Welcome to HmongZa.com
Register now to gain access to all of our features. Once registered and logged in, you will be able to create topics, post replies to existing topics, give reputation to other members, get your own private messenger, post status updates, manage your profile and so much more. This message will be removed once you have signed in.

nraughlubhmoobxis

Members
  • Content count

    210
  • Joined

  • Last visited


Community Reputation

16 Good

About nraughlubhmoobxis

  • Rank
    Bachelor Degree 2
  • Birthday 12/09/1987

Contact Methods

  • MSN sengphor@hotmail.com
  • Website URL http://txojkevhlub.tumblr.com/

Profile Information

  • Gender Male
  • Location Mountain View College
  • Interests Sharing the love and hope that God has given me.

nraughlubhmoobxis's Activity

  1. nraughlubhmoobxis added a post in a topic "Kev Ruaj Khov"   

    Qhov no tsis tau hais txog tiam toj ntej vim tsis paub xyov yus tuag ua av puas muaj hnub los lawm. Tabsis kuv hais qhov tamsim no xwb, thaum koj ua ib yam dabtsi koj yuav tsum ua khov kho, txawm neeg yuav hais, luag yuav thuam los koj rau siab ntso ua khov kho. Txawm koj ua es nws ho mus tsis taus lawm los txhob tag kev cia siab sawv rov los ua yam tshiab thiab ua kom zoo dua qub tuaj. It does not matter how many times you fails, the important point is that how many time you get up from your failure and continue. Thomas Edison failed to create the light bulb 999 times and yet instead of saying "I failed 999 time", he said "I knew 999 ways of inventing that did not work" this is the positive behavior that leads to success.
    • 0
  2. nraughlubhmoobxis added a topic in Paj lus   

    "Kev Ruaj Khov"
    Thaum peb sawv, peb yuav tsum sawv khov kho yam tsob ntoo uas tsis tos leejtwg los txheem los tuav yus, thaum koj vau lawm koj yuav tsum vau rau hauv av yam li lub noob uas raug muab faus lawm los yuav tuaj kaus ciaj rov tuaj yuav rov tawg paj txi txiv dua.
    • 3 replies
    • 121 views
  3. nraughlubhmoobxis added a post in a topic "Nco Niam Kev Hlub"   

    koj sau laib zoo kawg li thiab os
    • 0
  4. nraughlubhmoobxis added a topic in Ntawv Hmoob   

    "Thai Trading"
    <a href="https://bx.in.th/ref/pzB67g/"><img src="https://d2v7vc3vnopnyy.cloudfront.net/img/resource/bx1_en.gif" width="728" height="90" border="0" style="max-width:100%;" alt="BX.in.th Bitcoin Exchange Thailand" /></a>
    • 0 replies
    • 665 views
  5. nraughlubhmoobxis added a topic in Paj lus   

    "Txhob Khuv Xim"
    “Txhob Khuv Xim”
    Me leej nus tus neeg kuv hlub
    Hmoob leej tub tus neeg kuv nco
    Txij li no yuav tsis ntsib koj
    Ntshe yuav ploj hauv kuv lub siab
    Kuv raug ntiab tawm ntawm koj mus
    Koj muaj tus los hloov kuv chaw
    Yam txoj saw koj muab hle hlo
    Muab kuv tso nyob kho siab khuav
    Koj mus tuav luag sab tes mos
    Thiaj tsis los ntsib kuv no lawm
    Cia sij hawm mam kho lub siab
    Txog xyoo tshiab mam ua siab tso
    Mam txhob nco thiab xav txog lawm
    Ua txij nkawm sib sib hlub nawb
    Ua siab dawb hlub luag ib leeg
    Lawv thiaj ntseeg thiab saib taus koj
    Tsis txhob coj li koj ua rau kuv
    Tsam luag uv tsis taus nawb mog
    Hos tias yog luag tsis hlub koj
    Ua siab loj tsis txhob tso tseg
    Ua siab leg hlub mus ib sim
    Thiaj tsis khuv xim thiab nco txog kuv
    Ua tiag uv lub neej thiaj zoo
    Tsis txhob nroo tsam luag cem koj
    Rub siab loj ua ib siab mog
    Txhob xav txog kuv no lawm nawb
    Ua siab dawb hlub luag ib leeg
    Ua tus neeg zoo pub rau luag
    Ciaj thiab tuag tsis txhob hloov siab
    Lub ntuj tshiab koj thiaj yuav ntsib
    Rau siab pib koj lub me neej
    Kom nws tsheej muaj koob nto npe
    Nrog luag ua ke kom txaus koj siab
    Tau tus tshiab uas koj ib txwm ntshaw
    Yam txoj saw uas koj xav tau
    Es txhob npau txhob xav txog kuv lawm nawb mog nraug hmoob….
    • 0 replies
    • 115 views
  6. nraughlubhmoobxis added a topic in Paj lus   

