia.

    Ua tsaug rau nws piav txog Xyooj Nruag lub Koob Tsheej Txhawb siab. Nws tus ntxhais twb tau muab cov ntawv Caw rau kuv tshaj tawm thiab. Txawm tias peb nyob deb deb los peb lub siab ntsws yeej nrog nej koom nawb. Muaj coob tus Hmoob Npam Naj Xees tau kom kuv luam cov ntawv caw rau lawv tau saib dab muag. Kuv zoo siab uas nej muaj kev sib koom tes zoo thiab sib pab sib txhawb nrog rau kev hwm tej hlob. Yog ib qho zoo kawg nkaus.
    • 0
  12. koojziagkabzaug added a post in a topic Yawg Hlob Vaj Pov   



    Nyob zoo Cwjmem,

    Kuv tuaj ib vuag nov xwb...Zoo siab ntsib nws os mog.
    Ua tsaug rau nws zaj lus, kuv hais rau nws, kuv muab nqa mus rau kuv vaj kuv tsev khaws tseg lawm nawb.


    Vaj Pov - Kwv txiaj haiv

    <object width="425" height="344"><param name="movie" value="http://www.youtube.com/watch?v=9NPWg0Z2Nwc?fs=1&amp;hl=fr_FR"></param><param'>http://www.youtube.com/watch?v=9NPWg0Z2Nwc?fs=1&amp;hl=fr_FR"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/watch?v=9NPWg0Z2Nwc?fs=1&amp;hl=fr_FR" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

    • 0
  13. koojziagkabzaug added a post in a topic Yawg Hlob Vaj Pov   



    Me kooj os me kooj,

    Muaj tseeb tiag lawm mog zaum no ces peb rov ua ntsuag dua lawm thiab. Naghmo thaum kuv hnov kiag li ua rau kuv ib ce tuag tag thiab quaj quaj pw tsis tsaugzog li os. Tos ho muaj tej xwm no tsis zoo tshwmsim rau txiv Hlob los twb vim xyoo no Hmoob 18 Xeem nyob California los sib txeeb lub tsiab 30 hauv Fresno hais tsis haum ces tawg ua 2 lub lawm nws hais lawv tsis kam yuav yog li nws tuaj koom lub hauv qub uas Hmoob ib txwm ua thiab nws quaj quaj ces ciali mob kiag tom tshav pob lawm thiaj li tau tag simneej. Vim Hmoob txoj kev siab phem ces zaum no Hmoob yuav paub txoj kev txomnyem lau. Naghmo lub xovtooj cua hais lus uas kuv qhia rau nej ntawd Hmoob tuaj tham muaj txog 800 tawm leej tus twg los quaj tag. Tham li xwb kuv yuav tau mus lawm.



    • 0
  14. koojziagkabzaug added a post in a topic Yawg Hlob Vaj Pov   




    Yawg Hlob Vaj pov mus zoo koj

    Tu siab heev rau lub moo ploj
    Tu siab tag nrho rau Yawg Hlob Vaj Pov
    Ncaim peb zaum no ntshe yuav tsis muaj hnub rov

    Ua koj tsaug mog Peb Leej txiv
    Koj mus kaj nrig txhob ntxhov siab
    Yam koj tsim cia peb yuav tswj kom zoo
    Tsi pub poob koj lub npe
    Peb nqa tes ua koj tsaug mog
    Peb Txiv Vaj Pov tub Ntuj zoo
    Tau npo Hmoob ntawm kev txom nyem
    Rub Hmoob tes rau kev huaj vam
    Koj txiaj ntsha yuav nyob mus li
    Koj txiaj ntsim yuav nyob tsis kawg...
    Nawb Yawg Hlob Vaj Pov...
    Koj yog tus Niam Txiv Vaj Hmoob uas Hmoob tos tau ntau tiam los lawm mog...