    "Nco Mus Li"
    “Nco Koj Mus Li”


     
    Txawm  tsis muaj koj los yeej nco

    Txawm koj ho tig rov qab los

    Kuv yeej tos yeej nco tas li

    Nco tuag nthi txog hnub tuag kiag


     
    Hlub ib pliag nco lawm ib txhis

    Hlub ib ntsis nco lawm ib tiam

    Yam rab riam chob hauv nruab plawv


     
    Nws tau sawv ciaj sawv hauv nruab siab

    Yam tsob ciab uas tuaj zoo chaw

    Txawm muab kaw nws yuav rov hlav

    Txawm ntuj tshav ntuj nag los raug


     
    Yuav tsis qaug yuav nyob ruaj khov

    Kuv yuav zov nco koj mus li

    Yuav luag ntxhi nyob tos ntsoov koj

    Lub ntuj loj thiab dav npaum cas


     
    Ntawm kuv mas muaj koj nkaus xwb

    Koj kuv wb txoj kev hlub no

    Kuv yuav nco tsis muaj hnub kawg

    Txawm yuav tsawg xyoo thiab hli los


     
    Nyob nov tos nco ntsoov koj mog

    Txawm tias yog tsis muaj txoj hmoo

    Ntev niaj xyoo koj mus deb los

    Kuv yuav tos nco ntsoov mus li


     
    Taus ntuj nti los yuav nco ntsoov

    Caij nyoog hloov sij hawm dhau mus

    Los kuv tus no yuav tsis pauv

    Ua tus qauv hlub mus ib sim


     
    Yuav tsis chim txawm koj ncaim mus

    Muaj lwm tus los kuv tseem nco

    Txawm koj ho ntxub kuv npaum cas

    Ntawm kuv mas tseem nco ntsoov os


     
    Txawm koj los koj mus los xij

    Yuav npaj txhij ua zoo txhua yam

    Kuv tsis lam yuav hlub ua si

    Hlub tuag nthi mus tag tiam no


     
    Yuav tsis tso koj txhais tes mus

    Koj yog tus kuv hlub tshaj plaws

    Txawm sawv daws yuav hais li cas

    Ntawm kuv mas yeej hlub koj tshaj


     
    Kuv yuav npaj txhua yam kom zoo

    Kom nto moo ntawm wb lub neej

    Kom nws tsheej muaj koob nto npe

    Ua vaj tse kom wb tau nyob os mog tus me neeg kuv hlub aw….

    • 0 replies
    • 202 views
  7. nraughlubhmoobxis added a topic in Paj lus   

    “Vim Tsis Yog Ib Leeg Tub”
    “Vim Tsis Yog Ib Leeg Tub”

    Kuv yug lost sis yog ib leeg tub

    Tsis muaj hnub yuav tau meej mom

    Es ua kom kuv niam zoo siab

    Xav hnav tshiab los yeej tsis tau


     
    Tu siab dhau yug los ua ntxhais

    Tsis paub hais yuav ua txoj twg

    Muaj phooj ywg coob los luag cem

    Kev lom zem tsis nrog luag muaj


     
    Hnov suab quaj nyob kho siab khuav

    Es xyov yuav ua txoj twg thiaj zoo

    Tsis muaj zoo yug los ua tub

    Luag thiaj pub yus ua txhua yam


     
    Xav tsheej tsam mas tu siab tshaj

    Xyov yuav npaj lub neej li cas

    Xav tsis tas rau lub neej no

    Cas kuv ho xaiv tsis tau es


     
    Zoo li ntses nyob nrog tus dej

    Cas luag tej niam lom zem xauv npo

    Cas kuv ho nyob lwj siab khuav

    Cas yuav dhua lub neej ua luaj


     
    Tsis xav quaj ntxiv li lawm os

    Xyov yuav tos mus ntev npaum cas

    Mam li ras ua neej kaj siab

    Txog xyoo tshiab thiaj muaj suab luag


     
    Lub kua muag thiaj li yuav tu

    Thiaj tsis xyu txoj kev ntxhov plawv

    Ntuj os lawv xav yog ib leeg tub

    Luag thiaj pub yus ua txhua yam xwb os lawv….

    • 0 replies
    • 42 views
  8. nraughlubhmoobxis added a topic in Paj lus   

    “Lwj Siab Ntawm Txoj Kev Hlub”
    “Lwj Siab Ntawm Txoj Kev Hlub”
     
    Txoj kev hlub yog ib yam zoo
    Yog yus nroo kuj yog yam nyuaj
    Vim kuv muaj koj ib leeg xwb
    Es koj twb tsis zoo li kuv
     
    Xyov yuav uv mus ntev npaum cas
    Kuv hais tas koj ua li qub
    Muaj kuv hlub lost sis txaus koj
    Tseem npaj zoj tham ntau tus ntxiv
     
    Xav yuav txiv ncaim kiag koj mus
    Nrog lwm tus ua ib lub neej
    Saib puas tsheej puas yuav kaj siab
    Pib dua tshiab saib uas yuav zoo
     
    Tsis muaj hmoo thiaj ntsib kev nyuaj
    Thiaj li quaj tas hnub tas hmo
    Txoj kev hlub no ua kuv mob siab xwb
    Koj kuv wb mus puas tau ua ke
     
    Hnov sib nthe sib cav tas li
    Suab luag ntxhi tsis nrog luag muaj
    Lub suab quaj mas muaj tas li
    Tsaus ntuj nti tsis paub ua neeg
     
    Xyov yuav ntseeg koj txog thaum twg
    Yam lub lwg thaum twg mam yaj
    Thiaj mam kaj kuv lub me siab
    Thiaj muaj lub ntsej muag tshiab nrog luag os lawv es….
    • 0 replies
    • 96 views
  9. nraughlubhmoobxis added a topic in Paj lus   

    "Thaum Wb Ua Ke"
    “Thaum Wb Nyob Ua Ke”


     
    Koj puas nco thaum wb ua ke

    Nyob sib ze tsa tes sib khawm

    Lub sijhawm cas yuav dhau mus

    Ntuj zuj zus koj tau mus deb


     
    Dhau nplog teb mus txawv tebchaws

    Deb tshaj plaws kuv mus tsis txog

    Xyov vim yog kuv no txoj hmoo

    Es thiaj zoo mus thooj li no


     
    Ua cas ho yuav tau ncaim os

    Kuv yuav tos koj txog thaum twg

    Tej phoojywg hem kuv hais tias

    Koj lam txias kom kuv nyob tos


     
    Koj tsis los hlub kuv ntxiv lawm

    Lub sij hawm yuav sai ua luaj

    Kuv tau quaj vim nco koj heev

    Niaj hnub seev xav ntsib koj dua


     
    Kuv hlub tshua xav ntsoov txog koj

    Es noj mov tsis qab li

    Nco thaum i wb nyob sib ze

    Noj mov ntse dej los yeej qab


     
    Koj txhais npab puag rawv kuv cia

    Kuv txoj sia zoo li muaj nqes

    Zaum no ces ntshe yuav kho siab

    Txog xyoo tshiab yog tsis muaj koj


     
    Muab xav zoj mas mob siab tshaj

    Tos ntuj kaj mus txog ntuj tsaus

    Ntshe yuav laus lawm tiag tiag os

    Xyov yuav tos koj mus txog thaum twg os tus neeg kuv hlub aw….

    • 0 replies
    • 121 views
  10. nraughlubhmoobxis added a topic in Paj lus   

    "Yog Tsis Muaj Kuv"
    “Yog Tsis Muaj Kuv”