    • 0
  15. koojziagkabzaug added a post in a topic Yawg Hlob Vaj Pov   



    Hmoob tus Vaj dua nra

    Peb Hmoob muaj lub ntuj hlub
    Ntau tiam yawm saub tso ib tug
    Peb Hmoob muaj lub ntuj pov
    Ntau txheej yawm saub tso ib tug los coj

    Thaum ntuj tsim teb raug
    Tswv Ntuj tsim muaj Hmoob thaum lub hauv paus
    Thaum ntuj tshwm teb xeeb
    Yawm saub tsim tau Hmoob nrog luag ua neeg

    Hmoob xeeb tau nrog luag
    Tsim teb rhawv chaw nyob tseeg cuab
    Hmoob tsim muaj nom muaj tsw
    Tsim muaj Huab Tais Txiv Yawg ua vaj ntxwv

    Tswj teb kav chaw ntswg liaj ntswg iav
    Tsim muaj qoob loo cog tau nplej pob kws siav
    Tswj teb kav chaw ciam dej ciam av
    Tsim muaj kab hlau ua twj taiv laj kab

    Suav tuam tshoj muab tsis yeej ntau tsis tau
    Thiaj koom ntau teb chaws tuaj ntaus
    Hmoob thiaj tawg ua sab ua sua
    Huab Tais Txiv yawg txais kev puas tsuaj
    Ua rau Peb Hmoob quaj ntsuag
    Ros tos dua tus vaj nqes los dua

    Ntau txheej ntau tiam dhau mus
    Yawm saub rov hlub Hmoob ib ntus
    Tso tus vaj tshiab los cawm Hmoob
    Tseev tsam Hmoob lub koob
    Coj Peb Hmoob lub neej nce ib theem
    Mus rau ntiaj teb kev vam meej
    Yam tsis muaj tus tau ua los
    Yog Peb Yawg Hlob Vaj Pov
    Tus Yawm saub muab koob hmoov
    Thiaj muaj lub hwj chim coj Peb Hmoob
    Mus nce tus ntaiv ntuj
    Muaj koob nto npe tsim nuj
    Muaj vaj huam sib luag nrog ntiaj teb neeg
    Muaj koob npe nrog lub sim ceeb

    Kuv me nyuam neeg thov nqa tes ua koj tsaug mog
    Kuv leej niam leej txiv, huab tais vaj ntxwv, yawg hlob Vaj Pov
    Thov koj mus zoo,...Tej koob Hmoov koj tau muab rau me nyuam Hmoob pem roob....Tswv Ntuj yuav muab txhiab puas zaus tshaj rau koj. Kuv tseem nco txog koj lub txiaj ntsim uas tau muab rau peb txhua leej, thaum kuv nrog koj cov me nyuam ua si nyob tim Looj ceeb. Tswb, Maiv Kaus, Mayv Ko yog tus hlob...Kuv pom koj ua lub Coll├Ęge Lao Houam Phao nram Vees Cam, uas kuv cov phooj ywg tshau tsis tau mus txheej siab tau tuaj kawm kom muaj fij xws li luag...Kuv pom koj tseev tsa muaj cov Nais Khu Pab Xab Npas, muab koj nyiaj qab nas, peev qab hub los txhawm kom koj Haib Hmoob TXAWJ. Kuv pom koj tseev tsim tau ib cov nais mom, kho mob saib kev noj qab haus huv rau txhua lub zos Hmoob. Kom Hais Hmoob muaj kev noj qab nyob zoo. Tej nyiaj kuv phem luag xa tuaj ua tsov ua puv, seem me me koj coj los txhawb koj Haiv Hmoob kom zoo thiaj vam meej yam coob tus twb xav tsis txog.

    Yawg Hlob Vaj Pov, Tswv Ntuj tso koj los txhawb Peb Hmoob zaum no, koj yeej ua tau raws lis Peb Hmoob txoj kev thov Tswv Ntuj, Yawm Saub tau ntau txheej ntau tiam los. KOJ mus lawm, koj lub koob npe yuav nyob tsis muaj caij kawg hauv Peb Hmoob lub siab mog.
    Koj mus lawm los koj nco ntsoov tig rov los saib koj haiv neeg mog.
    Thov koj tsom kwm kom Peb Hmoob txawj sib hlub thiab txawj tuav rawv koj lub koob.
    Yam nyob hauv kuv lub siab, kuv hais tsis tau tawm, vim tsis muaj ib los lus yuav hais tau, cia kuv tsa tes ua koj tsaug xwb mog.

    Yawg Hlob, kuv hais zaj paj huam tsis tag, koj paub hais tias yog li cas.
    Yawg Hlob, kuv hais zaj paj huam tsis tiav, txhais tias Hmoob tseem tos koj rov los HLUB dua Peb Hmoob rov lwm tiam...
    • 0