    Yog tsis muaj kuv koj puas yuav quaj

    Koj puas tuaj nyiav kuv tom ntxa

    Koj puas nqa paj tuaj rau kuv

    Koj puas uv ua tau ib siab


     
    Txog xyoo tshiab koj puas muaj suab luag

    Koj noj zaub tsuag puas yuav qab os

    Koj puas tos thiab xav txog kuv

    Sij hawm luv los ntev rau koj


     
    Puas xav zoj thaum wb ua ke

    Tej vaj tse puas yuav sov nyob

    Yog koj mob puas muaj neeg saib

    Thaum koj tshaib puas muaj neeg hlub


     
    Tshav ntuj kub puas muaj tus roos

    Thaum koj ntsoos puas muaj tus ntxias

    Yog hais tias koj nyob ib leeg

    Puas muaj neeg tuaj saib xyuas koj


     
    Kev ua noj thiab kev ua haus

    Puas yuav txaus kav koj dhau xyoo

    Koj puas nroo txog kuv thiab nab

    Es puas sab yog koj mus khwv


     
    Koj mus kwv cav taws puas hnyav

    Es puas kav koj rauv caij ntuj no

    Puas yuav kho koj lub siab thiab

    Puas nyuaj siab thiab puas ntxov plawv


     
    Ntshe kuv sawv los pab tsis tau

    Kuv yuav dhau mus ua av lawm

    Lub sij hawm yuav tig tsis tau rov

    Txawm koj qov koj quaj npaum cas


     
    Qw kom tas koj lub suab kiag

    Yuav ncaim tiag ntshe tsis sib pom

    Es thov kom koj ho xav zoo

    Muaj txoj hmoo wb thiaj sib ntsib


     
    Los wb pib lub neej kom zoo

    Txhob nroo nroo ua lub siab ntev

    Ua niam tsev rub lub siab loj

    Siab ntev coj lub neej yeej yuav zoo xwb os mog tus neeg kuv hlub aw…

    • 0 replies
    • 107 views
  11. nraughlubhmoobxis added a topic in Paj lus   

    "Plam Koj Vim Kev Kawm"
    "Plam Koj Rau Luag Vim Kev Kawm"


    Yug los ua ib tug tub kawm

    txog sij hawm noj tsiab peb caug

    yeej tsis qaug rau kev ua si

    kawm txuj ci yog lub homphiaj.

    Es kuv thiaj tsis muaj sij hawm

    Uas yuav tawm mus tham hluas nkauj

    Tsis mus xauj Txog luag tej ntxhais

    Yeej tsis hais txog kev ua plees.

    Nyob ncaj ncees rau kev kawm paub

    Kev to taub kom paub txhij txhua

    kawm ib ncua Nce rau mos tsib

    kuv thiaj pib xav muaj tus hlub.

    Muaj ib hnub kuv tau mus tsev

    nyob tsis ntev tsis pes tsawg hmo

    phoojywg ho yaum mus ua si

    tsaus ntuj nti mus nrhiav hluas nkauj

    Thiaj mus xauj hmoob ntxhais thawj zaug

    kuv siab qaug vim nyiam koj heev

    kuv siab seev xav ntsoov txog koj

    siab xav zoj yuav mus kawm ntawv.

    ua siab sawv mus kawm ntawv dua

    los tseem tshua npau suav pom koj

    ua siab loj tias koj yuav hlub

    yuav tsis pub kuv kua muag ntws.

    kuv siab ntsws thiaj sau rau koj

    kev hlub loj ib qib zuj zus

    sib hlub mus tau ob peb xyoo

    Yam tsob ntoo uas pib tuaj cag.

    caij ntuj nag Pib hlav nplooj ntsuab

    yam tus nquab nrhiav tau chaw tsaws

    koj los daws kuv txoj kev ntshaw

    yam txoj saw tau kiag los coj.

    kuv hlub koj ib leeg xwb tiag

    thiaj puag kiag koj rau hauv siab

    tawm xyoo tshiab muaj lub suab luag

    tau koj puag zoo siab tiag tiag.

    los txog kiag xyoo kuv kawm tiav

    kuv tau txiav txim siab kawm toj

    kuv hais koj ua siab ntev tos

    kuv yuav los hlub koj ib leeg

    ntxim koj ntseeg kuv thiaj tso siab

    tawm xyoo tshiab kuv thiaj mus deb

    mus qab teb rau lwm teb chaws

    thiaj hla plaws ciam teb nplog lawm.

    yuav mus kawm rau wb lub neej

    kom thiaj tsheej ua neej xws luag

    so kua muag tsis xav hais lus

    kuv thiaj mus kawm tau ntev loo.

    tsis ntev xyoo kuv kawm tiav lawm

    txog sij hawm yuav rov los tsev

    yuav pua kev tuaj hais yuav koj

    kuv yuav coj koj nrog kuv mus.

    Kuv lo lus hais tsis tau tiav

    cas ua ciav muaj neeg hais tias

    ua siab txias txhob tu siab mog

    vim tias yog koj tus me hlub.

    raug luag rub mus ua nyab lawm

    koj mus kawm ntev ntev lawm ces

    lawv tuaj nqes tsev hais yuav lawm

    lub sij hawm twb dhau lawm os.

    koj txhob tos txog nws lawm mog

    kuv xav txog mas tu siab kawg

    ua pes tsawg los twb dhau lawm

    txoj kev kawm kuv npaj rau wb.

    es kuv twb npaj siab ua luaj

    cas kev quaj tseem raug kuv thiab

    me nploojsiab koj mus lawm tiag

    xav caum kiag los yuav tsis zoo.

    ua siab nroo so lub kua muag

    tshuav tsis tuag xwb ces zoo lawm

    txoj sij hawm tawm dua xyoo tshiab

    thiaj npaj siab mus kawm toj ntxiv.

    saib puas liv tau txoj kev nco

    tas li no kuv thiaj tuaj deb

    hla suav teb tuaj teb chaws no

    mam rau siab ntso kawm kom tiav.

    es saib puas muaj ib hnub kuv tau pab tus neeg kuv hlub

    xwb ces zoo kuv lub siab lawm oh.

     
     
    • 0 replies
    • 122 views
  12. nraughlubhmoobxis added a topic in Paj lus   

    "Cia Ua Npau Suav"
    “Cia Ua Npau Suav”

    Hub tsis tau cia ua npau suav

    Mam li tuav txoj kev hlub no

    Ua chaw nco tias hlub ib zaug

    Kuv tau qaug hlub koj ib thib


     
    Tau sib ntsib zoo li npau suav

    Hlub tsis dhuav yuav los tsis tau

    Txawm siv dhau lub caij lub nyoog

    Ua yog toog cas txawm siv tsim


     
    Cas yuav chim lub siab ua luaj

    Tsa suab quaj kom lub siab nqeg

    Hlub tso tseg cia ua npau suav

    Tsis tau yuav los tsuav tau hlub


     
    Tsis xav pub koj ncaim mus li

    Siab quaj dhi hais tsis tau ib los

    Xyov yuav tos mus txog thaum twg

    Es lub lwg mam li yaj mus


     
    Koj yog tus uas kuv hlub heev

    Ntshe yuav seev nco koj yuj yees

    Nco duj dhees hauv kev npau suav

    Tias tseem tuav rawv koj txhais tes hauv txoj kev npau suav lawm xwb os hmoob….

    • 0 replies
    • 94 views
  13. nraughlubhmoobxis added a post in a topic "Neeg Tsis Zoo Nkauj"   

    I am just a writer, and many friends request me to write for them...sometimes writing like a girl but I am actually a man. I am just trying to put my shoe[quote]s into girls' shoe[quote]s and writing poem for them....
    • 0
  14. nraughlubhmoobxis added a post in a topic "Neeg Tsis Zoo Nkauj"   

    Sometimes the heart is too stubborn to listen and can't see the reality. It just keeps falling in love even though the other party does not even care about it...
     
    Yet those that are patient enough, someday that person who hates you will finally turn to you and never leave you again because he /she experiences the fruits of the beautiful ones and enjoy the pleasure but at the end what he/she gets is hurtful experiences. Therefore we can never judge the beginning because the most important is not all about the beginning but about the end.
     
    • 1
  15. nraughlubhmoobxis added a topic in Paj lus   

    "Neeg Tsis Zoo Nkauj"
    “Neeg Tsis Zoo Nkauj”


     
    Tsis zoo nkauj koj thiaj tsis hlub

    Hmoob leej tub lam tuaj dag ntxias

    Paub hais tias yeej tsis hlub tiag

    Hlub ib pliag koj yeej dhuav kuv


     
    Koj lam uv laug lub caij nyoog

    Thaum kuv noog koj puas hlub tiag

    Koj teb kiag tias koj hlub heev

    Tab koj seev rau lwm tus tias


     
    Koj lam ntxias hlub kuv ua si

    Koj lam ntxhi kom kuv zoo siab

    Qhov tseeb thiab qhov tiag ntawv

    Es nws  txawv li koj tau hais


     
    Pom koj pais tham tus zoo nkauj

    Tus tsis ntse qauj phem nkauj li kuv

    Koj tsis khuv xim txog li os

    Txawm kuv mos los tsis zoo nkauj


     
    Ntshe yuav pauj tsis tau lwm tus

    Uas koj mus nrog luag sib puag

    Kuv kua muag thiaj li tau poob

    Rau nroog hmoob tus neeg siab ntau


     
    Hlub tsis tau mam ua ib siab

    Tawm xyoo tshiab mam nrhiav dua tus

    Uas phim yus thiaj li hlub tiag os

    Yuav tsis tos koj ntxim lawm o smog hmoob


     

     

     
    • 4 replies
    • 240 views